Philippians 4:8 - Ohiatonhseratokénti

⁸ Nonahkènkha, tewatenrosónhas, ne sewanáhnonk ne sewanikónhras tsi nahoténsons ne tkariwaiéris, tánon né tehiothonwenhtióhon ne tahiontenonhweráhton: nahoténsons ne oirihwí꞉io íken, iotkwéniens, tkariwaiéhri, aóskon, ioráh꞉se, tánon tekarénsaron.

Philippians 4:8 ပူးပေါင်းရင်းမြစ်များ

Genesis 18:19

Iáh, asèken ráonha riiaʼtarákwen, né katí nahshakorihónnien ne shakoioʼokón꞉ahs tánon tsi nienhathwatsí꞉rine ne nahonteweién꞉ton tsi nihorihó꞉ten ne Roiá꞉ner thóh níʼhatí꞉iehr nahó꞉ten né tkarihwaié꞉ri tánon né kaiánerenʼn; né ká꞉ti naón꞉ton né Roiá꞉ner naontaháhawe tsi nahó꞉ten rohrharatstén꞉ni nʼAbraham.”

2 Samuel 1:23

Ne Saul tánon ne Jonathan kwáh í꞉ken tsi ronwatinorónhkwahkwe ó꞉ni ronwahtikweniénstahkwe! Tsi ninónnhekwe ó꞉ni ne kenheiát꞉ne iáh kiʼ tatehonwatikháshion; ronhnón꞉ha sén꞉ha teotikhá꞉kwe tsi ní꞉ioht nakweskówa, ronhnónha sén꞉ha tenishástekwe tsi ní꞉ioht ne kénreks.

2 Samuel 23:3

Ne raNí꞉io NIsraerʼronónke rotatíhon, Naosténra ne Israerʼronónke onkenhá꞉se: Ne ne tsi niká꞉ien sakokkoráston nonkweʼókons nahontakariwaiérike, tsi rokkoráston ne tsi rokweniénstha ne Ní꞉io,

Psalms 82:2

“Toh nikaríwes enserihwenhtá꞉ke ne iáh tetkarihwaiéri tánon senéstha tsi tesehriwáʼwaʼse ne ionkwetahét꞉kens? Selah

Proverbs 11:1

Roiá꞉ner ráhswens nónhka ieʼnikonhrhá꞉tha naiehkonʼtsherihá꞉ren. Rotonhnháhere nónhka tkaié꞉ri tsi ni tsi iekonʼtsheriháhrha.

Proverbs 12:4

Rón꞉kwe ronià꞉kon ne tiakorihwaié꞉ri né꞉ʼe raotonhnharáhtshera tánon raonaiéhsera; nok ne rón꞉kwe ronià꞉kon ne thonwá꞉wis atehénhsera kwáh ne shá꞉ka ne takwaʼáhsen raohstièn꞉takon aʼónʼtien.

Proverbs 16:11

Roiá꞉ner tehotonhwentsó꞉ni tsi kakontsheríhare tánon ne ateʼnienténhtshera aontakariwaié꞉rike nahò꞉ten watenhní꞉non ne kwáh aontakarihwaié꞉rike.

Proverbs 20:7

Ronatáhska ratiksaʼokón꞉ʼa tókaʼ rotiʼní꞉sen ne rorihwakwaríhshion tánon tho nihaiéhrha tsi nahò꞉ten tkariwaié꞉ri.

Proverbs 31:10

Tho niwentó꞉re nahsenahkwatshén꞉ri ne ieweienní꞉io! Akaónha sénha wé꞉so shaʼtékena tsi ní꞉ioht ne ohwistanoronʼshón꞉ʼa!

Proverbs 31:29

Rá꞉ton, “Wé꞉so ne konnón꞉kwe kontenahkwanorónhkhwa, nok í꞉se kiʼ tiaonhá꞉ʼa konhsennakará꞉tats.”

Proverbs 31:31

Tashé꞉ion ne tahsherènhsaron tsi niiontiéhrha. Teiakotèn꞉tshon akwé꞉kon aiethikweniénhsthake.

Song of Songs 5:16

Tsi naʼteowenhnatsikhétare, tanon raʼhiatakwékon askanéktsera i꞉ken ne kí꞉ken naʼkenoronkwáhtsera oni akateró꞉sera, O saiénha ne Jerusalem.

Isaiah 26:7

Tsi nihotihahóten ne tionkwetaiéri iotʼthahakwahríshion í꞉ken; Ó Saiá꞉neren, í꞉se stakwaríhshions tsi ronaháte ne tionkwetaiéris.

