Proverbs 11:11 - Ohiatonhseratokénti

¹¹ Tsi kaná꞉taien enkahshennowáhnha ne tionkweʼtaié꞉ris enkonwaiaʼtaté꞉rihste, nok ne enkenʼtáksaʼte raotiwén꞉na ne iáh tethotirihwaié꞉ri.

Proverbs 11:11 ပူးပေါင်းရင်းမြစ်များ

Genesis 45:8

Katíʼ iáh í꞉se kén꞉ʼen tetehskwatenniéhton, ók Rawenni꞉io; Ráonha wahakónnien ne kaʼníhsera aká꞉ton raonhá꞉ke ne Pharaoh, tánon atiá꞉nehr akénhake akwé꞉kon ne raonónhskon ó꞉ni nakkó꞉rahsteʼ akwé꞉kon tsi niwatonhóntsa ne Egypt.

2 Samuel 20:1

Nón꞉wa ne ne iáh othènon teharihwástha Sheba ronwáiats neh roʼiénha ne Bichri, ne ne Benjaminró꞉non, tahiotokéntane thóh nón꞉we níreskwe. Wahatá꞉tiste iehonrawátsta tánon wathohénrete, “Iáh othènen thateionkwateriwaʼshón꞉tere ne Táwit, iáh othènen ne sataʼionkwawenhkónwe ne Jesse roʼiénha! Sewakwé꞉kon tsitisewatohseróhton nionshá꞉sewe, Ó Israerʼró꞉nons!”

Job Tánon ne Raoronhiakensera 22:30

Kwáh ó꞉ni enshesakohiatá꞉ko iekaní꞉hare tsi niiá꞉kon ne iakoní꞉kon; kwáh ki enshontonhnakanón꞉ni thóh shatsá꞉nake.”

Proverbs 11:10

Tsi kaná꞉taien ronatonhnháhere nón꞉kwe ne thotirihwaié꞉ri nó꞉nen tho niiohtonhátie tsi nihotirihò꞉ten, tánon ronatshennón꞉ni nó꞉nen enhonníheie ne iáh tethotirihwaié꞉ri.

Proverbs 11:12

Teiotenonhwarorí꞉tonte ónhka ahshekenhrenʼserón꞉ni. Tókaʼ tesaʼnikonhráhthe thaʼtensató꞉tate kiʼ.

Proverbs 14:34

Nón꞉kwe tiakorihwaié꞉ri ne ión꞉nis ne kanakerahserá꞉kon enkanakerahseriióhake kiʼ; karihwanéren tkáhas atehénhsera ne kanakerahserá꞉kon.

Proverbs 28:2

Nó꞉nen ne kanakeráhsera enkarihwanéraʼke, tenhonttenión꞉ko ne ronaterihón꞉ton. Enkaʼshátsteke tánon enkatátie ne kanakeráhsera tókaʼ tehotiʼnikonhráthe tánon ronateʼnikonhríhson ne ohén꞉ton tenshatí꞉taʼne.

Proverbs 29:8

Nón꞉kwe ne iáh oʼthé꞉nen tehshakonón꞉ni nakohrèn꞉shon enwá꞉ton kanatakwé꞉kon tsi tenhonniʼtónniaʼte. Nok ne ronteʼnikonhrattókha skén꞉nen ronnón꞉nis.

Ecclesiastes 9:15

Ónhkak thóh ienákerekwe kwáh íken tsi tehiontkárhiaskwe, ók kíʼ tsi nióre tsi rahthókhakwe ahionthónhon nahononhsthá꞉thonke ne kanátha. Ók kíʼ kwáh iáh ónhka tehonwehiaráhʼon.

Ne꞉ne Sák Rohiaton 3:6

Tánon kíʼ nawenʼnáson kwá né꞉ne ótsire. Kwá ohontsiakwékon tsi iáh tetkaiéri, thóh nón nihiotienawáston nonkwaiéronke tánon ne tehioreniáton ne wahétken ne tewahiatakwékon. Kwá enhiotsirótake tsi nikaríwes entiónnheke, nótsire kwá onèson nón nitewétha tsi hioʼtsiénnis.