Proverbs 10:11 - Ohiatonhseratokénti

¹¹ Tiakorihwaié꞉ri akowennaʼshón꞉ʼa tho ní꞉ioht tsi ni ne tiohné꞉kote ionhnheʼón꞉we, nok ne iáh tetionkweʼtaié꞉ri akowennaʼshón꞉ʼa ionhséhtha tsi ionteriiohseraʼnón꞉we tsi niiakonhnhò꞉ten.

Proverbs 10:11 ပူးပေါင်းရင်းမြစ်များ

Psalms 107:42

Né tionkwetaiéris ró꞉nahteriéntare kíʼ nahorihothénsons tánon kíʼ ronattsenhnónhniʼ né ionhkwetahétkens iáh othènen tahatikwéni né othènen ahonhníron né nón꞉we nihiorihwáʼke.

Proverbs 10:32

Thotirihwaié꞉ri kawenní꞉ioʼs nahò꞉ten enthatiwennínekenʼne nok ne ronnonkweʼtáksenʼs nek ne thatiwennínekenʼs ne ahshakotiʼnikonhrakaré꞉wahte.

Proverbs 10:6

Tiakorihwaié꞉ri enieié꞉na kaiaʼtateríhtshera. Ne rotirihwanerenʼákskon raotiwennaʼókon ronhséhtha tsi ronteriiohseranón꞉we tsi nihonnonhnhò꞉ten.

Proverbs 13:14

Tsi nahò꞉ten eniesarihónnien ne rotiʼnikonhrowá꞉nenʼs tsi shí꞉ken ní꞉ioht ne iohnáwerote ne tsi sónhnhe entkáhawe natónhnhets. Eniesaiaʼtakéhnha nahseʼniá꞉kenʼne nó꞉nen iótteron tá꞉we tsi sónhnhe.

Proverbs 15:4

Kawenní꞉ioʼs tkáhas natónhnhets, nok ne iotewennatská꞉rat nek nen né꞉ʼe naiakoʼnikonhrakaré꞉wahte.

Proverbs 15:7

Nón꞉kwe tehotiʼnikonhráthe, attokháhtshera tehonrenià꞉tha, iáh kiʼ nen né꞉ʼe ne rotinonhwaró꞉ri.

Proverbs 18:4

Nón꞉kwe nakowennaʼshón꞉ʼa enwá꞉ton ne entkáhawe attokháhtshera, ne taié꞉ren tsi niiohnó꞉teʼs kaniataraʼkehkó꞉wa, tánon tsi nikahnekí꞉io tsi kahionhatátie.

Proverbs 20:15

Tókaʼ saterién꞉tare nahò꞉ten sahtharáhkwen, ne ki sénha kanó꞉ron sá꞉ien tsi ní꞉ioht ne ohwistanoronʼshón꞉ʼa.

Ephesians 4:29

Tóhsa ne íhsas nowénna naiakonikonráksate, nók nek khók nowénna ne iakonikonrahnírats, tsi nikáien ne iakokétskwas ó꞉ni tsakówis nahóten tehiothonwentióʼon, neh káti tsi nahóten ensíron eniakohiénawase tsi niháti nen iesatʼthóntene.