Matthew 22:16

Iasakonatori kati ne raohnonkȣeta, ȣahonniron: Seȣenniio! ionkȣaterientare tsi tisariȣaieri, oriȣiio oni tsi neh sherihonnienni ne Niio raoriȣasonha, iah oni tatesonkȣetaiestasions: Aseken iah ki neh teskahenhions tsiniieiatotens.

St. Mark 6:20

Aseken nʼHerod rotsaniskȣe ne Saȣatis, roterientare se tsi tronkȣetaieri oni Roiatatokenti, rokonnienstakȣe; iotkate oni tsi roriȣaienniskȣe nok roȣennarakȣakȣe akȣaʼsʼoni raonȣesata nahoȣennaronkhake.

Luke 16:15

Ȣasakaȣenhase kati: Iseȣere kinise seȣaianerese nonkȣene; nok tanon ne Niio akȣekon raienteri tsini seȣeriasotens; Aseken tsinikon ioriȣanoronsta nonkȣe okon akȣekon roriȣaston ne Niio.

Luke 2:25

Saiatat ne ronkȣe Jerusalem ranakerekȣe, Simeon ronȣaiastskȣe, neh kehiken nethoriȣaieri oni rosennaiens ne Niio; rorharekȣe oni neneh nahoken nʼakonikonriiotsera nʼIsraerroronon; akȣa oni nikȣekonhatiene ne Ronikonratokenti.

Luke 23:50

Nok saiatat ne ronkȣe Sose ronȣaiasts, ratsienhaiens tronkȣetaieri oni roianere.

John 7:18

Onka raonha raotennikonra raststa tsi ratatis, ne ki neraonha rahorensarontsera rehsaks; nok tanon neneh rehsaks raorensarontsera ne thotorion, neh oriȣiio, iah oni tekaien ne kanikonrhaton ne raonhake.

Acts 10:22

“Ranenrakweʼní꞉io Cornelius tasonkwatóri,” watatiriwaseráko. “Tronkwetaiéri roʼsénnaiens ne Rawenni꞉io tánon ó꞉ni kwáh íken tsi éneken tsi ní꞉ioht tsi ronwariwakweniénstha ne Sitaeró꞉nons. Ne Rawenni꞉io rahoronhiakerónon wahoróri ne iahianatarénaʼse ne tsi thonónsohte, neh nahónton nahothónteʼne tsi nahóten sáien nasíron.”

Acts 22:12

“Thóh non kanátakon renteróntaʼkwe ne Ananias ronwáiatsʼkwe, roriwiʼiósthonʼne rathewennarákwaʼkwe nonkwaianerénsera tánon kwáh íken tsi ronwakweʼniénstakwe neh Sitaeró꞉nons neh nónwe nihathiná꞉kerehkwe.

Acts 6:3

Éhʼthoh káti, tewatenrosónhas, tsiátak niháti ietʼtsiʼiataráko tsi naʼtesewátere nehne kwáh ronwatiʼientéri nahatiʼhiatananónhake ne Ronikonratokénti ó꞉ni kanikonraienthátsera, tánon ronónha enʼhiakhihiatakweʼní꞉iosʼte kíʼ nahorihótens.

Romans 13:13

Ánion tkariwaiérik tsi tiónʼnhek, tsi teioswátʼthe nonnitionʼnhétie iáh neh tsi tetiókaras: iáh ó꞉ni neh thiʼiohriwatesónha tsiʼni ienekirátha, iáh neh kanhakwaiesátsera tòhka ó꞉ni ne iáh tehioteriwatʼtkwéniens, kaserohénsera, kanaiésera.

Romans 13:3

Neh rathikóras iáh thateiothonwentsióhon nahonwathitsianíhseʼke nónka neh iohiánere tsi nihontiérha, nók neh tsi niháti neh kariwáksen tsi nihontiérha. Asenónweʼne kén níse neh tóhsa ashetʼtsaníhseke ne rathikóras? Neh kih thóh náhtier neh ioiánereh, ó꞉ni teniesarénsaron,

Romans 14:18

Tanon nónen thoní꞉ioht tsi entiótense ne Kerístos, entsenikonraiérite ne Rawenni꞉io tánon ne ronatiakhésons enhatiriwanónwehʼne tsi nihoiéren.

