Philippians 4:3 - Ohiatonhseratokénti

³ Tánon, neh kwá tehionkwariwaʼienawákon, kwá ne kénnis ne aietsiʼiénawhase. Nètho tionatʼthonwísens skátne ionkwahioténhen tánon ne Clement ó꞉ni neh ronatiakhésons ne wathonteriwaréniaʼte ne kariwí꞉ios. Thónon ónen nihathisénnare ne kahiatonserákon ne hionʼnehónwe.

Philippians 4:3 ပူးပေါင်းရင်းမြစ်များ

Psalms 69:28

Sehrón꞉ko ne tsi ratisénhnare ne ionnhéhonwe kahiatónhsera; tó꞉sa skát꞉ne ratisénhnarat ne thonnonhkwetaiéris.

Exodus 32:32

Asatʼthontátʼtsheke shaʼsehnikónhrens ne rahotiriwanerahák꞉tsera; ók tó꞉ka iáh, ethòne kíʼ shaʼseksenhnaráko né kahiá꞉tonhseràke tsi nónhwe nisehsenhnarónhnion ne shonkweʼtashónʼas.”

Isaiah 4:3

Nónka akénhake iaʼtheniakotátere ne Zion nón꞉we tánon thóh enieterónhtake Jerusalem kwáh kí ne enhiakotenatónhkwen iakoiatatokénti í꞉ken, ne nonhkwetaʼkwékon né꞉ne iontatʼtsénare naiakónnheke ne Jerusalem nónhwe,

Ezekiel 13:9

Ónenh kwáh thó꞉wah akwahréwahthe kíʼ sewahtó꞉kense í꞉se ne iáh tó꞉kenske tèken tsi sewahtashataráhnis tánon tsiónʼnis nahonthaharáhko ne iesehwahriwáhkens. Iáh éhtho tahisehwésheʼke nònhnen nakonkwetashón꞉ʼas enhontkenhnísa ne tahatihiató꞉rehte; ne sehwahsenhnasónhas iáh etʼthakárahke tsi rathisenhnarónhnions ne tsi rathináhkeres ne Israerʼró꞉nons; kwáh iáh nonhwénhton tsahonséhsewe ne tsi thitionhontsáien. Ethòne ensewahteriéntarahne tsi Í꞉i ne Wakenonhtí꞉io Watiá꞉ner.

Daniel 12:1

Ne raronhiaʼkehró꞉non ne rotsheronniá꞉ton ne kwáh kaniaʼtarí꞉io wahén꞉ron, “Tsi nienkáhewe ne kwáh thonwakowá꞉nen raronhiaʼkehró꞉non Wíshe, tsi niká꞉ien ne shakoʼnikón꞉rare ne sonkwè꞉ta enhatotáhsi. Thó ne ó꞉nen ienkáhewe ne taionʼnikonrhá꞉ren, iáh nonwén꞉ton eʼtho tetiawén꞉en tsi náhe tiakonakerá꞉ton ne onkwehshón꞉ʼa. Né nó꞉nen ienkáhewe, ratikwé꞉kon ne sentióhkwa tsi nihá꞉ti enhatihsénnarake ne Rawenni꞉io raohiatonhserá꞉kon enhatiʼniá꞉kenʼne.

Luke 10:20

Tosa ki sane neh aeseȣatonnharat tsi teietsiniarorarakon nonatkonson; neh tanon aeseȣatonnharaste tsi tiseȣasennare ne Karonhiake.

Romans 12:1

Éhʼtho káti, tewatenrosónhas, neh tsi nikowánen ne Rawenni꞉io shonkwenténras, kwahnekénnis; kwáh ieʼiokontakwénhak tsi tátʼtsion ne Rawenni꞉io tsi tiónʼnhe ók ó꞉ni nehʼne aihsewárioʼte tsi nikaríwes tionnhétie, kwáh sewariwahtokénhak tsi nòkwa ne rahohioténsera ó꞉ni thaʼtsisewanikonraʼiérit, thókiʼ nikarihóten ne kwáh ahonwasénnaien ne Rawenni꞉io.

Romans 16:12

Tekenonwerátons ne Tryphaena ó꞉ni ne Tryphosa, Roiá꞉ner ronwahiótense, tánon ne ahkateroseranóron Persis, tsi niʼiawetowánen rohiótense ne Roiá꞉ner.

Romans 16:9

Teihnonwerátons nònʼne ne Urbanus, skát꞉ne ionkeníʼiote ne Kerístos rahoʼioténsera, ó꞉ni nakateroseranóron Stachys.

Philippians 1:12

Thekanóron onkwathorohsónha, Thewakatonwentióni naisewateriéntarane ne tsi nontiáthawen sénha wakahiáneraste tsi tahonthiriwaréhni ne kariwí꞉ios.

Philippians 1:16

Ronwanorónkwa ne Kerístos tánon rohnatheriéntare ne aoríhwa kén íkes ne neh ahontákene ne kariwí꞉ios tánon ne rahónha.

