Proverbs 10:21 - Ohiatonhseratokénti

²¹ Tiakorihwaié꞉ri akowennaʼshón꞉ʼa wé꞉so eniakoiaʼtakéhnha nón꞉kwe, ók ní꞉se enhskwé꞉ni enhsatatenonhwarhiakon tsi nisanonhwaró꞉ri.

Proverbs 10:21 ပူးပေါင်းရင်းမြစ်များ

Job Tánon ne Raoronhiakensera 23:12

Akwé꞉kon thóh niwatiéren tsi nihakerihwathá꞉ti; wakenorónston ne raowenhnaó꞉kons ne tsi rasakà꞉ronte sénha tsi ní꞉ioht ne kákhwa tsi natahonkatonhontsó꞉nike.

Psalms 37:30

Ne raotiʼwennahókons ne tionkwetaiéri kwáh íken tsi ronthokhatsherí꞉io; tánon kwáh tiókonthe tsi tkariwahiéri í꞉ken.

Proverbs 1:29

Iáh nonwén꞉ton tesaniaheshá꞉ʼon ne karihonnienníhtshera tánon iáh nonwén꞉ton tesathontá꞉ton ne ahtshewèn꞉narahkwe ne Roiá꞉ner.

Proverbs 1:31

Tho ká꞉ti enhshié꞉na tsi naʼtesatén꞉tshon tánon tsi nihsatieránion né꞉ʼe ensanonhwaktá꞉ten.

Proverbs 1:32

Ónhka ne iáh tshiekaié꞉ri tsi nihonaterién꞉tare enhonníheie né tsi iáh thahatiié꞉na ne attokháhtshera. Nón꞉kwe ne iáh thaʼteiakoʼnikonhráthe enhontkarón꞉ni né tsi iáh oʼthé꞉nen thaʼtehonaʼnikónhrhare.

Proverbs 10:11

Tiakorihwaié꞉ri akowennaʼshón꞉ʼa tho ní꞉ioht tsi ni ne tiohné꞉kote ionhnheʼón꞉we, nok ne iáh tetionkweʼtaié꞉ri akowennaʼshón꞉ʼa ionhséhtha tsi ionteriiohseraʼnón꞉we tsi niiakonhnhò꞉ten.

Proverbs 12:18

Iáh tewanonhtonnionhtsherí꞉io nowennaʼshón꞉ʼa tho ni tsi ensakaré꞉wahte tsi ní꞉ioht ne aʼshareʼkó꞉wa, sók ne tkawennaié꞉ris enwá꞉ton ensátsenʼte.

Proverbs 15:4

Kawenní꞉ioʼs tkáhas natónhnhets, nok ne iotewennatská꞉rat nek nen né꞉ʼe naiakoʼnikonhrakaré꞉wahte.

Proverbs 15:7

Nón꞉kwe tehotiʼnikonhráthe, attokháhtshera tehonrenià꞉tha, iáh kiʼ nen né꞉ʼe ne rotinonhwaró꞉ri.

Proverbs 17:16

Iáh thetekáhsta ahshatwistakarón꞉ni ahtsheweientéhten ne rononhwaró꞉ri aseʼkénh iáh tehoʼnikonhraientá꞉tskon.

Proverbs 5:12

tánon enhsí꞉ron, “Oh niiotié꞉ren tsi iáh nonwén꞉ton tshiakeweientéhtaʼne? Oh niiotié꞉ren tsi iáh nonwén꞉ton tewakathontá꞉ton nónhka aiontianakwaríhsi?

Proverbs 5:2

Thó꞉ne ó꞉nen ensató꞉kenhse tsi ní꞉ioht tsi ahsatoriahnerón꞉ko ne tkariwaié꞉ri, tánon ne sawén꞉na enwathró꞉ri tsi nisaʼnikonhrowá꞉nen.

Proverbs 5:23

Enhonníheie ne tsi iáh thahatikwé꞉ni nahontatié꞉na. Tsi niió꞉re tsi rotinonhwahró꞉ri ne ká꞉ti iohsnó꞉re enhonthahíta tsi iontatiaʼtataʼáhstha.