Romans 2:29

Neh꞉ne kwáh tokén꞉en ronwahwarakwétaron, tsi niʼiáwens, ne kwáh Sitaeró꞉non neh꞉ne kwáh raweriá꞉ne íken, neh kíʼ tsi kwáh raweriáne thoʼtákwen tsi ronwahwarakwétaron, neh꞉ne Rawenni꞉io Rahonikónra thóh nihióson, nók iáh tsi nahóten ne kahiatónʼnion neh kaianerenserákons. Kíʼ rónkwe raiénas ne rahorensaróntsera neh꞉ne Rawenní꞉ioke néntewe, iáh nonkwé꞉ne.

1 Corinthians 4:5

Káti iáh tesateriwahiénni nónka tashehiatórethe nohénton ne iakáhewe. Nonakènkha ne karewahtátshera ónenk tsi enwahterahráton tsi naténtʼre ne Roiá꞉ner; tenhaswátʼtethe ne tetiókaras kariwahshetánions tánon enrotashiónko ne ronahtenikonrahsehtánions nonkweshónʼa. Tánon etʼthó꞉ne onkwetaʼkwékon eniehiéna tsi néntewe ne Ni꞉ióʼne ne kanonweratóntshera tsi nahtahiakoténtion.

2 Corinthians 13:7

Nonkwaterénnaient ne Rawenní꞉ioʼke neh꞉ne tóhsa thé꞉nen taisewaterientawén꞉rie. Ne khók teionkwatateʼnikòn꞉rare ne í꞉se tkariwaié꞉ri tsi naisewátiere, iawerohátien tsi ne iokéntas tsi ionkwarihwanóronʼse.

2 Corinthians 6:8

Ótiaʼke waonkhikweniénste, ehtà꞉ke enionkhiión꞉ni, enionkhihsennowanáhte, ó꞉ni enionkhiiateháhte, tiótkon nek ne orihwí꞉io nahò꞉ten iatiá꞉ton. Ótiaʼke wahonní꞉ron iáh tókenske té꞉ken.

2 Corinthians 8:18

Shaià꞉ta ó꞉ni iashakwatenniéhte ne atateʼkén꞉sera, né꞉ʼe ne kwáh è꞉neken tsi ronʼwariwakweniénstha ne tiakaweʼtáhkwen ó꞉ni ronwaienté꞉ri tsi nihoioʼtenhserò꞉ten tsi rateriwahnó꞉tha ne karihwí꞉ios.

2 Corinthians 8:21

Ne teionkwatonhontsó꞉ni ne Roiá꞉ner aontahshakwaʼnikonhraié꞉rite, ó꞉ni nahò꞉ten ne tionkweʼtaié꞉ris í꞉ienhre tkarihwaié꞉ri.

Galatians 5:22

Nók neh Ronikonriʼióston tatʼkáwas ne kanonronkwátsera, atʼtsennónniat, skénnen, kanikonkasthéntsera, ahtaniténron, tkariwaiéri, ahiakoriwatokénhake,

Ephesians 4:25

Iáh ónen nohnówen, nekáti! Kwáh tsi sewahiatátʼtions ónenk tsi tensewatatróri ne ronatsiakhésons tsi nithonethákwen, neh tsi akwékon thó꞉non nitewaiáthare ne rahoiéronke ne Kerístos. Iáh káti ónen thènen nohnówen! Kwáh tsi sewaiatátʼtion ónenk tsi neh꞉ne oriwí꞉io enientʼtsiróri nakorénson ne thonethákwen, neh tsi akwékon skát꞉ne nón nitewaiátare ne rahononsatokentíke ne Kerístos.

Ephesians 5:9

Asèken kaswatʼthétsera seh tkáhas neh kwáh tsitʼnahoténsons ne iotkwénies, nehne ó꞉ni kariwakwarishióntsera, tánon noriwihioʼónwe.

Ephesians 6:14

Kwáh káti satateweiennentahónhak, ne noriwihioʼónwe sathatiataʼnhatseronʼniáten tánon satiahtáh꞉nak, ó꞉ni kariwakwarishióntsera satetskweʼnó꞉rok,

Deuteronomy 16:20

Tió꞉konte tkariwaié꞉rik tánon ioʼtakwarisiónhak, ne káti nahónton nahisewatié꞉nawatste ne watonhontsáien né꞉tho Roiá꞉ner sewaNí꞉io thetsisewawì꞉re ne káti ne iahisewakónhtaʼkwe thóh nón꞉we nahisewenhteróntake.

