Philippians 4:6 - Ohiatonhseratokénti

⁶ Tó꞉sa thènen tesewathatenikonráren, ók oriwakwékon sewaterennahienthatsherákon tsi sewariwahnónhtons ne Rawenni꞉io tsi nahó꞉ten tesehwathonwenhtió꞉ni. Nónenh thènen iensewaterénnahien ne rahonháke, kwáh oriwí꞉io kénhak sewéneste tsi tentsisewahnonhweráhton.

Philippians 4:6 ပူးပေါင်းရင်းမြစ်များ

1 Kings 8:28

Saiá꞉ner Akení꞉io, Í꞉i ne sanhátsera íken. Satahónsatat nakaterénhnaient, tánon satʼthóntat tsi nikonhrihwanonhtónhnis nónhwa wennhniseráte.

2 Chronicles 32:20

Ethòne ne Ronnontí꞉io Hezekiah tánon ne rotokenséhakwe Isaiah né꞉ne ronikénʼen ne Amoz Rawenní꞉ioke iahaterienhnaien tánon wathasénhto rahonháke nahoiénawaseh.

Psalms 51:15

Tatiénawas nakatáti, Saiá꞉ner, tánon kwáh tenhkonhnonweráton.

Psalms 55:17

Okarasnéha tánon noronhkéne tánon nenhtieníkare nakerihwakathénhtseras tánon tsi niwakonhséhna rahonháke nón꞉we niewètha, tánon kwáh kíʼ enhakewenhnáronhke.

Psalms 55:22

Tsi natesahnikónhrare Roiá꞉ner hiatsiénhas; tánon rahónha kwáh entʼthiáne; kwáh iáh nonwénhton tahatʼtónhtate ne tionkwetaiéri iahionthatesénhni.

Psalms 62:8

Tatsisehwethakwénhak ne Rawenni꞉io tiotkonhónwe kénhak, Ó tiónkwe; iatesehwatatʼtsáhak ne rahohénton; Rawenniʼióke séh nón꞉we nitewatasehthákwah. Selah

Proverbs 15:8

Roiá꞉ner rotonhnháhere nó꞉nen tionkweʼtaié꞉ri ronaterén꞉naien, nok ráhswens ne thatíhas karihwiioseʼokón꞉ʼa ne rotirihwanéren.

Proverbs 16:3

Ehtsheʼné꞉ken Roiá꞉ner ahaiaʼtaté꞉rihste tsi nahò꞉ten wahsateʼnikonhrísa eʼthó꞉ne ensaterihwahténtiaʼse.

Song of Songs 2:14

O aktsiʼténʼa orí꞉te, tsi teionitstenróʼren, Thóh, tsi iokarónton nostenrákes. Takeríhon nakonhkonsáke, takeríhon nakonwenhnáronhke, asèken tsi natesawenhnatsikhétare, tsi nisatʼkathotsherí꞉io.

Jeremiah 32:16

Sonthahíhion ne Baruch ne kahiatónsehras ne kaninónhthon, wahkaterénnaien,

Jeremiah 33:3

“Taskenáhthon, tánon tenkonrihwahsehrákwahse; kwáh enkonriorhiánion ne ionerahkwahténions ó꞉ni ne iorihwahnerahkwahténions nètho ne kwáh iáh othènen tesehriwahientéri.

Daniel 3:16

Shadrach, Meshach, tánon Abednego waʼthonwarihwaʼserákwaʼse, “Sanontí꞉io iáh thaiakwateʼnién꞉ten ne aontaiakwataténnhe.

Daniel 6:10

Ó꞉nen káti shahotókenhse ne Daniel ne ronnontí꞉io tsi rotatshén꞉nare ne kaianerénhsera ne kiʼk shá꞉ka ionsaharáthen tsi thanonhwéhtstha nionsáre, tánon ne ionahstonhkwakáronte kwáh teiotitokénhton ne Jerusalem. Eʼtho nón꞉we, tió꞉konte tsi nihaiérhakwe, tenhatentshó꞉ten onahstonhkwákta ó꞉ni ienhaterénnaien ne Rawenniió꞉ke, né ne áhsen nienká꞉iente ne sewenhnísera.

