Proverbs 11:20 - Ohiatonhseratokénti

²⁰ Roiá꞉ner ráhswenhs nónhka wahétken ionnonhtónnions, nok shakonorónhkhwa nónhka tierihwaié꞉rits.

Proverbs 11:20 ပူးပေါင်းရင်းမြစ်များ

1 Chronicles 29:17

Wakateriénhtare tsi onhkweʼtaʼkwé꞉kon tsi seiaterahsát꞉kenhse tánon serientí꞉ios tsi niʼiákon ne iakotonkwetaʼkwahríhshion. Né tkarihwaiéri tánon orihwihiohón꞉we kwáh thóh niwakenikonhró꞉ten tsi akwé꞉kon í꞉se thonʼiáwi kí꞉ken, tánon wakhé꞉ken ne shonkweʼtashón꞉as né kénʼen ronatsataró꞉ron tsi ronatʼtsenhnónhni tsi nonhtahatiʼhá꞉sehron wahesawíhon.

Psalms 101:4

Ne iáh tehioterhiasatʼkwéniens aí꞉non entkénhake nakonháke; iáh tatewaʼkatonhontsóni nakerihwaʼientéraʼne ne karihwaʼhetkénhsera.

Psalms 11:7

Asèken ne Roiá꞉ner roiánere nenhné꞉e; né tesakorihwaserakwénhnis ne kaiáneren kahioténhseras; tsi tionkwetaiéri enhierihwaiénterane tsi niotenorónston.

Psalms 119:1

Iakotáskats tsi nikákon ne tsi niʼieweienhnótens iáh othèhnen tekanitserénhawe, thóh nón꞉we nihiakothahítake raohianerenhserákon ne Roiá꞉ner.

Psalms 140:13

Orihwiʼiohónwe ne thonhnonkwetaiéris tsi thenhontenonhweráton sasénhnakon; ne rotirihwatókens kwáh sahénton enhonnónhnheke.

Psalms 51:6

Tsi nahióntsere ne tkarihwaʼiéri nakawerhiáne nón꞉we ahontakaiénthakwe tánon ne iésehre ne iotokenskehónwe ne Rawenni꞉io raowenhnahó꞉kon né thóh ní꞉ioht tsi rarihwaʼnón꞉tons ne Rawenni꞉io; takerihón꞉nien atʼthokhátseras tsi nòkwah ne ioteriwaʼséhtons.

Proverbs 11:21

Saterièn꞉tarak ne iáh tetiakorihwaié꞉ri eniontré꞉wahte nok nónhka tiakorihwaié꞉ri enieʼniá꞉kenʼne naiontré꞉wahte.

Proverbs 12:22

Roiá꞉ner shakotahkwáhswenhs ne iakonó꞉wen, nok rawerienʼtí꞉ios nónhka tho nenié꞉iere tsi nahò꞉ten iakorihwíson.

Proverbs 13:6

Tkarihwaié꞉ri iakoiaʼtanónhstats ne iáh oʼthé꞉nen teiakohnhí꞉kon; karihwanéren ne ieniakoià꞉tenhte ne rotirihwanerenʼákskon.

Proverbs 14:9

Nón꞉kwe tehonatenonhwarorí꞉tonte iáh oʼthé꞉nen tehontsterístha nahatirihwanérake, nok ne tionkweʼtaié꞉ri tehonatonhwentsó꞉ni naonhsahonwatiʼnikónhrhenʼse.

Proverbs 15:26

Roiá꞉ner ráhswens ne iáh tewanonhtonnionhtsherí꞉io, nok rawerienʼtí꞉ios nowennaʼshón꞉ʼa ne watenroʼserí꞉io.

Proverbs 15:8

Roiá꞉ner rotonhnháhere nó꞉nen tionkweʼtaié꞉ri ronaterén꞉naien, nok ráhswens ne thatíhas karihwiioseʼokón꞉ʼa ne rotirihwanéren.

Proverbs 16:17

Nónhka tionkweʼtaié꞉ri tho nón꞉we enionthahaté꞉ko tsi iohatátie ne karihwanéren; satenʼnikón꞉raren ká꞉ti tsi nón꞉we wesenonhátie—tókaʼ ne ensaʼniá꞉kenhte.

Proverbs 21:29

Nón꞉kwe ne tionkweʼtaié꞉ris kwáh tokén꞉ʼen ronaterién꞉tare nó꞉nen tkariwaié꞉ri tsi nihontiéhrha; nok ne iáh tetionkweʼtaié꞉ris shakotininonhwaroriʼtón꞉nis nakorèn꞉shon tsi nihontiéhrha.

Proverbs 3:32

Ne tsi ne Roiá꞉ner ráhswenhs nónhka iáh tetiakorihwaié꞉ri nok ne tionkweʼtaié꞉ri kwáh otokén꞉ʼen tsi entehshakawéhtahkwe.

Proverbs 6:14

Tió꞉konteʼ nek ronnonhtonniónkwas nahò꞉ten ioʼtáksen nahshakotikarón꞉ni tsi nón꞉we nienhón꞉ne.

Proverbs 8:13

Nó꞉nen entskwénienhsteʼ ne Roiá꞉ner, énhtswen kiʼ ne karihwáksen; íhkswens naʼkatkáhtho tsi nihatiweiennò꞉ten nónhka iontatón꞉ni, ó꞉ni ne karihwanéren tánon ne owennaʼshón꞉ʼa ne kaʼnikonhrhá꞉ton.

Proverbs 9:7

Tókaʼ enhsateʼnién꞉ten ahsherihwakwaríhshien ne rontatkweniénhstha tókaʼ ó꞉ni ne iáh tethotirihwaié꞉ri, kwáh nek ne eniesaʼnikonhrakaré꞉wahte.