Proverbs 10:32 - Ohiatonhseratokénti

³² Thotirihwaié꞉ri kawenní꞉ioʼs nahò꞉ten enthatiwennínekenʼne nok ne ronnonkweʼtáksenʼs nek ne thatiwennínekenʼs ne ahshakotiʼnikonhrakaré꞉wahte.

Proverbs 10:32 ပူးပေါင်းရင်းမြစ်များ

Proverbs 11:11

Tsi kaná꞉taien enkahshennowáhnha ne tionkweʼtaié꞉ris enkonwaiaʼtaté꞉rihste, nok ne enkenʼtáksaʼte raotiwén꞉na ne iáh tethotirihwaié꞉ri.

Proverbs 12:18

Iáh tewanonhtonnionhtsherí꞉io nowennaʼshón꞉ʼa tho ni tsi ensakaré꞉wahte tsi ní꞉ioht ne aʼshareʼkó꞉wa, sók ne tkawennaié꞉ris enwá꞉ton ensátsenʼte.

Proverbs 12:6

Raotiwén꞉na ne rotirihwanerenʼákskon iakohnonhwarhiakons, nok ne raotiwén꞉na ne thotirihwaié꞉ri eniakoʼniá꞉kenhte nónhka iontatteronhkwén꞉nis.

Proverbs 15:2

Nó꞉nen ne ronttokhahtsherí꞉io nón꞉kwe enthontá꞉ti, entisaʼnikonhratihéntho tsi nahò꞉ten ronaterién꞉tare. Nok ne iáh tehonttókha nek ne thontà꞉tis nahò꞉ten iáh orí꞉wa té꞉ken.

Proverbs 15:28

Nón꞉kwe tiakorihwaié꞉ri enionnonhtonnión꞉ko ohén꞉ton tsi niió꞉re tenierihwaʼserá꞉ko. Nón꞉kwe ne ionkweʼtáksenʼs iohsnó꞉re tenhatirihwaʼserá꞉ko, sók entkáhawe kaʼnikonhrharáhtshera.

Proverbs 2:12

Ensaiaʼtakéhnha ne tóhsa tho náhshiere tsi nahò꞉ten iáh tetkaié꞉ri. Ensaiaʼtohtáhrho tsi nón꞉we nihón꞉nes nón꞉kwe ne ratiritstonhnis tsi nahò꞉ten enhonnì꞉ron—

Proverbs 4:24

Tóhsa nonwén꞉ton tsì꞉ron nahò꞉ten iáh tó꞉kenhske té꞉ken, tóhsa thé꞉nen satsté꞉rihst nahò꞉ten ne onó꞉wen tánon ne owennaʼshón꞉ʼa naiesathaharákwahte.

Proverbs 6:12

Iáh shaʼtékena té꞉ken tsi nihatiiaʼtó꞉ten ne rotirihwaneraʼákskon ne tsi tió꞉konteʼ ronnonwenhtánions.

Ecclesiastes 10:12

Nahó꞉ten ne ronteʼnikonhrahtókha rónhton tsiakówis ne karensarónhtshera, ók ne tonathónnhotʼthe nek khók ne roʼnónhak raotiwenhnahó꞉kons iakohiatathóntha.

Ecclesiastes 12:10

Ne sakorihonhniénhni wahateniénten nahatsénhri ne watewenhnaʼtsésens, ók nowenhnásonhs ne rohiathónhnions kwáh ohriwí꞉io íken.

Daniel 4:27

Eʼtho káti, Sanontí꞉io, tsé꞉na tsi nenkoniatenʼnikónron. Sáhtkawh tsi nisarihwanerenenhátieʼs, ne tho nátser ne tkarihwaié꞉ri, ó꞉ni saiéntak natanitén꞉ron tsi nonkwá꞉ti ne iakó꞉ten. Eʼtho꞉ne ienwatahshónteren naesaianeráhsten.”

Titus 2:8

Ne íh꞉sas ne tkawennaiéris né꞉ne tóhsa ahónton naieriwahkátathe, ne nahónton nahonwanatéhate ne iesáshions ne tsi iáh tahatikwéni ne thénen wahétken ahionkhiʼiénhase.