Matthew 10:19

Nok tanon nonen enhietsiiena, tosa teseȣatatenikonrharon tsi nahoten aeseȣenron, tsi oni naeseȣaiere tsi aoseȣatati: aseken enkȣaȣennon neh nonȣe nenkahaȣi.

Matthew 13:22

Kenh kaien nohiktokon iekokerontaon, neneh, roton, rotaonsataton ne Niio Raoȣenna, neh tanon tehonikonrharanis nonȣentsiakeka, tsioni niiorihoten natsokoȣatsera, neh konȣarios noȣenna, nok iah tiieȣatonnisaas.

Matthew 6:34

Tosa kati tonseseȣennikonrharak toh naiaȣenne tsi enhiorhenne; aseken enkene nenhiorhenne tsi nateiotonȣentsiohon; seȣenniseratson se ȣahi niiokȣeniatsera.

Matthew 6:8

Tosa kati ietsinakeren: Roterientare se ne Etsiseȣaniha tsinahoten teseȣatonȣentsioni ohenton natsiseȣariȣanontonse.

Luke 10:41

Tontahenron ne Roianer: Marth, Marth, neok nise tesatateȣeiennharaton ne niatekonsonha.

Luke 12:22

Ethone ȣasakaȣenhase ne raotiokȣa: Neh ȣaonni ȣakȣarori: ne tosa taeseȣatatenikonrharen ne tsionnhekȣen, nahoten aeseȣake, oni aeseȣatseronniate.

Luke 12:29

Tosa kati saseȣatonhek: nahoten enhiakȣake? nahoten oni enhiakȣanekira? tosa teseȣanikonranetak.

Luke 18:1

Sekon, are oia tonsasakoriȣakentonkȣen, ȣasakonatonnihtakȣe tsi teiotonȣentsiohon ne tiotkon aiakoterennaientake, tosa taieȣishenheie;

Luke 18:7

Nok ne Niio, iah onteken tataontasakonnhe ne sakoiatarakȣen tiotkon onȣe iatehotihenretha raonhake, ethoneh ne sane roniskohe nahatreȣate ne rononha raotiriȣake.

1 Corinthians 7:21

Sheʼwahnaskwakén꞉en kén ne Rawenni꞉io shiáhtsisewahnháton? Kíʼ, totʼthikénhak; nók tóhkaʼ satesénnaien nahonshahsatathewenní꞉ioʼne, thoʼnatier.

1 Corinthians 7:32

Ahkenónwene níse né kwáh tóhsa thènen taisewahnikónrahrake. Né iáh teoniákon né tehathenikonrahwenrhétha ne Roiá꞉ner raoioténsera, tioríhwa tsi ratheniéntʼtha nahontaonikonraiérithe ne Roiá꞉ner.

2 Corinthians 1:11

Enseshonkwanián꞉kenʼte tiorí꞉wa tsi ne takwaienawá꞉se tsi takwaterennaiénnis. Tsi neniawén꞉ne, iakotiohkowá꞉nen tenhonwanonhwerá꞉ton ne Rawenni꞉io tiorí꞉wa iakotiohkowá꞉nen iakoterennaiéntahkwe nonkwaiaʼtanonhstahtshera ó꞉ni teioterihwaserákwen.

Ephesians 5:20

Thoʼraosénnakon ne Roiá꞉ner Ié꞉sos Kerístos, kwáh tiotʼkonʼónwe tsík nahoténsons tsi tetsisewanonwerathónsek ne Rawenni꞉io tsi rahónha ne Kaníhsera.