Philippians 3:1

Nonakènka iahonʼniatonhátie, tewathen rosónhas, sewatʼtsenonʼníhak níse tsi Roiá꞉ner rahonkwetaʼsónha. Iahʼhothènen tewatiótanis ne sékon kwá ehthoní꞉ioht tsi iahonsakwahiátonse tsi ní꞉ioht neh tiotierénton iekwahiatónʼni. Nése nekwa i꞉se ahisewaianerásten.

Colossians 4:5

Sewahnikonrowahnénhak tsi ní꞉ioht tsi ensewahtorianéron tsi nokwáh ne iáh tethonetákwen, tión꞉ni nahioianeréhake naisewásthe natesénna tsi nihsewá꞉ien.

1 Thessalonians 4:12

Éhʼtho néntewe tensewahténtsha nahietsikwénienste tsi niháti ne iáh tethonetákwen, tánon iáh tathaisewahtonhóntiohse nónka aietʼtsiniahesénhake tsi nahoténsons taisewahtonwentiónike.

1 Timothy 2:2

ne rontinontiʼiósons tánon ratikwékon tsi niháti ne rohnaterihónton, neh꞉ne kwáh skénnon tsi aihtiónnheke tsewahkwékon naterénnaient rahonháke ne Rawenni꞉io tánon kwáh tkariwaiéri tsi naitewáhtiere.

1 Timothy 3:11

Neh konhnónkwes onónha ó꞉ni ahówenk nahiotihianerenserihióhake tánon iáh tehiówenk nakonkʼtsiokentónni; kwáh ahówenk niatahiononniáton ó꞉ni kwáh tsík nahorihothénshons tsi ahioterihwathokénhake.

1 Timothy 3:4

kwáh rohterihwahiénni nasakotennikonráren ne rahowáhtsireh tánon nasakahónnien ne sakoienokónha nahonwahwenhnarakwake ó꞉ni ahonwahkweniénstahke.

1 Timothy 4:12

Tóhsa ónhka ietʼtsiríhon naʼietʼtsikénron tsioríhwa tsi kennithisewahiónsa, nók tahontaietʼtsihiatenákeraste ne tiakawetákwen tsi ní꞉ioht tsi sewahtátis, tsi nisewahweiennótens, sewahnonronkwátshera, tsi tisewetákwen, tánon ahisewahnikonróskon akénhake.

1 Timothy 5:10

tánon konwatiʼientéri tsi kontiweienʼní꞉io: nètho hiónkwe tkariwaiéri tsi iakawehiáron nakohioʼokónha, iakohonkaráwi ne iakoiesahonhátieskwe ne ahonónskon, tánon tehiakhoróhton nótiakes ne iakorihwiʼióstons, iakoiénawaʼse nónka tehiakonikónrare, tánon iathehiotatʼtiaháton iohióthe ne ioiánere.

1 Timothy 5:2

neh tiotíʼions tsi neh ní꞉ioht ne ieʼtsinisténa akénhake, onh ne kenʼnitiotiʼiónsas tsi ní꞉ioht ne sewahtenoséha akénhake kwáh sewerhiasakwekon akénhake.

Titus 1:8

Ónenk tsi enhateroseriʼióhake tánon enhanorónkwake nahóten ne ioiánereh. Ónenk tsi enthotateniarotáronke, enhothonkwetakwaríshion, enhorihwiʼiosthónhake, tánon ahatatkweniénstake.

Titus 2:14

Iehotatatʼkáwen ní꞉i onhkwariwáhke, nahonsahshonkwaniákente ne kwák tsi nahiotónhake ne kariwáksenke tánon nashontiónnien kwáh orihwí꞉io rahónha khók rahonkwetaʼsónha ahitewáhton ó꞉ni kwáh tahionkwasterihénseke ioiánere tsi naitewáhtiere.

Titus 2:2

Serihónʼnien ne thoʼtèions ne tóhsa ahatinekakátsʼtahke, ahontatkweniénstahke, tánon thoʼnatateniarótaron; nahioriwíʼioke tsi thoʼnetákwen, ne rahotinonronkwatsherákon, ó꞉ni tahathiwisátsʼtheke.

Titus 2:7

Noriwahkwékon ónenk tsi í꞉se tentiesatenienthénsthe tsi nisewehʼienní꞉io Sariwatokénhak tánon tasanikonrahsahatónhak ne sarihonniennítshera.

