Proverbs 1:28 - Ohiatonhseratokénti

²⁸ Thó꞉ne ó꞉nen entehskená꞉ton attokháhtshera, iáh kiʼ thaʼtakerihwaʼserá꞉ko. Tsik nón꞉we enhstiaʼtí꞉sake iáh kiʼ thahstiaʼtatshén꞉ri.

Proverbs 1:28 ပူးပေါင်းရင်းမြစ်များ

Genesis 6:3

Eʼthó꞉ne ne Roiá꞉ner wahén꞉ron, “Iáh takheríhon nón꞉kwe tsi nénwe ahonnónhnheke; enhonniheiónhseke. Ken ienwatáhsawen iáh isi non ne énskat tewenʼniáwe tánon tewáhsen niiohserá꞉ke nenhonnonhnesonke.”

Job Tánon ne Raoronhiakensera 27:9

Ne Rawenni꞉io ahothón꞉teʼne ken tsi natehaséntos nó꞉nen ne kaʼnikonraksénhtshera enhotí꞉rahne?

Job Tánon ne Raoronhiakensera 35:12

Thóh nón꞉we naʼtehonsénhthos, ók iáh kí tatehariwaʼserákwas, tsioríhwa ne raótinaietsheras ne kariwaʼhét꞉kens rotiiotens.

Psalms 18:41

Í꞉se washeiónhnien ne iónstshons naionhkatswaténien, tsi nihiá꞉kon ne iónsshonkwe, wakheiá꞉tonhte;

Psalms 18:42

Kwáh ioiánere tsi waʼkhenonwenhserário, tsi ní꞉ioht nó꞉nen iokenró꞉te ne tsi iahó꞉te; Waʼkhehiátonte tsi ní꞉ioht ne ionawatstanótes tsi tekanatokénhseron.

Psalms 66:18

Tó꞉ka iáh othènen kaʼríhwa tahonkónhnike nakeriwaʼnerahát꞉tsheras, ne Roiá꞉ner iáh kí othènen tahothahonsathátonhke.

Proverbs 15:29

Nó꞉nen nón꞉kwe tiakorihwaié꞉ri enionterén꞉naien, Roiá꞉ner rotahónhsate, nónhka iáh tetiakorihwaié꞉ri iáh thahshakotahónhsatate.

Proverbs 8:17

Khenorónhkhwa ónhka ionkenorónhkhwa; ne ónhka iontiaʼtíhsaks eniontiaʼtatshén꞉ri.

Song of Songs 5:6

Waʼhinonhtónhkwase ne riʼnorónhkwa, ók ne riʼnorónkwa teshotkaraténion kakʼtseshawenon. Ne tsi kónnhe ontakénheie nó꞉nen shontahatáti. Watʼkaʼkatónhnionwe, ók iáh kíʼ tehíken; Iaʼhináhton, ók iáh thatethoriwaʼserákwen.

Isaiah 1:15

Nó꞉nen iathenshatsá꞉nate nasaterienhnáien, kwáh kí iáh takonhiatʼkátho; iáh othènnon takarihontáko tsi níkon ahsaterénhnaien, Kwáh kí iáh takatahónsathate; ne satsanáke titkanewenhsáhere.

Jeremiah 11:11

Káti nónhwa Í꞉i, ne Watiá꞉ner, wakhehiaronkáten tsi enthékaʼwe ne kahkaronniátshera ne ronhnónhake, tánon iáh thahatiniákenʼne. Tánon nónen iatenhothihénreʼte nakonháke nakhehiénahwaʼse, iáh thakhehiatahónsahthaʼte.

Jeremiah 14:12

Shé꞉kon ó꞉ni nahonnenhtóntieʼthe, Kwáh kíʼ iáh thakhehiatahónshathaʼte tsi naʼtehonséntʼthos nakheiénahwaʼseh; tánon ó꞉ni ne kwáh aterennaienthatsherákon tsi akonwahtsatatʼtsahaʼte ne katʼtshénen ó꞉ni nonátsa ahiontthátse, kwáh kíʼ iáh tahionkenikonhrí꞉iosʼthe. Khèʼkhók, ateriʼiosehráhke tsi enkhenonhwahrhiákon tánon athonkarhiákon ó꞉ni kanhrahtarihnétshera.”

Ezekiel 8:18

Kwáh enhóntʼthoke kashastsʼtenserahkwékon nakenahkwáhtshera. Kwáh iáh takhenónhsthate iáh ó꞉ni takhenahtónhase nataniténron. Kwáh tenhotihénreʼte nahterénhnaient nakonháke tsi nihiorahkaréhni tsi ahathikwéhni, ók iáh kíʼ taʼkhehiatahónshathaʼte.”

Hosea 5:15

Kwáh shé꞉kon thóh iénske tsi nón꞉we tewakatená꞉taien tsi nió꞉re ienhatiriwaní꞉rate tsi rotiní꞉kon tánon enhonhnésake ne kontsá꞉ke. Ne tsi nihotironhiá꞉ken kwáh enhionkanithénthen nahatiié꞉na nakithénrat:

Hosea 5:6

Skátne ne raotitshenenhó꞉kons teiotinakarontónhas tánon ne raotitsenhó꞉kons tionhnónskwarons kwáh é꞉ren enhonhné꞉te ne nahonwaiatísake ne Roiá꞉ner, ók iáh kí tahonwaiataʼtshén꞉ri; é꞉ren rawé꞉ton tsi nón꞉we nihón꞉nes.

Amos 8:12

Nonhkweshón꞉as tenhiontahwénhre né꞉ne Dead Sea entewahtashá꞉wenh tsi nió꞉re ne Mediterranean, tánon nhothorè꞉ke tánon ne tsitkarahkwí꞉nekens; thenhionterá꞉thanion ne nón꞉we, iakawesakonhátses ne raowenhnaó꞉kons ne Roiá꞉ner, ók iáh kí taiettsénhri.

Micah 3:4

Ethò꞉ne iathenhonsénhtho raonhà꞉ke ne Roiá꞉ner, ók iáh kíʼ tathasakorihwaʼserá꞉kwahse; enshakoʼkonsaséhthen né nenhkahá꞉wike, tiorì꞉wa tsi nihatiweienaksénhskwa.

Zechariah 7:13

Tiorì꞉wa tsi iáh tehonatahonshatháton nó꞉nen enkathá꞉ti, iáh thatekherihwasherahkwén꞉ni nó꞉nenh enhonterén꞉naien.

Deuteronomy 1:45

Sotkáti raonhà꞉ke ne Roiá꞉ner iathisewahénrehte natsisewahiaʼthakè꞉na, ók iáh ki tetsisewatahonshatá꞉ton iáh ó꞉ni tethetsisewariwasniése.

Ne꞉ne Sák Rohiaton 4:3

Tánon nónen enseriwanónton, tánon iáh tashéna, né kíʼ tsi niwahétken ne sariwasónhas; ne seriwanóntons tsi nahoténsons ne iatesháh꞉ti ahsatenikonrórhiate.

1 Samuel 8:18

Tánon ne thóh enwenhniseráteʼke ní꞉se kwáh tenshaséntho neh enhariʼónhni sanontí꞉io, tsi niʼkáien ní꞉se tsiatarákwen ne iatheshiá꞉ti; ók ne Roiá꞉ner kwáh iáh thataʼiariwaserákwahse nètho enwenhniseráteke.”