Proverbs 1:2 - Ohiatonhseratokénti

² Kí꞉ken karihonnienníhtshera ensaiaʼtakéhnha nahshientéhrhaʼne ne attokháhtshera tánon kwáh tokén꞉ʼen aiesaʼnikonhraièn꞉taʼne tsi nahò꞉ten kén꞉ton.

Proverbs 1:2 ပူးပေါင်းရင်းမြစ်များ

Proverbs 15:33

Ahtskweniénhsthake Roiá꞉ner ensarihónnien ne taiesaʼnikonhrátheʼne. Ó꞉nenk tsi enhsaní꞉tenhte nohén꞉ton nenhskwé꞉ni nahshié꞉na kakwenienhstáhtshera.

Proverbs 16:16

Kwáh sénha ísiʼ non tsi ioiánere nashiena nattokhahtsherí꞉io tsi ní꞉ioht noʼ ohwistanó꞉ron. Nashena kanikonraienthatshera tsi aiesaiatarakwen tsi niiot ne kawistaráken.

Proverbs 17:16

Iáh thetekáhsta ahshatwistakarón꞉ni ahtsheweientéhten ne rononhwaró꞉ri aseʼkénh iáh tehoʼnikonhraientá꞉tskon.

Proverbs 19:20

Tókaʼ enhsatahónhsatate ne kaʼnikonhrí꞉io tánon thoʼnisaʼnikonhró꞉ten nahseweientéhtaʼne, entewenhnisera꞉teke tensaʼnikonhrátheʼne.

Proverbs 2:9

Tókaʼ enhskwatahónhsatate, ensaterién꞉taraʼne nahò꞉ten tkaié꞉ri shaʼténhshiere tánon ne tkarihwaié꞉ri. Ensaterién꞉taraʼne tsi nénhshiere.

Proverbs 4:1

Kwaienʼokón꞉ʼa sewatahónhsatat tsi nahò꞉ten ne iaʼníha enhiarihónnien. Sewatahonhsí꞉iohst thó꞉ne ensewaʼnikonhraièn꞉taʼne.

Proverbs 7:4

Tasateweienʼtón꞉hahs nattokháhtshera tsi shí꞉ken ní꞉ioht ne saʼtsí꞉ʼa tánon ne kaʼnikonhraientáhtshera tsi shí꞉ken ní꞉ioht nakwáh ákta tsi tsatén꞉ro.

Proverbs 8:33

Sewatahónhsatat tsi nahò꞉ten waʼehtshirihónnien. Sewattókhak tánon tóhsa sewatié꞉saht nahò꞉ten wesewathón꞉teʼne.

Proverbs 8:5

Áreʼkok kenh tshiekaié꞉ri tsi nisateʼnikonhríson? Satéweienhst ahsateʼnikonhrísa. Tesatenonhwarorí꞉tonte kenh? Satéweienhst ne aiesaʼnikón꞉rote.