Proverbs 1:6 - Ohiatonhseratokénti

⁶ Ne ká꞉ti nahotiʼnikonhraién꞉taʼne tsi nahò꞉ten wahsehtánion kén꞉ton ne karihonnienníhtshera nahonnéhsake tsi nahò꞉ten enhatirihwà꞉ren ne wentó꞉reʼs ne rotiʼnikonhrowá꞉nenʼs.

Proverbs 1:6 ပူးပေါင်းရင်းမြစ်များ

Psalms 49:4

Thóh nó꞉kwa ienkatahónsathate tsi nokwáne karihonhnienhnítsheras; tánon enkenikonhraiénthate tsi nikéntons tsi niwaʼkaterenhnó꞉te ne karensotarókʼkons onowaʼkówa.

Psalms 78:2

Tenkastskwéksi nók tenkeriwakéntonkwe; enkerihotasiónko né꞉ne sontontonwentsiónni siʼioteriwaséton.

Proverbs 24:23

Ne ronteʼnikonhrattókha ne ó꞉ni kí꞉ken ronathró꞉ri: Iáh tetkaié꞉ri ne tehatiiaʼtoréhtha nahshakotikarenʼráhkwaʼte nón꞉kwe.

Ecclesiastes 12:11

Tsi nihónen né ronhtenikonhratʼthókas kwáh thóh ní꞉hiot tsi nihiohiothí꞉ie nètho kanákare ne róntstha ne teiotinahkaronhtónha sakotinikónhrahre, tánon ne tkaró꞉ronhs nokarahkáhions thóh nikaríhwes iohiá꞉nere tsi ní꞉ioht ne kwáh íken ioníronh tsi kanónhwaroʼthe. Rawenni꞉io totkáwen, tsi nikáien ne tewakwékon sonhkwanikonhrahráties.

Daniel 8:23

“Ne nó꞉nen ákta én꞉we ne iahontókten ne tho tsi kanakerahseraké꞉ron tánon eʼtho niió꞉re tsi rotirihwanerenʼákskon kwáh káti ioterihwíson nahonwatihréwahte, kwáh káti eʼtho tsi nenhokonsaníronke, enronkweʼtaksénhake, enhanikonhràtake ne ronnontí꞉io.

Numbers 12:8

Káti ne tenhiakenithá꞉ren kwáh kíʼ tehiatsiaʼtatkonhsakánere, tshiehióken tánon iáh tekarihwaséhton; kwáh ó꞉ni rotʼkháton tsi nitieronhtó꞉ten! Tsi nishaʼnikonhraʼtsháni tsi nitsiatkónte nakenáhtsera Mahís!”

St. Mark 4:11

ȣahenron: ietsiiaȣi nise naeseȣatokense tsini hoianerenseroten ne Niio; kenh kaien nakorenson neok neneh ne teiontateriȣakentonkȣenni.

St. Mark 4:34

Akȣa neok ne tehariȣakentonkȣakȣe, nok onakenke tentesakoriȣatheton ne raotiokȣa.

Hebrews 5:14

Ne iokhwáh ní꞉ron, né꞉ne ne iakotehiáron akówenk, tsi iakoweientetáhon eniekwéni tahiekháshion tsi natetsátere ne iohiánere tánon ne wahétken.

2 Tiér 3:16

Kén nahoténsons ráton kwáh tsi níkon ne rahohiatonserasónhas nónen thènen enhahiáton noriwasónhas. Kwáh thóh tsi niwateriwentórens ne rahohiatónseras neh iáh teieriwaientéris ó꞉ni thonatotʼtani óia ní꞉ioht tsi enhatinikonraiéntathe, tsi nihatiʼiérah naktéson nateriwanothátsheras ne oriwatokéntis. Káti ronónhak khók rontatonniénnis ne kariwaiesátsheras.