Proverbs 10:7 - Ohiatonhseratokénti

⁷ Enhonwenehiá꞉rake ne thotirihwaié꞉ri tsi né꞉ʼe ní꞉ioht ne kaiaʼtateríhtshera, nok ne iáh tetionkweʼtaié꞉ri iohsnó꞉re enhshonwatiiaʼtaʼnikónhrhen.

Proverbs 10:7 ပူးပေါင်းရင်းမြစ်များ

1 Kings 11:36

ók kíʼ skenhtsiókwah enhitsiókon ne Solomon roiénha, né káti nahontienhthake né tiókonhte tsi ienhatwatsiríhne nakenhátsera Táwit nahonatʼkorasthónhake ne Jerusalem, né꞉ne tsi kanatowanénhke ne wakathaterakwénhni tsi nónhwe nenh hiontsenhnaienthákwahke.

2 Kings 19:34

Kwáh enkaterí꞉ioʼse kí꞉ken kanatowanénke tánon entké꞉ne, né꞉ne ahoriwáke ne iaʼtetiáti akerenhsaronhtiéra tánon né tsoríhwa tsi niʼihiararatsʼténhni nakenhátsera Táwit.’”

2 Chronicles 24:16

Wahonwaiatháta tsi nón꞉we nihonwatiʼiathatahásta ne kanontiʼiótsheras né꞉ne Táwit raonátakon nón꞉we né tsi wahatikwéhnienste tsi nishakotiérahse nonhkweʼshón꞉as ne Israerʼró꞉nonke, ó꞉ni ne Rawenni꞉io, ó꞉ni Nononsatokentikówa.

2 Chronicles 32:33

Hezekiah warénheʼie tánon tsi wahonwahiatháta né꞉ne é꞉neken nòkwahti ionátʼthaien ne tsi nón꞉we nihonwatihiathatahástha ne kanonhtiʼiótsheras. Ratikwé꞉kon nonhkweshón꞉as ne Judah ó꞉ni ne Jerusalem kwáh í꞉ken tsi kowánen tsi ní꞉ioht tsi wahonwakwénienste sharénheʼie. Né꞉ne roiénha Manasseh thonsahonatʼthákwen tsi sahatenontí꞉iosʼte.

Job Tánon ne Raoronhiakensera 18:17

Nahonweiá꞉rake ónhton ne tsi ionwenhtsá꞉te, tánon iáh othé꞉non thahasenhná꞉rake ne tsi tekanatokénhseron.

Job Tánon ne Raoronhiakensera 24:20

Ne watewiraráhkwa enhiakohiataʼnikonrénhen; ne oʼtsinonwanhéta wakatshén꞉ri noierón꞉ta tsi natehiotsikhè꞉tare; kwáh iáh ónhka teshonwehneiáre ká꞉ti ne karihwahetkénhsera thenwatsá꞉ke tsi ní꞉ioht ne karón꞉ta.

Job Tánon ne Raoronhiakensera 27:23

Kwáh thenhosarókse, tánon nowé꞉ron enwenhnaká꞉reke tsi éhren enhohiathenhá꞉wite tsi nón꞉we nihèn꞉teron.

Psalms 109:13

Aiáwens né raowáʼtsires ratikwékon ahonhníheʼie; aiáwens ne óia tahatinekwenhsatátse ahonwaʼhiatanikonhrénhʼen.

Psalms 109:15

Thóh kaiéntat raohénton ne Roiá꞉ner iaiotʼkontakwénhake, tánon aiáwens tsi nahóten arehiáraʼke kwáh kíʼ akanikonhrénhʼen ne tsi iohontsate.

Psalms 112:6

Asèken ne tionkwetaiéri iáh né nonwénhton tahiakorihwaʼnorónsthen; kwáh nenhné꞉e enhonwenehiárake tsi nénhwe enkénhake.

Psalms 34:16

Né Roiá꞉ner kwáh í꞉ken tsi sakoteniakatsténhnis ne waʼhét꞉ken tsi nihiontiéra, ensahkó꞉iatse ne ronhnonwenhtsakeró꞉nons ne tó꞉sa ahonsahonwenhnehiárake.

Psalms 34:17

Nó꞉nen ne tionkwetaiéri tenhionʼsén꞉tho nasakoiénawase ne Roiá꞉ner, roʼthóntes, tánon sehsakohiatotaríhshions akwékon tsi natehonanikónhrahre.

Psalms 41:5

Né iónkshons kaniakensténhsehra tsi nihiontiérase teonatonhontsóni nakíheie, tánon kwáh akattsenhnáton.

Proverbs 22:1

Kaʼniká꞉ien ahsataterá꞉wase naiesahsenniʼióhake, kaʼton atshoʼkowáhtshera ne kiʼ sataterakwas naesahsenni꞉ióhake.

Ecclesiastes 8:10

Hén, khèken ne rohtiriwanerahákskons ronwatihiatáten tsi nónhwe nihonthatsatathahástha. Tánon Ononsatokentiʼkówahne nontahónʼne tánon wahonwatihiatátha, tanon ne tsi kanatowánen nonhkweshón꞉ʼa wathonwatirénsaron tsi nónhwe ne rahothiriwahetkénsehra nikahioténʼen.

Isaiah 14:22

Kwáh tentétʼtaʼne nakheiatʼkónten, rá꞉ton ne Sakoiá꞉ner ne ronterí꞉ios ratiʼronhiakeró꞉nons, tánon kwáh éntsiake ne Babylon aosénhna tánon ne iaʼteonathaténron, naʼkohioʼokónha tánon tsi ratiʼwatsiratátie, rá꞉ton ne Roiá꞉ner.

Jeremiah 17:13

Saiá꞉ner, í꞉se ne Israerʼró꞉nons raonarahrátʼtshera; rahtikwékon ne ieshaʼtewenhtéton tsi enhonwanatéhaʼthe. Éhtho ní꞉ioht tsi enhatiʼhiatáthon tsi ní꞉ioht ne okenráhke kahiáton, tioríwah tsi waheshaʼtewénhtheʼte, ne Saiá꞉ner, né꞉ne ionékoʼte ne kanekí꞉io.

St. Mark 14:9

Oriȣiio tsi kȣarori: Kakiok nonȣe tsini ionȣen tsia nenkonȣaȣennanoton ne kenh Kariȣiio; ok oni neneh etho niioriȣake tenskonȣarensaronseke tsi nakaiere nonȣa.

Luke 1:48

Neh tsini hakkonnienston atatkenronniatserakon; nese ȣaonni onhiontonheke tsinenȣe: enhiontonheke iotsennonni.