Proverbs 1:7 - Ohiatonhseratokénti

⁷ Tókaʼ íhsehre aiesaʼnikonhrowanénhake teiotonhwentsóhon atskweniénhsthake ne Roiá꞉ner. Kí꞉ken ronátiaʼke tehonatenonhwarorí꞉tonte tánon iáh tehatikweniénhstha ne raottokháhtshera tánon iáh tehonthón꞉tats nahontéweienhste.

Proverbs 1:7 ပူးပေါင်းရင်းမြစ်များ

Job Tánon ne Raoronhiakensera 28:28

Tánon wasakawénhase nonkweshón꞉as, ‘Orihwiiohón꞉we, ne raoteronhkwátshera ne Roiá꞉ner tsi né nathokhátsera í꞉ken; tánon né꞉ren ahiénte ne karihwahetkénhsera né꞉ne kaʼnikonhraientátshera í꞉ken.’”

Psalms 111:10

Nón꞉kwe nenhonwaʼkwénienste ne Roiá꞉ner né꞉ne tsotasawáʼkwen nahiontenikonratʼtókhaʼne; nakwékon ne thóh nenhiéhiere kwáh ioiánere tsi iakonikonhraiéntas. Kwáh kíʼ ioterihwí꞉son ne tiókonte tahonwaʼnonhweratónsheʼke.

Proverbs 1:22

“Tsón꞉kwe ne tesewatenonhwarorí꞉tonte! To nikarí꞉wes iáh thaiesewaʼnikonhrá꞉take? To nikarí꞉wes entsonʼweskwenní꞉heke thaietshié꞉ron ne kaweientéhtshera, iáh kenh nonwén꞉ton thaiesewaweientéhtaʼne?

Proverbs 15:32

Tókaʼ iáh thahsatahónhsatate nahshié꞉na nahò꞉ten naiesaweientéhten í꞉se kiʼ enhsatatkarón꞉ni. Tókaʼ enhshié꞉na ne aiesatakwaríhshien tensaʼnikonhrátheʼne kiʼ.

Proverbs 15:33

Ahtskweniénhsthake Roiá꞉ner ensarihónnien ne taiesaʼnikonhrátheʼne. Ó꞉nenk tsi enhsaní꞉tenhte nohén꞉ton nenhskwé꞉ni nahshié꞉na kakwenienhstáhtshera.

Proverbs 15:5

Teiotenonhwarorí꞉tonte ne tóhsa ahshié꞉na nahò꞉ten ne iesaién꞉ʼa iesarihonnién꞉ni, wattokhatsherí꞉io nahshié꞉na nahò꞉ten eniesarihwakwaríhshien.

Proverbs 18:2

Nónhka tehotenonhwarorí꞉tonte iáh oʼthé꞉nen tehatsteríhstha tókaʼ kenh roʼnikonhraién꞉taʼs tókaʼ oni iáh; nek khók tehotonhwentsó꞉ni nahshakonaʼtón꞉hahse tsi niió꞉re tsi í꞉rehre tehoʼnikonhráthe.

Proverbs 2:5

Tókaʼ tho nénhshiere, ensaterién꞉taraʼne nahò꞉ten kén꞉ton nahtshetshà꞉nike ne Roiá꞉ner, tánon ensaterihwahténtiaʼse nahtshientéhrhaʼne ne Rawenni꞉io.

Proverbs 23:9

Tóhsa sateʼnién꞉ten taiesenihthá꞉ren ne nahò꞉ten orí꞉wa ne tehotenonhwarorí꞉tonte; aseʼkénh iáh tehó꞉ien nahawerienʼtí꞉io.

Proverbs 9:10

Tókaʼ sahská꞉neks ahsattókhake teiotonhwentsóhon kiʼ ne ahtskweniénhsthake ne Roiá꞉ner. Tókaʼ ehtshienté꞉ri ne Roiaʼtatokénhti, saiená꞉ʼon kiʼ ne kaʼnikonhraientáhtshera.

Ecclesiastes 12:13

Ethohʼsáne, énskak khók tsi nahó꞉ten aiaiéron: Etsenhnaiénsek ne Rawenni꞉io, tánon satewénhnarak ne raoriwahtátʼtsheras, tsioríhwa tsi né ahoríwah hionkhihiatishaháton.

Romans 1:28

Nonkwesónha tsi ratiriwásons nahonʼnonthónnionwe ne kwáh thokénʼen ahonwanikonraiéntaʼne ne Rawenni꞉io. Tóh nòkwa iesakotʼkáwen tsi nòkwa neh rathinikonrahétkens, neh tsi éhʼtho nihathiʼiéra tsi nahoténsons neh iáh tatehiotonwentióhon neh nahathiʼiéreh.

Deuteronomy 4:6

Ioriwatokénhak tsi sewatewénhnarak, tánon ne kí꞉ken eniakaweʼnésten nonhkweshón꞉ʼa ne thihononhontsà꞉tes tsi nió꞉re tsi satenikonhraʼtókha. Nó꞉nen akwé꞉kon enhòn꞉ronhke kí꞉ken kaianerénseras, enhonhní꞉ron, ‘Tsi nió꞉re tsi ronhtenikonhraʼtókha tánon rotiʼnikonhraientátskon kí꞉ken rahtiʼshátste kentió꞉kwaien!’