Proverbs 10:1 - Ohiatonhseratokénti

¹ Ne ká꞉ti kí꞉ken Solomon raorihonnienníhtshera: Shakotiienʼokón꞉ʼa ne ronttokhahtsherí꞉io enhshakotikwénienhste ne shakotiʼnihó꞉kon; ronwatiienʼokón꞉ʼa ne rotinonhwaró꞉ri eniotiʼnikonhráksen kiʼ né꞉ʼe shakotiʼnistenʼó꞉kon.

Proverbs 10:1 ပူးပေါင်းရင်းမြစ်များ

1 Kings 4:32

Ásenh-tewenhniawehetsherásen níkons ne karihonhnienhnítsheras rohiatónhnion tánon sénha í꞉siʼnonh ne énska tewenhniawehetsherásen nikarenhnákes rorenhnarástons.

Proverbs 1:1

Ne kí꞉ken shaʼtékena ionkwarihonnién꞉nis ne Solomon, thotá꞉ti. Ronontí꞉io ne Israel, Táwit roién꞉ʼa.

Proverbs 13:1

Ratsa꞉ʼa ne raʼteʼnikonhrattókha enhotahónhsatate ne roʼniha nó꞉nen enhotakwahrisi, ók ne ratiʼnikonhráksen iáh nonhwénhton tahontró꞉ri nahò꞉ten ne iáh tetkariwaié꞉ri tsi nihontiéhrha.

Proverbs 15:20

Ratiksaʼokón꞉ʼa ne ronttokhahtsherí꞉io shakonatonhnhahrá꞉ni ne ronwatiʼníha. Nek ne rotinonhwaró꞉ri shakotíhswenhs ne shakotiʼnisténha.

Proverbs 17:21

Iáh oʼthé꞉nen teká꞉ien nek ne aontaiakoʼnikòn꞉renʼne tánon aiakoʼnikonhráksen nonkwá iakowí꞉raien ne teiotenonhwarorí꞉tonte tsi nihontiéhrha.

Proverbs 17:25

Ratiksaʼokón꞉ʼa ne tehonatenonhwarorí꞉tonte shakotiʼnikonhraksá꞉tha raotiʼníhsera tánon ne raotiʼnisténhsera iotskà꞉ra tsi ianonhtónnion.

Proverbs 19:13

Ne iáh thaʼtehotiʼnikonhráthe ratiksaʼokón꞉ʼa, niaʼté꞉kon entkáhawe nahotikarón꞉ni ne ronwatiién꞉ʼa. Ne iáh thaʼtehotiʼnikonhráthe shakotiienʼokón꞉ʼa entkáhawe niaʼté꞉kon ahontkarón꞉ni. Rón꞉kwe ronià꞉kon ne tió꞉konteʼ iakorihwakatèn꞉ʼen ne shá꞉ka ne tió꞉konteʼ ohné꞉kanos iotshánhon.

Proverbs 25:1

Shé꞉kon á꞉re ne Solomon raottokháhtshera tehotihnaʼnetáhkwen ne ratihiá꞉tonhskwe tsi nón꞉we thén꞉teron Ronontí꞉io Hezekiah ne Judah.

Proverbs 27:11

Tesaʼnikonhrátheʼk, konién꞉ʼa, tánon enkatonhnhá꞉ren; enwakatateʼweienentá꞉ʼon takerihwaʼserá꞉ko nónhka naionkerihwáhrhoʼse.

Proverbs 29:15

Ahsherihwakwaríhshien tánon ahsheháharate ioiánere ne ratiksaʼokón꞉ʼa, raotirihwà꞉ke. Tókaʼ ronnónha enthonnónhton enhshakonatéhaʼte ne shakotiʼnisténha.

Proverbs 29:17

Sherihwakwaríhshien ne sheienʼokón꞉ʼa tánon tiótkon ensenaiéhake. Iáh nonwén꞉ton thaontaié꞉son nahò꞉ten nahsatéhen.

Proverbs 29:3

Tókaʼ tehserénhsarons ne attokháhtshera enhninaiéhake ne iesaién꞉ʼa ní꞉se sarihwà꞉ke. Teiotenonhwarorí꞉tonte ahsathwistatié꞉sahte ne waʼthonwisenʼtsheráksenʼs akontirihón꞉ni.

Ecclesiastes 12:9

Ók ne tsi nihatenikonhratʼtókha ne sakorihonhniénhni, iáh hakónhtakwe wasakorihónhnien nonhkweshón꞉ʼa tsi nahó꞉ten roteriéntare. Roteweiénstons nokarakáhions tánon kwáh toʼkénʼen tsi wahátkense tonihioriwí꞉io.

Ecclesiastes 2:19

tánon tó꞉ka nónhwa ratenikonhratʼthó꞉kha, tó꞉ka ó꞉ni thohʼthonnókʼthe—ónhka iakotheriéntahre? Ethohʼsáne akwékon rahónʼa enhahiathakweʼní꞉ioke tsi niwatsioténʼen, oriwahkwékon nakatʼthokhátshera tsi natewahkatenhtsienhénhni né kénʼen ionwenhtsáte. Kwáh oriwahkwékon tsi iáh othénenh tehioríhonte.