Philippians 1:27

Neh kwá éhnehken iohthohétsthákwen, ónenk tsi ehthoní꞉ioht tsi ensónʼnheke naiotʼtkweʼnienstónhake ne kariwí꞉ios tsi nòkwa ne Kerístos. Ethòne iahonsakwanatarénase khés ne iáh, Thóh kiʼní꞉ioht tsi enkáronke tsi akwékon neh shesewanikónra íken. Ethoʼní꞉ioht tsi enwakateriéntarake tsi skátne sewaióhte tánon kwá íken tsi tesewaʼniotátie nakorénson nahontahonnéthaʼkwe ne kariwí꞉ios.

Philippians 1:5

Ne karihón꞉nis tsi takwaié꞉nawaʼse tsi teionkwateriwareniatonháties ne karihwí꞉ios ne kwáh sontontenniseratiérente wesewáronke.

Philippians 1:7

Sá꞉ien ne ionakʼtató꞉ken nakwerhiá꞉ne. Kwáh káti saohiérat tsi eh ní꞉ioht tsi katʼtókas. Kwáh káti sewakwé꞉kon sewastsnié꞉non tsi nikaiohtenseróten ne Rawenni꞉io thakáwi, tsi ní꞉iott tsi enkaterí꞉ioseh ne karihwí꞉ios tsi ne entʼthárakwe kén nónwe kíʼ ionthatenotónkwa.

Philippians 4:2

Euodia tánon ne Syntyche, í꞉se ne Roiá꞉ner rahonkwéta, neh káti kenihnekénʼni ne aitsátʼkawe tsi teseniriwhathíronte.

Colossians 1:7

Né꞉ne Epaphras etʼtsisewahrihotasién꞉ni ne Rawenni꞉io rahoténrat, onkwatenó꞉ron skát꞉ke ionkwahiò꞉the, né꞉ne kwáh rohriwahtó꞉ken tsi Kerístos rohiòtense nonkwariwáke.

Revelation 13:8

tánon onkweʼtakwé꞉kon nonhontsake ienákere kwáh eniesénhnaien, onkweʼtakwé꞉kon tsi niiá꞉kon ne iáh teiesenhná꞉re nohén꞉ton sontónhni tsi ionwenhtsá꞉te thóh raoiatonhserá꞉kon ne iónhne ne teiotinaʼkarontónha owí꞉ra né꞉tho ronwanonwarià꞉kon ne tsi tsiotonhontsatáhsawe.

Revelation 17:8

Ne katsinoniowá꞉nen ne wátsken né꞉ne rónhnekwe, iáh kíʼ ó꞉nen tesrón꞉nhe, tánon ó꞉nen thó꞉wa ahontaharákten tsi nón꞉we ne iáh tetkanón꞉kware iosonwakáronhte tánon thóh nón꞉we nienhénre nahahiatá꞉ton. Ó꞉ni ne ratinákeres ne tsi ionwenhtsá꞉te, né꞉ne ronón꞉ha ne iáh tehatisénhnare ne kaiatonhserá꞉kon ne iónhne ne sonnitskwáren ne tsi ionwenhsá꞉te, kwáh enhotiriwanerá꞉ko nó꞉nen enhón꞉waken ne katsinoniowá꞉nen, tiorì꞉wa tsi nirónhnhekwe tánon iáh ó꞉nen tesrónnhe tánon kíʼ shé꞉kon ensewathó꞉tasi.

Revelation 20:12

Tánon waʼkhé꞉ken ne ronenhé꞉ion, ratisennhowá꞉nens tánon ken nihatisénhnasas, ronhné꞉te ohénton tsi wanitskwaratseró꞉te, tánon ne kahiatonseraó꞉kons ontenhotonkonháton. Shé꞉kon ó꞉ni ó꞉ia kahiatónsera ontenhotónko, né꞉ne kahiatónhsera ne iónhnhe. Tánon ne ronenhé꞉ion wathonwatiiatórehte ne tahioianenhá꞉we tsi nihotiiotenhseró꞉tens, ne tsi nikaiá꞉ton ne kahiatonhserá꞉kons.

Revelation 20:15

tánon ón꞉ka nakoshén꞉na iáh tekaktsénhrion nakahiátonke ne kahiatonserá꞉kon ne iónhnhe thóh iahonwatiiatónhti tsi kanià꞉taro nótsire.

Revelation 21:27

Ók iáh thaʼhó꞉tens ne iáh teiót꞉kweniens kwáh iáh tsiá꞉hontaweiate, khehs nón꞉ka ne ne iakó꞉hiote nhó꞉nowen, ók nek khók tsi niiá꞉kon ne iesenná꞉re ne teiotinakaronhtón꞉ha raoiá꞉tonhserake ne ionnhe.

Revelation 3:5

Tó꞉ka enshateshén꞉ni, ní꞉se kwáh thóh ní꞉iot tsi ensatierónhnike tsi ní꞉iot ne ronónha né꞉ne wakó꞉ses í꞉ken, tánon ní꞉i kwáh iáh thaonsakonhsenhnará꞉ko ne kaiatonhserá꞉kon ne iónhne; tánon ní꞉i kwáh enkeriwaní꞉rate ne sashén꞉na raohén꞉ton ne Rakeʼní꞉ha ó꞉ni raotihén꞉ton ne raoronhiakerononó꞉kons.