Proverbs 1:24 - Ohiatonhseratokénti

²⁴ Tkwanaʼtónnions, kwahonkará꞉wis naontésewe nok iáh kiʼ teskwatahónhsate. Iáh thaʼteskerihwahsnié꞉se.

Proverbs 1:24 ပူးပေါင်းရင်းမြစ်များ

2 Chronicles 33:10

Ethohʼsáne ne Roiá꞉ner roronhkaténhni ne Manasseh tánon ne rahonkweʼtaʼshón꞉as, iáh tehonatahonsatháton.

2 Chronicles 36:16

Ók kaierónhsera waʼhonwenhnónhni ne Rawenni꞉io raonhkweʼtaʼshón꞉a ne ratirihwakarénies, ronatharón꞉tion ne raowenhnahókon tánon sakotisterís꞉tha ne raonhkweʼtaʼshón꞉a rotitokenséhakwe, tsi nió꞉re nonàken ne Roiá꞉ner iáh tieshokwénion ne ahonsahothatiénenhke washakonákwahse ne raonhkweʼtaʼshón꞉a thóh nió꞉re tsi tehiotenonhnianíton iáh kanèka tsiahónhne nahatiniákenʼne.

Job Tánon ne Raoronhiakensera 33:14

Asè꞉ken ne Rawenni꞉io enskátkok tsi nenhthatá꞉ti iekaní꞉hare tékeni ienwaterátste, ók nónkwé iáh teionteʼnikónhrarah tsi nahó꞉ten ráton.

Psalms 31:20

Né tsi waskwáhere tsi nón꞉we ní꞉ses nenhsehiatásehte tánon ensehnóns꞉thate tsi nòkwah nonkweshón꞉ha tsi nihionteristhakérons; ensehiateweiénton skennenkó꞉wa thenkénhake tsi nón꞉we nisataskwáhere tsi nó꞉kwah ne karihwaʼnón꞉we takarihwakénha awenhnáson.

Proverbs 29:1

Tókaʼ sénha enhsatenontsistahní꞉rate tsi ní꞉kon ónhka aiesarihwakwaríhshion, éntewe nenhnísera akwáh tokén꞉ʼen ensateraʼswáksenʼne tánon iáh nonwén꞉ton thaonsahsatonhnhakwatá꞉ko.

Isaiah 50:2

Onhnontiéren tsi iáh ónhka thóh tèienskwe ne sháʼkewe? Nontiéren tsi iáh ónhka thaʼieiakorihwasehrá꞉kwen shaʼthontonkhénrete? Niskaʼtianésa kén, tsi iáh takakwéni nahonsahiakoniá꞉kente? Khés iáh tesewakeshatsʼtenhseráien nahonsakʼkhenónsthate? Né tsi wakatewenhnaiéntonʼwe wasthátʼthate ne kaniatarakhekó꞉wane, Né wakónhniaʼte ne tsi kaniataraténions iahonwenhtsaʼthénhake iahónton; nahotiʼtionʼshón꞉has waʼkentsakérane ne tsi iáh teskanekáien, tánon wahonhníheʼie ne tsi nihotiʼniatáʼthens.

Isaiah 65:12

Kwáh kí ní꞉se ienkoniató꞉ri nasarekó꞉wahne, tánon sehwakwé꞉kon kwáh tenhsewatʼtsákeʼte ne tsi tseriós꞉tha; tsiorí꞉wa, né shiaʼkonhnáton, iáh thaʼtesarihwaʼsehrákwen, nónenh shaʼkatáti, iáh tesatahonsatáton, ók né thóh nashié꞉re né karihwahétken nakʼkhénton, tánon né washaʼtaterákwahse tsi nahó꞉ten né iáh tewakerienhtiʼióstha.

Isaiah 65:2

Iaʼtewakatsá꞉takwe kwáh kontatsekó꞉wa rononháke né ronteriʼioseranónhwe onhkweʼshónha, né ronónha thóh nón꞉we nionathahítake né iáh teioiánere, né ratísheʼre né iatehatiʼiáti tsi nionatenikonrón꞉ni;

Isaiah 66:4

Kwáh ó꞉ni né enkeráko nakheréwaʼte, tánon né entekhehawíthen tsi nahó꞉ten nahothiʼterónhkwen; tsioríhwa, nó꞉nenh shiaʼkhenáton, iáh ónhka thaʼteiakorihwaserákwen, nó꞉nen sakatáti, iáh teonathahonsatáton; ók né wahonterihwaténtsiate tsi nahó꞉ten né karihwahét꞉ken í꞉ken nakʼkhénton, tánon né wahatiʼráko tsi nahó꞉ten né iáh tewakerientí꞉ios.

Jeremiah 35:17

Káti nónhwa, Í꞉i, ne Watiá꞉ner Keshastsʼtenserowáhnen, ne kheʼNí꞉io ne Israerʼró꞉non, enkwaiénhaʼse ne tiónkwe ne Judah ó꞉ni ne Jerusalem oriwahkwékon ne kahkaronniátshera ne wahkarahrátston. Kwáh kíʼ thóh nénhtiere tsioríwa tsi iáh tesehwathahonsahtáton nónenh sahkwahthárahse, tánon iáh thaʼtesehwariwahseráhkwen nónenh siakwahnáhton.”

Jeremiah 44:16

“Kwáh iáh thaʼhiakwahtahónsathaʼte tsi nahó꞉ten thakwahró꞉ri ne rahosénhnahkon ne Roiá꞉ner.

Jeremiah 7:13

Oriwahkwékon kí꞉ken wahsheriwahneráhatʼthe, tánon ethohʼsáne tethewahkatʼnahnéten tsi konhtharáhni, iáh tesatʼthontháton nahishatahonshatháton. Iáh thateshá꞉rihwahsehrahkwen shiá꞉konnahton.

Ezekiel 8:18

Kwáh enhóntʼthoke kashastsʼtenserahkwékon nakenahkwáhtshera. Kwáh iáh takhenónhsthate iáh ó꞉ni takhenahtónhase nataniténron. Kwáh tenhotihénreʼte nahterénhnaient nakonháke tsi nihiorahkaréhni tsi ahathikwéhni, ók iáh kíʼ taʼkhehiatahónshathaʼte.”

Zechariah 7:13

Tiorì꞉wa tsi iáh tehonatahonshatháton nó꞉nen enkathá꞉ti, iáh thatekherihwasherahkwén꞉ni nó꞉nenh enhonterén꞉naien.

Acts 4:30

Hiatesanenktsiátat naséhʼtsienʼte, ó꞉ni sahtóntat nètho ionerákwat ó꞉ni ioriwanerákwat ahónton nakahioténʼen ne rahosénʼnakon ne rohiatatokén꞉ti sahnhátsera Ié꞉sos.”

Romans 10:21

Nók ne Israerʼró꞉nons rahothiriwáke ráthons, “Kontatiekówa hiatewakátsiate ne takehiaróthon ne iáh tehontewenʼnarákwa ó꞉ni ne ronhnonkwetahétkens.”

1 Samuel 28:6

Nó꞉nen ne Saul sahoriwanóntonhse ne Roiá꞉ner, nr Roiá꞉ner iáh tahtehoriwaserakwénhni, iáh naʼtetsenhsehrákon, khéhs ne ratsihénstatsi, khéhs ne rotitó꞉kenhse.