Proverbs 6:32

Tókaʼ ká꞉ti ne rón꞉kwe enhatenahkwaié꞉sahteʼ ne kén꞉ton iáh tehoʼnikòn꞉ra. Kwáh nek ne enhatatkarón꞉ni tsi rónhnhe.

Ecclesiastes 12:11

Tsi nihónen né ronhtenikonhratʼthókas kwáh thóh ní꞉hiot tsi nihiohiothí꞉ie nètho kanákare ne róntstha ne teiotinahkaronhtónha sakotinikónhrahre, tánon ne tkaró꞉ronhs nokarahkáhions thóh nikaríhwes iohiá꞉nere tsi ní꞉ioht ne kwáh íken ioníronh tsi kanónhwaroʼthe. Rawenni꞉io totkáwen, tsi nikáien ne tewakwékon sonhkwanikonhrahráties.

Isaiah 5:13

Né꞉se wahónhni nakonkweʼtashón꞉ʼahs wahonhnakeráko asèken tsi iáh othénon teotinikonraién꞉tas; ne raononkwetaʼshónhas ratiʼsenhnowánens atonhkariákon rohtirió꞉tha, tánon ne thiʼkáionk ónkwe kwáh neh enhotírhiote tsi nihotiniatáttens.

Jeremiah 15:16

Wahsekthárahse, tánon kwáh tsi niaʼtekawénhnahke tsi wahkathahonshá꞉thaʼte. Ní꞉i i꞉se sonkwétha, Saiá꞉ner Sewenní꞉io Shaʼshastsʼtenserowáhnen, tánon káti ne shaʼwénhna wahkánhaʼne nakwerhiáne natʼtsennónhnia ó꞉ni natnonnharáttsera.

Jeremiah 3:15

Né entionkwethawíhon ne rahthikoráhsons ne ionkehwenhnahráhkwa, ó꞉ni kwáh enientʼtsihianerensehrónnien ne ne atenikonhratʼthokhatsherákon ó꞉ni kanikonhrahienthaʼtsherákon.

Hosea 4:6

Nakonkweʼtashón꞉as wahonwanátonte ne tsi iáh tsiatekaié꞉ri tsi nihonaterienʼtá꞉rakwe; ne aorì꞉wa ne tsi wesewakénron ne attokhátsera, wakonkénron kí ò꞉ni ní꞉se tsi iáh attsihénstatsi thasá꞉ton. Tiorì꞉wa tsi saʼnikonrénhen ne raoianerénhseras ne Rawenni꞉io, kwáh kí ó꞉ni ní꞉i enkheiatanikónhren ne seioʼokónha.

Matthew 12:35

Tronkȣetaieri akȣaki neok tatakȣas tsini tioianere tkananon ne raȣeriane; nok ne ronkȣetaksen neh ki tatakȣas tsini teȣahetken ne raȣeriane.

Matthew 13:19

Ne tsi rotaonsate ne ronkȣe ne Niio raoȣenna, nok iah tehonikonraientas, Ranikonraksen tare nok ȣahanensko tsinikon kaienthonne raȣeriane: neh ȣahi neneh roton, nohahakta ionatsiakerontaon.

Romans 1:28

Nonkwesónha tsi ratiriwásons nahonʼnonthónnionwe ne kwáh thokénʼen ahonwanikonraiéntaʼne ne Rawenni꞉io. Tóh nòkwa iesakotʼkáwen tsi nòkwa neh rathinikonrahétkens, neh tsi éhʼtho nihathiʼiéra tsi nahoténsons neh iáh tatehiotonwentióhon neh nahathiʼiéreh.

1 Tiér 5:2

naseiatennikonráren ne kentiókwa tsi niʼientiokwáwi ne Rawenni꞉io tánon kwáh thoʼnaisanikonrohténhake tsi ahseiatennikonráren, kwáh tsi naʼtehontonwentió꞉ni ne Rawenni꞉io neh náshere, tánon tóhsaʼ ne iáh thoʼtaisanikonróhten. Sahióten ne sahioténsera, iáh tóhkaʼken ne tsi satʼkarhiákse, nók neh tsi kwáh thóh nithesaskáneks naisahióten.