Proverbs 10:19 - Ohiatonhseratokénti

¹⁹ Sénha wé꞉so enhsatá꞉ti, sénha watié꞉sen nahserihwanéraʼke. Tókaʼ sateʼnikonhrattókha, thaʼtenhsató꞉tate.

Proverbs 10:19 ပူးပေါင်းရင်းမြစ်များ

Job Tánon ne Raoronhiakensera 11:2

“Aó꞉wenk ken ne iawetowá꞉nen owenhnaʼshón꞉as ne iáh thatakarihwaserákwen, tánon aó꞉wenk ken ne tsi ró꞉thare ne rónkwe nahontakarihwaié꞉rihke?

Psalms 39:1

Waʼkíron, “Enkatenhnikonhráhren tsi nikeweienhnó꞉tens né꞉ne tó꞉sa akeriwáʼnerake ne kenhnasáke ákatsʼte; enkatskwentóroke kwáh tsi nikaríwes ne iónkswenhs tiatákʼta rónhnes.”

Proverbs 11:12

Teiotenonhwarorí꞉tonte ónhka ahshekenhrenʼserón꞉ni. Tókaʼ tesaʼnikonhráhthe thaʼtensató꞉tate kiʼ.

Proverbs 11:13

Iáh ónhka ne teierihwenhawíhtha thahsheniáhese tsi nahò꞉ten ioterihwahséhton, nok enwá꞉ton ensheniáhese nónhka tiakonkweʼtaié꞉ri.

Proverbs 12:23

Nón꞉kwe ne teiakoʼnikonhráthe thaʼteniontó꞉tate tsi nahò꞉ten iakoterién꞉tare, nok ne iáh thaʼtehotiʼnikonhráthe enhatirihó꞉wanahte tsi iáh tekarihonnién꞉ni.

Proverbs 18:21

Tsi nahò꞉ten enhsì꞉ron enkakwé꞉ni nakanónhstate natónhnhets, tókaʼ ó꞉ni akarihwáhtonʼte; ó꞉nenk ká꞉ti tsi enhshié꞉na tsi neniá꞉wenʼne nahò꞉ten entehsewennínekenʼne.

Ecclesiastes 5:1

Sehnikonhráhrat tsi ní꞉ioht tsi Ononsatokentíke nienhénse. Sénha ne ioiánere né thóh niáien nahiontéweiensthe tsi ní꞉ioht ne iahióntkaʼwe ne kariwihiosehokónhas tsi nihatiʼiérah ne thoʼnahthónnokʼthe né iáh tehonahteriénthare tsi natetsatʼthíhen ne wahétken tánon ne ioiánere.

Ecclesiastes 5:2

Nohénton ahontashatháti, tánon tó꞉sa kasterihénken né thén꞉nenh hatsiarahrátsten ne Rawenni꞉io. Karonhiá꞉ke né ténteron tánon níse ohontsáke tsíʼteron, káti tó꞉sa ishiʼnónhwe nasathá꞉ti tsi naʼtehiothonhontsióhon.

Ecclesiastes 5:3

Né sénha tensathatenikonhráhren, sénha kíʼ ensahsehrentátsenhne, tánon né sénha ensahthá꞉ti, sénha kíʼ iotkathá꞉tse knahótenk enshí꞉ronh né tehiotenonhwaroríhthonthe.

Ne꞉ne Sák Rohiaton 1:19

Né kí꞉ken sewehiárak, tekanórons tewatorhosónhas! Kwáh onkwetaʼkwékon tehiotonhontióʼon nahieʼhiathastóreke nahiontahónsathate, nók ahionteráhrate tsi ahiontháti tánon ahiakohiathakenhéhionke nahiakonákwen.

Ne꞉ne Sák Rohiaton 3:2

Kwá tewakwékon iotkáte tentewaterientawénrie. Nók tóh꞉ka ne ónkak iáh nonwénton tatehoterientawénrie tsi nahóten ahawénke, kwá kíʼ tronkwetaiéri ó꞉ni kwá rokwénion nahontahaniarótarohke ne rahiatakwékon.