Proverbs 1:10 - Ohiatonhseratokénti

¹⁰ Konién꞉ʼa, nó꞉nen ne rotirihwanerenʼákskon enhonteʼnién꞉ten naiesaʼnikonhrotá꞉ko tóhsa sathón꞉tat.

Proverbs 1:10 ပူးပေါင်းရင်းမြစ်များ

Genesis 37:20

Kásewe kíʼ ó꞉nen, etshitewanonwariá꞉kon tánon kaʼk niká꞉ien kí꞉ken iohshonwaká꞉ronte ieionkwá꞉ti ne raoieròn꞉ta; eʼthó꞉ne kwáh entewén꞉ron kário ronwaʼwahrá꞉kon, tánon eʼthó꞉ne enionkwató꞉kenhse oh nahó꞉ten ienwá꞉ton ne raotetshénhsera.”

Psalms 1:1

Iakotáskat tsi nihiákon iáh né tehiésehre tsi nishakonatenikonráhwis ne ronhnonkwetahétkens, khés né꞉ne ahiontʼthaítha né rotirihwáneren raonaháha, khés ó꞉ni nahonwanahtiatárahse tsi nihiákon ne kaierónhsera ronhiónhnis ne Rawenni꞉io.

Psalms 50:18

Nó꞉nen éntsken ne ranénskwas né entsiaterosehrónhnien, tánon ne sehiateroseronhniénhnis ne ratinakwaiésen.

Proverbs 13:20

Skátne sewé꞉shek ne ronttókha í꞉se ó꞉ni ensattókhaʼne. Tókaʼ enhsatenroʼserón꞉ni ne iáh tehonteʼnikonhrattókha eniesakarón꞉ni.

Proverbs 16:29

Nón꞉kwe ne ratiʼnikonhrahétkenʼs shakonanowenhtén꞉nis ne rontenroʼshón꞉ʼa tánon nek enhshakonahshá꞉rine nahshakotikarón꞉ni.

Proverbs 20:19

Ne tekarihwenʼahwí꞉ton iáh nonwén꞉ton thaʼonteriʼwáhsehte. É꞉ren í꞉seht nón꞉kwe ne iakoterihwatié꞉ni.

Proverbs 24:2

Nek ronnonhtónnionkwa nahò꞉ten tahshakonaʼnikonhrhá꞉ren, tánon ónhkaʼk ahshakotikarón꞉ni tsi nahò꞉ten enthontá꞉ti.

Isaiah 33:15

Tsi nikáton né thóh nón꞉we nihiakothahí꞉taʼke ne kariwakwahrihʼshiontsherákon tánon ne iakotharáhkwen ne tkarihwaiéri í꞉ken, rotikenrá꞉tani né thènen ahatiʼiéna ne kawisenhehióntshera akarihónhni, tehonhnentsateníhons skonwatʼtátha ne kanikonrá꞉ton né꞉ne tó꞉sa ahatiʼiéna, tehonatahonthaʼkwékton né꞉ne tó꞉sa ahonatʼtónhtene naienékwah tánon tehonatateronhwékon né꞉ne tó꞉sa ahontkátho ne karihwahetkénhsera,

Romans 16:18

Asèken ónhka ne thóh niʼieweiennóten iáh kíʼ Kerístos sonkwaiáner tehonwahiótense, nók nek khók ronnonthónnions tsi nahóntiere ó꞉ni nahóten ahónneke. Kawenníʼios rónstha ó꞉ni tekarénsaron tsi ní꞉ioht tsi rontátis sakotinikonrahténnis ne tionkwetaiéris.

Ephesians 5:11

Kwáh tóhsa thènen sateriwaténtiat nononwenserasónhas, tsi neh nihontiéras nakorénsons, neh rohthihiótens ne tetiókaras aoriwasónhas. Khék tsi tehioswátʼte nónwe nontasehiaʼténhaf. (

Deuteronomy 13:8

Ók tó꞉sa ieʼtsirí꞉hon ónhka tsi nihá꞉ti naiesaʼnikonhrá꞉reke; tó꞉sa ó꞉ni shé꞉kon nek kók naieʼtsihiatahónsatate. Kwáh tó꞉sa othé꞉nen ietsinaʼtónhas nataniténron tó꞉ka ó꞉ni ne taieʼtsihiaró꞉ton, tó꞉sa othé꞉nen taieʼtshí꞉ne.