Ephesians 6:18

Oriwakwékon kíʼ ahterenʼnaienthatserákon tsi nátiere, Tieriwanóntons ne Rawenni꞉io nahiaʼiénawase. Kwáh tsík nahoténson tsi saterenʼnaiéntʼsenk, thóh ne kasastenserákon nonikónra. Ne kíʼ aoríwa tiókonte tsi sahrárek tánon tóhsa nonwénton sahtiakwaríshi; tiókonte shehiaterenʼnaienʼníhek ne Rawenni꞉io rahonkwetaʼsónha.

Colossians 3:15

Tsi nihtatʼkáwas ne skén꞉non ne Kerístos neh naisaié꞉nawahse tsi ahisáhawe tsi ní꞉ioht tsi tensiatoretánion; asè꞉ken ne kí꞉ken ne skén꞉non ne Rawenni꞉io tsi skát꞉ke ietsisewaná꞉ton enkat ieiotón꞉on noierón꞉ta. Tánon tesewahtenonweratónsek.

Colossians 3:17

Kwáh tsik nahorihoʼténhsons tsi naisewáhtiere tóhka ó꞉ni thé꞉nen aisewénron, é꞉tho káti, naiá꞉wenhne rahoshén꞉nakon ne Roiá꞉ner Ié꞉sos, tsi rahonhà꞉ke tensatenonwerá꞉ton ne Rawenni꞉io ne Kaʼní꞉sera.

Colossians 4:2

Teswisástek tsi saterén꞉naien, tánon senikonráh꞉rat tsi nahóten ensaterennaienthákwe, tsi nahthentienonwerá꞉ton ne Rawenni꞉io.

1 Timothy 2:1

Ne tiotierentákwen, nekáti, wák꞉re nètho kariwahnonthóntsheras, aterénnaient, tsi nathehionkwatonwentió꞉ni, ó꞉ni ne kanonwehratóntsera Rawenniʼióke ietewátat nonkwetaʼkwékon akoriwáhke;

1 Timothy 5:5

Neh ioteréʼons nahónhak khók íken, iáh ónhka tehióʼien nakonwaterihwatsʼterísthaʼse, Rawenniʼióke nónwe nakáien nahorahrátʼtsera ó꞉ni tiókonthe ioterénnaien tsi nihʼwahsontathénions tsi niwenniserésons ronekénnis ne rahoienawahsétsera.

1 Tiér 4:7

Tsi ieʼiotókʼte noriwakwékon ákta íwes. Ónenk tsi í꞉se entisewatatheniarótaroke ó꞉ni sewatateweiennentahónhak, naisewakwéni aisewaterénnaien.

1 Tiér 5:7

Rahonháke nonnáh꞉tsen tsi nahóten tesanikónrare, tioríwa tsi tehiatheriéntare.

1 Samuel 1:15

Ók ne Hannah watierihwaseráko, “Iáh, Atiá꞉ner, Í꞉i neh sewakatʼthonwísen kwáh í꞉ken tsi tewakanikón꞉rare; iáh tewatʼnekíren notsítsa khéhs ne ionekaní꞉ron, ók thóh iewatserá꞉ton nakatón꞉nhets raohén꞉ton ne Roiá꞉ner.

1 Samuel 30:6

Ne Táwit tsi teiotenonʼianíton tehothatenikónrahre; asèken nonkweókon iakotharákwen ahonwahnenhióiaʼke tsi ahonwanonwahrhiá꞉kon, tsió꞉riwa tsi onkweʼtakwé꞉kon tsi iakonakwénhen ne tsi wahakótonhse nakonekenterashón꞉ʼahs ó꞉ni ne sakotiʼiohokón꞉has tsionatthonwísens. Ók ne Táwit sahathaʼteshatsténseron thóh raonháke ne Roiá꞉ner Raoní꞉io.

1 Samuel 7:12

Eʼthóhʼne ne Samuel iahanenhiénhawe thóh wahanenhióten tsi naʼtetiátere ne Mizpah tánon ne Jeshanah, tánon ne wahanátonkwe Ebenezer, asèken wahén꞉ron, “Tiaʼkarihwaʼkén꞉niaʼte tsi ní꞉iore nón꞉wa Roiá꞉ner shéh washonwaʼié꞉nawase.”