Proverbs 11:22 - Ohiatonhseratokénti

²² Ión꞉kwe ne ioiaʼtáhskats tánon iáh tewattókha ne aontaionteʼnièn꞉tenhste ohwistanó꞉ron anisnónhsawi kwéskwes kaʼnionhsà꞉ke aieniión꞉ten.

Proverbs 11:22 ပူးပေါင်းရင်းမြစ်များ

Genesis 24:47

Eʼthó꞉ne waʼkheriʼwanón꞉tonhse, ‘Ónhka ní꞉se iesaièn꞉ʼa?’ Tánon waʼtierihwaʼserá꞉ko, ‘Ne rakeʼníha ne ne Bethuel ne ne Nahor roièn꞉ʼa í꞉ken tánon ne ne Milcah rawennakerátston.’ Eʼthó꞉ne ó꞉nen waʼtekheʼwahshá꞉ren ne ieʼnionhsà꞉ke tánon waʼtekhenentsháhnhake natenentsháhnha.

Proverbs 11:21

Saterièn꞉tarak ne iáh tetiakorihwaié꞉ri eniontré꞉wahte nok nónhka tiakorihwaié꞉ri enieʼniá꞉kenʼne naiontré꞉wahte.

Proverbs 12:4

Rón꞉kwe ronià꞉kon ne tiakorihwaié꞉ri né꞉ʼe raotonhnharáhtshera tánon raonaiéhsera; nok ne rón꞉kwe ronià꞉kon ne thonwá꞉wis atehénhsera kwáh ne shá꞉ka ne takwaʼáhsen raohstièn꞉takon aʼónʼtien.

Proverbs 31:30

Tsi niieweiennò꞉ten enkakwé꞉ni ensaʼnikonhrhá꞉ten nok ne iakoiaʼtáhskats iáh tiótkon thenkénhake, nok ne iakón꞉kwe ronwahsennakará꞉tats ne Roiá꞉ner kwáh orihwà꞉ke aietsihsennakará꞉tate.

Proverbs 7:10

Eʼthó nontá꞉we waʼthiatátken, iotatkwatákwen tsi ní꞉ioht ne waʼthonwisenʼtsheráksen tánon ioteʼnikonhronnihátie.

Proverbs 9:13

Ohnonhwarorí꞉ta ne shá꞉ka tsi ní꞉ioht ne ión꞉kwe teioterienʼtakária tánon iáh tekarihonnién꞉ni, ó꞉ni iáh teiotehenhserá꞉ien.

2 Tiér 2:22

Tsi nahotihiátawen wahenéh꞉ne tsi tókenste thoʼní꞉ioht tsi nontakahkarátatse; “Ne érhar thóh niesrétha tsi nahóten tostíkon” tánon “Ne kwéskwes ne konwatawénshon thóh iesewatiatakaraténiathe nonawástake.”