Proverbs 11:29 - Ohiatonhseratokénti

²⁹ Nónhka tiéhas kahwatsí꞉rakon ne kaʼnikonhrharáhtshera iáh kiʼ oʼthé꞉nen tshiaʼtahonatá꞉tenre. Nónhka iakononhwahró꞉ri tiótkon kahnhá꞉tshera enkénhake ne ronttokhahtsherí꞉io.

Proverbs 11:29 ပူးပေါင်းရင်းမြစ်များ

Genesis 34:30

Eʼthó꞉ne ne Jacob wahshakawènhahse ne Simeon tánon ne Levi, “Taskenihawíhtaʼse ne taonkeʼnikonhrá꞉re ne tsi wahskenónnien naiónkswen ne ratinakerénion tsi ionhontsá꞉te, ne Canaanró꞉nons tánon ne Perizró꞉nons; iáh tewakitiohkowá꞉nen, tánon tó꞉ka enhonnitiohkwaró꞉roke naionkatkón꞉ten tánon aontaionhkatiaʼtón꞉ti, kwáh kíʼ enionkáhtonʼte, tetsá꞉ron Í꞉i tánon nakhwá꞉tsire.”

Proverbs 14:19

Nón꞉kwe ne iáh tethotirihwaié꞉ri tenhontshá꞉kete raotihén꞉ton ne thotirihwaié꞉ri tánon enhonwatiʼné꞉ken ne nahonwatiiaʼtakéhnha.

Proverbs 15:27

Tókaʼ enhsateʼnién꞉ten ne iáh tetkarihwaié꞉ri tahsnaʼnéta tsi tahsatèn꞉tsha, ienhsheiaʼtenhá꞉wihte ne sahwá꞉tsire tsi tensewaʼnikonhrhá꞉ren. Tóhsa oʼthé꞉nen tsé꞉na nahò꞉ten iáh tetkarihwaié꞉ri aiesatkáriaʼkse nothé꞉nen tánon karí꞉wes enhshónhnheke.

Ecclesiastes 5:16

Kwáh iáh tetkariwaiéri! Éhren entsítewete kwáh kíʼ tsi ní꞉ioht tsi tsionkwatawehiá꞉ton. Hionkwahióte, tewahnikonhrahráhtie tsi iahó꞉the, tánon nahó꞉ten entewahiéna?

Hosea 8:7

Asè꞉ken nowé꞉ron ahatiiéntʼtho, tánon kwáh kí ne enhatiientʼwáko ne tekaweratá꞉ses. Nonátsia kaiénthon iáh othé꞉nen tehionatsóhare, iáh othé꞉nen takatheseronhní꞉hake; tó꞉ka thé꞉nen ahontakáhawe, thiononhontsá꞉te nenhné꞉e enhontekwí꞉sa.

1 Samuel 25:17

Ó꞉nen kiʼ thóh nón꞉we naisateréntahrak kí꞉ken tánon tetsatóret onkwanáshiere; asèken ne kariwahét꞉ken teioiatoréhton tsi nòkwah ne shonkwaiataʼkwení꞉io tánon tsi nòkwah nakwé꞉kon tsi rononshó꞉tons; ne raónha tsi nironkweʼtahétken nètho iáh ónka tewátons ne tanitháren.”

1 Samuel 25:3

Nón꞉wa tsi nihoʼsenhnóten kí꞉ken rón꞉kwe ne ne Nabal, tánon tsi nihiakoʼsenhnóten ne ró꞉ne Abigail. Nètho iónkwe kwáh í꞉ken tsi watenikonratʼtókha tánon watkatoʼtserí꞉io, ók ne rón꞉kwe kwáh neh í꞉ken tsi ratonkweténtoʼre tánon raniakátste; ne raónha ne ne Calebite nahahiatóten.

1 Samuel 25:38

Kakʼnón ne oié꞉ri nón꞉ta onakénhke ne Roiá꞉ner wahononwariá꞉khon ne Nabal.