Proverbs 10:13 - Ohiatonhseratokénti

¹³ Ón꞉kwe ne iakoʼnikonhrowá꞉nen karihwí꞉ioʼs tsi enhontá꞉ti, nok ne iáh tehotiʼnikonhraientátskon teiotonhwentsóhon nahonwatihré꞉wahte.

Proverbs 10:13 ပူးပေါင်းရင်းမြစ်များ

Psalms 32:9

Tó꞉sa iakosátens tahonsehsewaʼtsérenhke khés ne tewahóntes, né꞉ne iáh othènen tehotinikonhrahiéntas, né nenhʼné꞉e ónenk tsi waʼteristanonhtáhas khés natkonwarotharók꞉tha enthoniniarotaróhke, tó꞉ka iáh kíʼ tsatákʼta thanésehke.

Psalms 37:30

Ne raotiʼwennahókons ne tionkwetaiéri kwáh íken tsi ronthokhatsherí꞉io; tánon kwáh tiókonthe tsi tkariwahiéri í꞉ken.

Exodus 10:12

Ethòne ne Roiá꞉ner wahawénhase ne Mahís, “Sanenhtʼtsiakétsko èneken ne tsi ionhwenhtsáte ne Egypt nahontaʼkónhne ne tsistàraʼre. Entʼthònhne tánon kwáh akwékon enhónhneke tsi nahó꞉ten wathónhnis, kwáh tsi nahoténsons ne iateʼhionahtaʼténron tsi nihiowisónhʼtsionʼne.”

Proverbs 10:21

Tiakorihwaié꞉ri akowennaʼshón꞉ʼa wé꞉so eniakoiaʼtakéhnha nón꞉kwe, ók ní꞉se enhskwé꞉ni enhsatatenonhwarhiakon tsi nisanonhwaró꞉ri.

Proverbs 10:31

Tiakorihwaié꞉ri nón꞉kwe nek tiontá꞉tis ne karihwí꞉ioʼs, nok ne awenʼnáhson entkawennínekenʼne karihwáksen tenkatáhstonʼ kiʼ.

Proverbs 15:23

Iotonhnhá꞉raht nó꞉nen enhsetshén꞉ri ne kwáh tkawennaié꞉ri tsi nahò꞉ten saterihwahtentiá꞉ton!

Proverbs 15:7

Nón꞉kwe tehotiʼnikonhráthe, attokháhtshera tehonrenià꞉tha, iáh kiʼ nen né꞉ʼe ne rotinonhwaró꞉ri.

Proverbs 16:21

Nónhka tehoʼnikonhráthe tánon rotonkweʼtíson ronwaienté꞉ri tsi roʼnikonhraientá꞉tskon. Sénha ronʼwé꞉sen tsi enthatà꞉ti sénha kiʼ enthonwéhtahkweʼ.

Proverbs 17:10

Nón꞉kwe ne teiakoʼnikonhráthe sénha wé꞉so enieweientéhtaʼne ne énska khók aiontattéhten tsi ní꞉ioht tehotenonhwarorí꞉tonte ók ó꞉ni énska tewenʼniáwe ahonwanonhwáreʼke iáh ki thahaweientéhtaʼne.

Proverbs 19:29

Nónhka rontatkweniénhstha tánon rotinonhwaró꞉ri kwáh orihwí꞉io tsi ronnéhsaks nónhka ahonwanonwenhserário.

Proverbs 20:15

Tókaʼ saterién꞉tare nahò꞉ten sahtharáhkwen, ne ki sénha kanó꞉ron sá꞉ien tsi ní꞉ioht ne ohwistanoronʼshón꞉ʼa.

Proverbs 26:3

Ó꞉nenk tsi enhsenonʼwáreʼke ne akohsá꞉tens, ó꞉nenk tsi enhskonshotárhroke ne tewahónhtes, tánon ó꞉nenk tsi entshenonhwenhserário ne tehotenonhwarorí꞉tonte.

Proverbs 27:22

Ók ó꞉ni tókaʼ wahonwanonwenhserário tsi niió꞉re ne kenheiá꞉tne, ne tehonatenonhwarorí꞉tonte shé꞉kon kiʼ iáh thaʼtahsheté꞉ni tsi tehonatenonhwarorí꞉tonte.

Proverbs 6:32

Tókaʼ ká꞉ti ne rón꞉kwe enhatenahkwaié꞉sahteʼ ne kén꞉ton iáh tehoʼnikòn꞉ra. Kwáh nek ne enhatatkarón꞉ni tsi rónhnhe.

Proverbs 7:22

Thontaiawénhstsi ká꞉ti waháhsere, rohsharí꞉ne tsi shí꞉ken ní꞉ioht ne teiotiná꞉kares waʼkonwarióhsere, tsi shí꞉ken ne oskenón꞉ton iotiaʼkaróntion tsi nón꞉we tewaterístaien

Isaiah 50:4

Né Roiá꞉ner Ní꞉io thaʼkáwi né rawenhnáson ne naʼsakoʼrihón꞉nien, ó꞉ni tsi niʼiákon nó꞉nen ronwatirihʼhonhniénhni né nahón꞉ton nahonkateriéntaraʼne onhní꞉iot tsi akheʼiatiénawaste ne teiakowiʼsenhéion tsi akhethá꞉rase. Niaʼtehioronhketsheráke ratiétha— raiétha nakwahónta né nakatahonsaʼtáte kwáh tsi ní꞉ioht tsi niʼiá꞉kon ne ionthaterihʼhonhniénhni.

Luke 4:22

Akȣekon ok oni ronȣariȣaȣasehakȣe, nok iakohnerakȣaskȣe tsini kaȣenniios ne thaȣenninekens; nok iontonhakȣe: iah kenh naha neh teken ne Sose roienha?