Proverbs 1:18 - Ohiatonhseratokénti

¹⁸ Ne ká꞉ti shá꞉ka né꞉ʼe niionkweʼtò꞉tenʼs nahonterístaien ronnónha enhotiié꞉na tánon tho nón꞉we nenhonníheie.

Proverbs 1:18 ပူးပေါင်းရင်းမြစ်များ

Esther 7:10

Sók ki Haman wahonwahnià꞉terenke tsi nón꞉we nihóhson Mordecai raorihwà꞉ke. Ó꞉nen kiʼ ne ronontí꞉io iaʼtonsahanaʼkwaieʼwèn꞉taʼne.

Psalms 55:23

Ók í꞉se, Ó Sewenní꞉io, iensehiáthente tsi nón꞉we ne kwáh tioshón꞉wes; né sakonaséhtha tánon natiokenthashónhas kénk nentontíhionke enhonnhíheie. Ók kwáh kíʼ shonháke nón꞉we nenhtewakethakwénhake.

Psalms 9:16

Ne Roiá꞉ner waʼhathaténeste, né waʼhaterihwathentsiáte karihwenhthátsera; ne ronhnonkwetahétkens né waʼhotiʼiéhna ne waʼterístaien ne ronnónha roʼnateristaienthákwen. Higgaion. Selah

Proverbs 1:11

Tókaʼ shí꞉ken ahonní꞉ron, “Kenh nontá꞉se; tánon tewé꞉sak ónhka aiethinonwarhiakhon! Káton eniethiié꞉na ne iáh oʼthé꞉nen tehotirì꞉waien kwáh nek ne tsi niionʼwé꞉sen!

Proverbs 1:17

Iáh oʼthé꞉nen tekariʼwáhsta tahsaréniaʼte á꞉are ne tsítenhas ahshié꞉na tókaʼ saʼnikón꞉rare.

Proverbs 11:19

Nónhka iakoteʼnikonhríson ne tkariwaié꞉ri eniakónhnheke, nok ne ónhka entiekón꞉tahkwe ne iáh tetkariwaié꞉ri eniaiéheie.

Proverbs 11:5

Aterihwakwarihshiónhtshera ne tionkweʼtaié꞉ri sénha watié꞉sen tiakó꞉wis tsi iakónhnhe, nok ne iáh tetiakorihwaié꞉ri ronnónha kiʼ ienhontatià꞉tenhte.

Proverbs 28:17

Nónhka rohnhí꞉kon tókaʼ shakohséhton, tho niiohsnó꞉re tsi raʼshonhionhnia tsi nón꞉we nenhonwaiaʼtà꞉ta. Tóhsa sateʼnién꞉ten tahtstáhste.

Romans 2:5

Nók iáh tatesahontakáronte tánon seriasáksen. Nekarihónʼnis, í꞉se satatonniénʼnis neh karewatátsera sénha tehiotenonhianíton tsi ní꞉ioht ne tewenʼniserónte nónen neh Rawenni꞉io rahonakwátsera tánon ne tkariwaiéri kaiatoretátsera enhiotásion.