Proverbs 10:25 - Ohiatonhseratokénti

²⁵ Nó꞉nen tekaweratá꞉ses éntewe, ówera ienhotiʼiaʼténhawe ne iáh tethotirihwaié꞉ri iáh káneka thenshoné꞉sheke, ók ne thotirihwaié꞉ri tiótkon skén꞉nen enhonnónhnheke.

Proverbs 10:25 ပူးပေါင်းရင်းမြစ်များ

Job Tánon ne Raoronhiakensera 17:9

Ne rotiiáneres ronatienawáston tsi nihatiweienó꞉tens; tánon tsi niiá꞉kon ne iakotetsanatkwéniens iakoshatstenhenhátie nenhné꞉e.

Job Tánon ne Raoronhiakensera 20:8

Kwáh kenk tsénre tsi ní꞉ioht natetsénhsera, tánon iáh tahonwahiataʼtshén꞉ri; kwáh enhahiatá꞉ton tsi niʼioht naiotasátare noʼkarasnéha.

Job Tánon ne Raoronhiakensera 21:18

Asè꞉ken ne ronónha thóh nahiotón꞉hake tsi ní꞉ioht ne kawá꞉he ne tsi iówerare, tánon tsi ní꞉ioht nosehwaséhri tsi iahó꞉te iaʼkáhawe.

Psalms 125:1

Tsi niʼiákon ne tonhwetákwen ne Roiá꞉ner kwáh né꞉ne tsi ionónhte ne Zion, iáh thahónton nahioriáneronhke, ók tsi nénhwe enkátake.

Psalms 15:5

Nenhsakowístani iáh tehára ne watehiárons, tánon iáh thatehonwatsikhetároseh nasakokʼkónhten ne iáh tehiakoníkon. Tsi nihiákon kíʼ kén thóh niweiehnó꞉ten iáh kíʼ nonwénhton tahiakohiathíshonkwe.

Psalms 58:10

Né tiokwetaiéris enhontonhnáren nó꞉nen enhontkátho skakarhiákon; kwáh thóh enhonrashitóhare raotinekwenhsáke ne hionkwetahét꞉kens.

Psalms 58:9

Nohénton nahonateriéntarane ronwatironhtsiákon tsi ní꞉ioht nóhonte; raonakwahtsherákon ne Rawenni꞉io kwáh tensakótehnste tsík sénhak shé꞉kon ronnónnhe.

Proverbs 1:27

nó꞉nen tensáhkwaʼte tahsaʼnikonhrhá꞉ren né shá꞉ka tsi ní꞉ioht ne tenkaweratá꞉se ne kaʼnikonhrharáhtshera, saronhiá꞉ken tánon saʼnikonhrèn꞉ton.

Proverbs 10:30

Nón꞉kwe tiakorihwaié꞉ri tiótkon skén꞉nen tsi ratinákere, nok ne iáh tetiakorihwaié꞉ri iáh kiʼ tho thahatinákereke tsi ionhwentsá꞉te.

Proverbs 12:3

Karihwanerenʼáktsera iáh teiakó꞉wis skén꞉nen aionnonhtónnionhwe, nok ne thotirihwaié꞉ri énskaʼk ne tsi nihotirihwahní꞉ron.

Proverbs 12:7

Rotirihwanerenʼákskon ne ienhotiià꞉tenhte tánon iáh oʼthé꞉nen thahonthwatsirón꞉ni, nok ne thotirihwaié꞉ri raotihwá꞉tsire enhonnónhnheke.

Isaiah 40:24

Kénk níkon tsi ratiʼiéntʼthos, kénk nikonhátie ne kánen tsi ronáties, iáh kwáh arèkok thehioteronhtáhon ne kontistawínahke ne tsi ionwenhtsáte konhnète, nó꞉nen ensakotonhniseraʼiénte, tánon onstaʼthen, tánon ne tsi tehioweratàse iakáhaʼwe tsi ní꞉ioht ne kaʼwá꞉he.

Matthew 16:18

Nok ȣakonrori oni: ise ne Tier, nok etho oststenrake enkenonsonni nakenonsatokenti; iah oni nonȣenton tiiakonȣasenni nonatkonseraksen.

Ephesians 2:20

Í꞉se, ó꞉ni, sewaiátare ne tsi kanónhshote tsi ní꞉ioht tsi teʼthotitsténrote ne ratikweʼkón꞉ne ó꞉ni ne iehatirihwákensʼkwe, ne tsi tekahió꞉saien nonén꞉hia ne wátston né꞉ne kwáh rahonhatsíʼwa Ié꞉sos Kerístos í꞉ken.

1 Timothy 6:19

Ne nen꞉ne ne kwáh enhioriwahníronke tenkenstenrótake tsi enhontateweientónhase natiokowátsera tsi niahawenonhátie. Tánon etʼthóhʼne enhatikwéni tahonténtia natónnhets ne kwáh oriwí꞉io iónnhe.

2 Timothy 2:19

Nók ne ioníron thekenstenrotákwen nètho ne Rawenni꞉io rohkéron iáh tahónton ne tahiowéntonwe; tánon thóh ken nikawennótens kahiáton: “Ne Roiá꞉ner rohtheriéntare ónhka ne rahonkwetaʼsónhas” tánon “tsi nihiákon ne iónton Roiá꞉ner rahonkwéta íken ónenk tsi tentionkʼkarathéni tsi nihiontiéra ne iáh tetkaiéri.”