Proverbs 1:5 - Ohiatonhseratokénti

⁵ Kí꞉ken karihonnienníhtshera enká꞉nahne attokháhtshera sénha enhotiʼnikonhrowáhnha ne rotiʼnikonhrowá꞉nenʼs enhshakotiʼnikòn꞉ron ne ronateweiénhston.

Proverbs 1:5 ပူးပေါင်းရင်းမြစ်များ

2 Chronicles 25:16

“Kát꞉ke onhtèken,” ne Amaziah waʼthorihwihiatʼse, “Í꞉se kén kwahiatarákwen naʼtiatenikonhrahsónhterase ne ronnontí꞉io? Sát꞉kaf tsi sáthare, tó꞉ka iáh enkonhnonwarhiákhon!” Káti ne rotokenhséhakwe wahát꞉kaʼwe kíʼ, ók niáhreʼkwe kíʼ wahénron, “Ó꞉nen kí onhkateriénhtaraʼne ne Rawenni꞉io tsi í꞉rehre ahiáthonte tsioríhwa tsi nisatieránion kí꞉ken orihwakwé꞉kon tánon waʼshatarónhti tsi nihkonhiatenikonhráhwisʼkwe.”

Job Tánon ne Raoronhiakensera 34:10

“É꞉tho káti, takwatahónsatat, tsi ní꞉tion ne sewaʼnikonraientáskon, ahí꞉non ít꞉ken tsi nahontá꞉we ne Rawenni꞉io ne thé꞉nen nahá꞉iere ne karihwahét꞉ken, tánon tsi nahontá꞉we ne Roshatstenhserowanenhkó꞉wa ne thé꞉nnen nahá꞉iere ne iáh teioiá꞉nere.

Job Tánon ne Raoronhiakensera 34:16

“Tó꞉ka saʼnikonraiéntas, saʼthóntet kí꞉ken; satahónsatat tsi nahó꞉ten ká꞉ton.

Job Tánon ne Raoronhiakensera 34:2

“Sewathón꞉tet nakewenhnaó꞉kons, í꞉se ne sewateʼnikonraʼtókas tiónkwe, tánon takwatahónsatat, í꞉se ne sewarihwaienté꞉ris;

Job Tánon ne Raoronhiakensera 34:34

Tsi niiá꞉kon iaʼkó꞉ien ne kaiatorethátshera kwáh enhionkénhase, tánon ne ronhteʼnikonraʼtókhas kwáh ronón꞉ha enhionkakthón꞉teʼne,

Proverbs 12:1

Nónhka ienorónhkhwa ne karihonnienníhtshera eniontshennón꞉ni nahshehró꞉ri nahò꞉ten iáh tethotirihwaierí꞉ton. Iáh kiʼ tewattokhahtsherí꞉io nónhka iéhswenhs naiontaterihwakwaríhshien.

Proverbs 14:6

Nón꞉kwe ne iontatkweniénhstha iáh nonwén꞉ton thaʼtaiakoʼnikonhrátheʼne, nónhka ionteʼnikonhrattókha watié꞉sen naieweientéhtaʼne.

Proverbs 18:15

Nón꞉kwe né teiakoʼnikonhráthe tiótkon iakotateweienentá꞉ʼon nahò꞉ten aieweientéhtaʼne.

Proverbs 19:25

Atkanronniáhtshera teiotonhwentsóhon akahrewáhton, ó꞉nen ki nen né꞉ʼe nón꞉kwe ne iáh tshiekaié꞉ri teiakoterién꞉tare enwá꞉ton naieweientéhtaʼne. Tókaʼ ká꞉ti tesaʼnikonhráthe, enhseweientéhtaʼne nónhka aiesarihwakwaríhshien.

Proverbs 21:11

Nó꞉nen ónhka ratatkweniénhstha enhathré꞉wahte, nok ó꞉ni nón꞉kwe ne iáh teiakononhtonnionhtsherá꞉ien enieweientéhtaʼne. Tsi nahò꞉ten enhonwarihónnien ne tehoʼnikonhráthe enhaweientéhtaʼne.

Proverbs 8:33

Sewatahónhsatat tsi nahò꞉ten waʼehtshirihónnien. Sewattókhak tánon tóhsa sewatié꞉saht nahò꞉ten wesewathón꞉teʼne.

Proverbs 9:8

Tóhsa nonwén꞉ton sherihwakwaríhshien ne iontatkweniénhstha; kwáh nek ne eniesatahkwáhswen. Sók ne ronttókha ahsherihwakwaríhshien kwáh nen né꞉ʼe eniesakwénienhste.

Proverbs 9:9

Iáh oʼthé꞉nen tewatsterístha nahò꞉ten ienhsheiatátiaʼse ne ronttókha sénha nen né꞉ʼe enhonttókhaʼne. Tsi nahò꞉ten enhsehró꞉ri ne rotirihwakwaríhshion ne karihwí꞉io sénha kiʼ enhotiʼnikonhrowáhnha.

Ecclesiastes 9:11

Shé꞉kon óia nahorihóten sakátʼtoʼke, né kénʼen ionhwenhtsáte né kwáh tehotíkas iáh kíʼ tiókonhte tehonatkwénion nónen tenhonréron, tánon ne rotinikonhratʼtsáni iáh tiókonhte tehontkwénies ne tsi waterí꞉ios. Ne rontenikonhratʼthó꞉khas iáh tiókonhte tatehonténhtsahas tsi nihatítkhwa, ne iontenikonhratʼthókha iáh tiókonhte tehiakokwáhses, tánon ne rahtiriwahientéris iáh tiókonhte tetsiotenáktate tsi nónhwe nahonterihónten. Akwékon niehiakoteraskwátsenhs.

1 Corinthians 10:15

Tsi kwahtaránis né tsi shewatʼthókha; í꞉se tesewahiatóret tsi nikáton.

Deuteronomy 4:6

Ioriwatokénhak tsi sewatewénhnarak, tánon ne kí꞉ken eniakaweʼnésten nonhkweshón꞉ʼa ne thihononhontsà꞉tes tsi nió꞉re tsi satenikonhraʼtókha. Nó꞉nen akwé꞉kon enhòn꞉ronhke kí꞉ken kaianerénseras, enhonhní꞉ron, ‘Tsi nió꞉re tsi ronhtenikonhraʼtókha tánon rotiʼnikonhraientátskon kí꞉ken rahtiʼshátste kentió꞉kwaien!’