Titus 3:14

Nontionkwetaʼshónhas ónenk tsi enhontatenakthótʼthase nahotihióten ne ioiánere, ne nahónton nahsakotiʼiénawahse ne kwáh tehiakothonwentiónis; iáh tatehiothonwentióʼon ne kwáh iáh thènen tahatísthake tsi ronnònnhe.

Hebrews 11:2

Ne tsi thohnetákwenhne nonkwesónha ne siʼiorihwahkáions wahhatiʼiéna ne Rawenni꞉io raorihwahnirátʼtshera.

Hebrews 13:18

Iashewahkóntat takwahterennaiénhas. Kwáh orihwí꞉io iontiónni nonkweriá꞉ne kwáh iáh thènen teiostónton, tsoríwah tsi néhe tiókonthe tehionkwahtonwenhtió꞉ni ne tkarihwahiéri tsi nahiakwáhtiere.

Ne꞉ne Sák Rohiaton 1:27

Tsi nahóten ne Rawenni꞉io ne Kaníhsera ráton ne kwáh aóskon ó꞉ni oriwí꞉io kariwiiostonhtsera, kén ní꞉ioht: teietʼtsiriwásnies ne tehonthonnakárhias ratitʼsahokónhas tánon ne ionateréhons tsi nihothironiáken tánon sewatatenónhstat tóhsa aisewahétʼkenten ne tsi ionwentsiáte.

Ne꞉ne Sák Rohiaton 3:17

Nók ne karonhiáke nitiawénon ne kanikonraienthátsera kwa né aóskon íken; tánon ó꞉ni sakthíken, tioriwaiéri, ó꞉ni wateroserí꞉io; kwá thitʼkáhere nataniténron ó꞉ni ne kaientwákwas ne kahiotenseríʼios; iáh ó꞉ni tehiotkenronniáskon iáh ó꞉ni kaierónsera tèken.

1 Tiér 1:22

Nónwa ne tsi sewatewennarákwen ne oriwiʼioʼónwe níse iatesewaiáti tsi sehsewatonnakanónni ó꞉ni ne iahátkene naisewaháwake ne naioriwatokénhake tsi aietʼtsinorónkwake ne ronatiakhésons ne thoʼnetákwen, tesewatatenorónkwak tasewanikonrakontakwénhak kwáh seweriasakwékon.

1 Tiér 2:12

Tsi niseweiennóten tsi natesewátere ne iáh tehotiriwiʼióston kwáh ioteriwíson nahioianeréhake ne nónen thènen eniesariwárho tsi seweiennáksen, ónenk tsi enhatiʼiénterene tsi nishotenserí꞉io tánon káti ahonwasénnaien ne Rawenni꞉io nentenwenniseráteke nónen tèntre.

1 Tiér 4:8

Ne kwáh éneken iothohetstákwen, tasewanikonrakontakwénhak tsi tesewatatenorónkwak, tioríwa kanoronkwátsera karorótstha ne wéso kariwánerens.

2 Tiér 3:1

Tekanóron tewatenrosónhas, ónen ne kí꞉ken ne tekeníhaton ienkwaiátonse. Tetsáron kí꞉ken kahiatónseras wahkatheniénten ne kwáh onikonróskon tsi akwanikonkénsko tsi kwehiarakwenʼnis kí꞉ken nahorihoténsons.

1 Sawátis 3:18

Kwaienʼokónha, nonkwanoronkwátshera tóhsa owénna tánon tsi ionkwátare khók akénhake; kwá aóskon kanoronkwátshera akénhake, tsi eh niʼioianerenseróten.

1 Sawátis 3:3

Kwá tsi nihiákon neh thóh ní꞉ioht tsi ronwárahre ne Kerístos iontatenikónrare ne kwá aiehiatanánon, kwá kíʼ tsi ní꞉ioht ne Kerístos tsi rahiatanánon.

1 Sawátis 4:1

Tekanórons tewatenrosónhas, tóhsa tasewétak nónka íhienre iakoriwiʼióston, nók ietʼtsiʼiateniénten tóhkaʼ kén ni꞉ióʼne nón nitsawénon tsi iakoriwiʼióston. Asèken ronatiokowánen ne rohthitokentseseráksens tsík nonwéson nón nienhonenónseron.

Ruth 3:11

Tóhsa káti tesatateʼnikòn꞉raren Ruth. Akwé꞉kon tho néntiere nahò꞉ten wahseriʼwanón꞉ton aséʼken akwé꞉kon tsi niiá꞉kon nonkwaná꞉takon ronaterién꞉tare kí꞉ken són꞉kwe tehsonkweʼtaié꞉ri.