Proverbs 10:17 - Ohiatonhseratokénti

¹⁷ Ón꞉kwe ne eniontahónhsatate naiontaterihwakwaríhshien eniakónhnheke, nok ónhka iáh thaierihwaié꞉na tsi teienióhskenʼs, iótteron kiʼ ne raotirihwà꞉ke.

Proverbs 10:17 ပူးပေါင်းရင်းမြစ်များ

2 Chronicles 25:16

“Kát꞉ke onhtèken,” ne Amaziah waʼthorihwihiatʼse, “Í꞉se kén kwahiatarákwen naʼtiatenikonhrahsónhterase ne ronnontí꞉io? Sát꞉kaf tsi sáthare, tó꞉ka iáh enkonhnonwarhiákhon!” Káti ne rotokenhséhakwe wahát꞉kaʼwe kíʼ, ók niáhreʼkwe kíʼ wahénron, “Ó꞉nen kí onhkateriénhtaraʼne ne Rawenni꞉io tsi í꞉rehre ahiáthonte tsioríhwa tsi nisatieránion kí꞉ken orihwakwé꞉kon tánon waʼshatarónhti tsi nihkonhiatenikonhráhwisʼkwe.”

Proverbs 1:30

Iáh nonwén꞉ton thaʼtesatonhontsó꞉ni nahò꞉ten akoniatenʼnikón꞉ron tánon iáh tesatahonhsatá꞉ton tsi waʼkonhró꞉ri iáh tetkaié꞉ri tsi nihsatiéhrha.

Proverbs 12:1

Nónhka ienorónhkhwa ne karihonnienníhtshera eniontshennón꞉ni nahshehró꞉ri nahò꞉ten iáh tethotirihwaierí꞉ton. Iáh kiʼ tewattokhahtsherí꞉io nónhka iéhswenhs naiontaterihwakwaríhshien.

Proverbs 15:10

Tókaʼ tho nénhshiere tsi nahò꞉ten iáh tetkariwaié꞉ri, kwáh í꞉ken tsi ensatré꞉wahte; enhsíheie tókaʼ iáh thaʼsatateríhon ne ahserihwakwaríhsi.

Proverbs 15:32

Tókaʼ iáh thahsatahónhsatate nahshié꞉na nahò꞉ten naiesaweientéhten í꞉se kiʼ enhsatatkarón꞉ni. Tókaʼ enhshié꞉na ne aiesatakwaríhshien tensaʼnikonhrátheʼne kiʼ.

Proverbs 29:1

Tókaʼ sénha enhsatenontsistahní꞉rate tsi ní꞉kon ónhka aiesarihwakwaríhshion, éntewe nenhnísera akwáh tokén꞉ʼen ensateraʼswáksenʼne tánon iáh nonwén꞉ton thaonsahsatonhnhakwatá꞉ko.

Proverbs 3:18

Nónhka aieié꞉na attokháhtshera ronatonhnháhere; attokháhtshera entiaka꞉wen natónhnhets.

Proverbs 4:13

Tiótkon sehià꞉rak tsi nahò꞉ten wahseweientéhtaʼne. Kaweientehtáhtshera né꞉ʼe ensonhnhéhkwen—senónhstat ká꞉ti.

Proverbs 4:4

Rakeʼníha rakerihonnién꞉ni, wahèn꞉ron: “Sehià꞉rak tsi nahò꞉ten enkí꞉ron tánon tóhsa nonwén꞉ton sasaʼnikónhrhen. Tho ná꞉tsehr nahò꞉ten enkonhró꞉ri tánon enhshónhnheke.

Proverbs 5:12

tánon enhsí꞉ron, “Oh niiotié꞉ren tsi iáh nonwén꞉ton tshiakeweientéhtaʼne? Oh niiotié꞉ren tsi iáh nonwén꞉ton tewakathontá꞉ton nónhka aiontianakwaríhsi?

Proverbs 5:14

Thontaiawénhstsi waʼkáttoke tsi kanén꞉rakon waʼkatatéhaʼte.”

Proverbs 6:23

Tsi nahò꞉ten iesahró꞉ri ne shá꞉ka ne teiohahseráthe; ensaháharahte ensahró꞉ri tsi ní꞉ioht tsi tkariwaié꞉ri nahshónhnheke.

Ecclesiastes 5:6

Tó꞉sa ne sahwénhna iahisahsárine ne kariwanerenhatʼtsheráke, né káti nasró꞉ri ne Rawenni꞉io rahonkwéta rokháres tsi iáh tsiatesonhniáthonʼne. Onhnihiotséren ne Rawenni꞉io tsi ahianáhkwahse? Onhnonhtséren tsi atseríhon nahariwáhthonthe tsi nahó꞉ten ne sahioténhen?

Luke 11:28

Tontahenron: neh tanon naha iakotaskasts niakotaonsate ne Niio raoȣenna nok ronȣaȣennarakȣa.

Hebrews 12:25

Shatatenhnikónrahʼrak, káti, tóh꞉sa shatarónti natiatahónsatathe tsi nikáien ne róthaʼre. Tsi niháti nenhontarónti nahonwahtahónsatathe tsi nithohtkáwenh ne Rawenni꞉io raoteriwahnotáhtshera ne tsi ionwentsiáte iáh tehothiniakén꞉en. Thóh ní꞉ioht tsi sénha káron nahitewahniákenʼne, káti, tóhkaʼ entsitewahtaróntiense tsi nikáien ne karonhiáke nónwe thathá꞉re!

Hebrews 2:1

Ne aoríwah ónenk tsi enhiorihwahníronke tsi entewahtiénawasʼte norihwiʼioʼón꞉we tsi nahoténson ionkwahrónken, né꞉ne tósa kénk tiaionkwahiaténhawe.

Judges 19:17

Né roksthénha wahát꞉thoʼke ne tehonastikafʼfenhátie ne tsi kanátʼthen rónhnes tánon washakorihwanónhtonhse, “Kanónhwe nitisewénon? Kanónhwe niahisewenonhátie?”