Proverbs 11:17 - Ohiatonhseratokénti

¹⁷ Entehsataterihwaié꞉ritste tókaʼ tisarihwaié꞉ri. Tókaʼ sonkweʼtáksen í꞉se khók enhsatatkaré꞉wahte.

Proverbs 11:17 ပူးပေါင်းရင်းမြစ်များ

Job Tánon ne Raoronhiakensera 20:16

Ne oʼniá꞉re kwáh kíʼ enhokári; nahoná꞉son ne oʼniá꞉re kwáh kí enononwarià꞉kon.

Proverbs 15:27

Tókaʼ enhsateʼnién꞉ten ne iáh tetkarihwaié꞉ri tahsnaʼnéta tsi tahsatèn꞉tsha, ienhsheiaʼtenhá꞉wihte ne sahwá꞉tsire tsi tensewaʼnikonhrhá꞉ren. Tóhsa oʼthé꞉nen tsé꞉na nahò꞉ten iáh tetkarihwaié꞉ri aiesatkáriaʼkse nothé꞉nen tánon karí꞉wes enhshónhnheke.

Proverbs 22:9

Tasarihwaié꞉rik tánon tashé꞉ion atenná꞉tshera ne iakotenhténion. Enhshié꞉na kaiaʼtateríhtshera.

Ecclesiastes 4:8

Né꞉ne ónhkak akahonháʼa khók iéteron. Iáh tehiakonekenteronhtsheráien, iáh tehiakothatekénhsen, ethohʼsáne tiotkonhónwe rohióthe, iáh nonhwénhton tehawerientí꞉hios tsi nihokwáhtse. Ónhka akoriwá꞉ke tsi niehótre tsi rohióthe tánon thaʼtatotʼthakwénhni nahatenikonhró꞉ri? Kí꞉ken kwáh iáh othénenh tehioríhonte, nònhne—tánon ioterihónkot né ní꞉ioht tsi ahiakónhnheke.

Isaiah 57:1

Né tionkweʼtaiéris ronhnihé꞉ions, tánon iáh ónka othé꞉non tehionsterístha; né rotirihwiʼióstons iehonwatiʼhiathénha, tsi ná꞉he iáh ónhka teiakonikonraiéntas. Asèken ne tionkwetaiéris tsi tiontatsatón꞉ne tsi nó꞉kwah nateraswakʼsénhtshera,

Daniel 4:27

Eʼtho káti, Sanontí꞉io, tsé꞉na tsi nenkoniatenʼnikónron. Sáhtkawh tsi nisarihwanerenenhátieʼs, ne tho nátser ne tkarihwaié꞉ri, ó꞉ni saiéntak natanitén꞉ron tsi nonkwá꞉ti ne iakó꞉ten. Eʼtho꞉ne ienwatahshónteren naesaianeráhsten.”

Matthew 5:7

Iakotaskat niakotaʼnitenraskon, aseken entsiontatitenre.

Luke 6:38

Sheion, entsieson; akȣa oni enȣatoniententseriiohake tsi entsiesatenienthase, enȣatsioron, akȣa oni tenhiontaniraton nok sekon onȣataȣenratseke, aseken ok ki keh natentiesaierase tsi entiesatennietase tsinise nensheierase.

Philippians 4:17

Iáh neh thèkere thóka kén knahótenk kwanekénnis, nók neh tewakatonwentió꞉ni naisewaiéna ne kahiataterítsera tsi nihtkáhas nahiontáthon.

Ne꞉ne Sák Rohiaton 2:13

Asèken ne Rawenni꞉io iáh taréneste nataniténron nónen tensakoiatórete nónkwe ne iáh teiakoienʼnataniténron; nók ataniténron iosénnies ne kaiatoretátsera.