Proverbs 10:20 - Ohiatonhseratokénti

²⁰ Ne tiakonkweʼtaié꞉ri, akowennaʼshón꞉ʼa ne shá꞉ka ne aóskon kahwistarà꞉ken; nok ne iakorihwanerenʼákskon tsi ní꞉ioht tsi ronnonhtónnions iáh shaʼtékena té꞉ken.

Proverbs 10:20 ပူးပေါင်းရင်းမြစ်များ

Genesis 6:5

Nó꞉nen ne Roiá꞉ner wahatká꞉tho tsi nihonnonkweʼtahétkenʼs nonkwé꞉shon꞉ʼa ne tsi ionwentsá꞉te, tánon ó꞉ni kwáh thotikontáhkwen tsi nihatiʼnikonhrahétkenʼs.

Genesis 8:21

Tánon nó꞉nen ne Roiá꞉ner shahoienʼkwaráhsho tsi naʼtewenserateníhonhs tsi niwenhserá꞉kon, ne Roiá꞉ner, raonhá꞉ke khók tsi wahén꞉ron, “Kwáh iáh nonwén꞉ton shé꞉kon thaonsakatkón꞉ten nonhwentsà꞉ke ne nonkwehshón꞉ʼa akorihwá꞉ke, asèkenh tsi nikarihwáksen tsi nihonnonhtónnions ne raonerià꞉ne kwáh kenʼk nentiakó꞉ionke; Iáh ó꞉ni shé꞉kon nonwén꞉ton thaonsakheiáhtonʼte ne ronnonhnhénions, tsi nón꞉wa ná꞉tiere.

Psalms 37:30

Ne raotiʼwennahókons ne tionkwetaiéri kwáh íken tsi ronthokhatsherí꞉io; tánon kwáh tiókonthe tsi tkariwahiéri í꞉ken.

Proverbs 12:18

Iáh tewanonhtonnionhtsherí꞉io nowennaʼshón꞉ʼa tho ni tsi ensakaré꞉wahte tsi ní꞉ioht ne aʼshareʼkó꞉wa, sók ne tkawennaié꞉ris enwá꞉ton ensátsenʼte.

Proverbs 15:4

Kawenní꞉ioʼs tkáhas natónhnhets, nok ne iotewennatská꞉rat nek nen né꞉ʼe naiakoʼnikonhrakaré꞉wahte.

Proverbs 16:13

Ronontí꞉io tehotonhwentsó꞉ni ahothón꞉teke ne orihwí꞉io tánon enhshakorihwakwénienhste nónhka iáh teiakonó꞉wen.

Proverbs 20:15

Tókaʼ saterién꞉tare nahò꞉ten sahtharáhkwen, ne ki sénha kanó꞉ron sá꞉ien tsi ní꞉ioht ne ohwistanoronʼshón꞉ʼa.

Proverbs 23:7

Wahèn꞉ron, “Háʼo shé꞉kon sasatatéhrhahs,” iáh kiʼ tho tehorihò꞉ten, aseʼkénh tsi nahò꞉ten ranonhtónnion tho kiʼ ó꞉ni nihaiaʼtò꞉ten.

Proverbs 8:19

Tsi nahò꞉ten entkón꞉ion ne sénha ioiánere tsi ní꞉ioht ne kwáh tioiánere aóskon ohwistanó꞉ron, ók ó꞉ni ne kwáh tioiánere aóskon kahwistarà꞉ken.

Jeremiah 17:9

“Ónhka ahiekwéni naʼiakonikonhraiéntaʼne ne ónhkwe akawéri? Iáh tekáien ne ó꞉ia sénha akanikonhráhthaʼke; sóhtsi iohnonhwáktani nahonshaʼkonhwátsenthe.