Philippians 4:19 - Ohiatonhseratokénti

¹⁹ Nakatherénnaient neh Rawenni꞉io ahontháhion akwékon tsi natesathonwentió꞉ni neh akenikwékon ne kahiatanerakwátshera ne Kerístos Ié꞉sos tatʼkáwas.

Philippians 4:19 ပူးပေါင်းရင်းမြစ်များ

Psalms 84:11

Hen, ne Rawenni꞉io, né꞉ne Roiá꞉ner, rahónha ne karáhkwa í꞉ken, teshonkwáhwis ne kaswatʼthétshera tánon natónnhets. Rahónha teshonkwatiatáton, rahónha teshonkwáhnes. Teshonkwáhwis ne kanoronkwáhtshera tánon kakwenienstatserákon tsi shonkwaiénas, né꞉ne tsi niʼiákon ne iáh othènon teiakoníkon tsi iakónnhe né tesakówis ne kowánen í꞉ken ne ioiánere kaiataterítshera.

1 Tiér 5:10

Nók nónen kén nikariwésʼsha wesewaronhiáken, Rawenni꞉io ne akwékon niesakoténre, shieʼianátons nasatiátaren ne rahówenk kaiatanerakwátsera tsi nénwe ne tsi tehonateriwasóntere ne Kerístos, kwáh rahonhatsíwa enshiakwatákwase tánon éntʼhion ne kariwanirátsʼtsera, kasasténsera, tánon kwáh ioníron tsi tkenstskwáhere.

1 Timothy 6:17

Sherórih kí꞉ken nahorihoténsons tsi niháti ne rotikwátses ne kén꞉en ionwentsiáte tó꞉sa rotatonníhak, tó꞉sa ne rathiniahesénhak nahóten ne iáh tehioriwatóken tsi ní꞉ioht ne aktiokowátseras, ók Rawenní꞉ioke nónwe nihatiniahesénhak, kwáh rahotsennonniatserákon tesonkwáwis tsi nahoténsons tahionkwatonwentió꞉nike naitewatʼtsennonniátaʼkwe.

Micah 7:7

Ók kíʼ ní꞉i, kwáh kíʼ iatenhikanérake ne Roiá꞉ner, kwáh kíʼ enhihiateráhrate ne Roiá꞉ner, rahónha natiatakená꞉tshera í꞉ken; náhke Ní꞉io enhakaʼthón꞉tehne.

Malachi 3:10

Tasewáhahf niakahwistaié꞉rike kanónhskon nononhsatokenhtiʼkowáhne, ne ká꞉ti nakakhwaièn꞉take nakenónhskon, tánon kwáh kiʼ takatenniéhten, rá꞉ton ne Sakoiá꞉ner ne ronterí꞉ios ratironhiaʼkehró꞉nonʼs; satkáhtho tókaʼ kenh iáh thakenenhstonkwahnhotonkwenhá꞉ton ne karonhiá꞉ke ní꞉se sewarihwá꞉ke tánon naontakoniawerón꞉hahse aontawenhrátsheke ne kaiaʼtateríhtshera.

Nehemiah 9:15

Tánon ní꞉se washé꞉nataranonte aseʼken rontón꞉karhiakskwe tánon tasnekinekénhkwe nostenhráke ne raotirihwà꞉ke asè꞉ken rotiniatatʼténskwe. Tánon ní꞉se washeién꞉hase thóh niehónhne tánon rontsenáwast ne ohón꞉tsa né꞉tho sarihwaní꞉raton nenhshé꞉ion.

2 Samuel 22:7

Thóh tsi natewakanikónrahre iahináton ne Roiá꞉ner; raonhá꞉ke nakeʼNí꞉io iahiná꞉ton. Thóh raononsatokentiʼkowáhne wahakewénhnaronhke, tánon tsi tekaʼséntʼthos iahothóntene.

Psalms 36:8

Né rónhneks tsi niʼiawetowáhne ká꞉khwa tesakʼkáwas ne Sanonsatokentikó꞉wane, tánon ne senekanóntens tsi kaniataratátsie ne serientiʼiósta.

Colossians 1:27

Tsi nihotenikonrónni ne Rawenni꞉io né꞉ne asakoronkáten ne rahonkweʼtashónha tsi nihoriwahshéton, kí꞉ken kakwákston ó꞉ni ioriwahnerákwak kariwahshéton neh nonkweʼtakwé꞉kon akoriwáke. Tánon ne kariwahshéton né꞉tho Kerístos tsi senikwé꞉kon, ne kéntons tsi ensatiatáren thóh rahohiatanerakwatserá꞉kon ne Ní꞉io.

Ephesians 3:16

Rawenniʼióke nón niwakaterénʼnaien neh tsioríhwa tsi nitʼkowánen ne rahohiataterítsera ne karonhiáke nahontatsítion ó꞉ni sewatʼtháwa ne kasatsʼténsera Asèken rahónha ne Rawenni꞉io theʼtsisewáwis ne kasatsʼténsera ne sewahnikonrakéʼsons.

Colossians 3:16

Ne Kerístos raoteriwanotátshera neh tsi nihió꞉kwats kwáh ioteriwí꞉son ne sewerianéson nón꞉we nakenteróntake; tánon tesewahtaterihónnien tsi natesewáhtere orihwakwé꞉kon isewatst ne kanikonrowanahtshera. Tesewahriwakwánion, ne teieriwahkwataokónhas, ó꞉ni ne orennatihokónhas; thetsisewahriwákwas ne Ní꞉io neh kanonweratontsherá꞉kon ne sehwarianésons.

Romans 8:18

Watʼtiatórete tsi niʼionkwaronhiakénʼen tsi nióre nónwah iáh tahónton nehʼne tahontahionteniéntenste neh kahiatanerakwátsera nen ionkhirihotáshase

Ephesians 1:7

Neh꞉ne rahonekwénsa ne Kerístos tsi nihoronhiakénton tsi rahwenhéion ne Kerístos tionkwatatewenʼnihióʼon, ne ken ton skanikonrénhen nonkwariwaneraháktsera. Tsi nikowánen ne Rawenni꞉io rahoténrat,

2 Corinthians 4:17

Kí꞉ken niiorihwá꞉sas kwáh ionkwaweiennén꞉taʼs ne ionhnheʼón꞉we kaiaʼtaterihtshera knaʼ nenʼne akwé꞉kon nonkwaronhiakénhshera iáh thé꞉nen thaʼtaonsakaierontá꞉rake ne raoiaʼtateríhtshera.

Romans 9:23

Tánon ó꞉ni reraʼkwe narotási tsi niʼiókwas ne rahohiatanerakwátsera, ostónha thesonkwáwi kíʼ kahiatanerakwátsera tsi nísonkwe nesténʼni ne kenténrat.

Ephesians 3:8

Í꞉i tshiahonhá꞉a kén nitká꞉a tsi niháti ne Rawenni꞉io rahonkwetaʼsónha; tánon kíʼ Rawenni꞉io takáwi kí꞉ken kakweniensthátsera nehne hiakehawítase neh iáh tehathisitaerónons ne kariwí꞉ios tsi niwatʼrhoriátha iáh tsehiótokʼte ne Kerístos rahohiathanerakwátsera,

Psalms 130:7

Ó Israel, sará꞉rek rahonháke ne Roiá꞉ner! Asèken ne Roiá꞉ner ró꞉ien ne iorihwatóken kanoronhkwáhtshera, tánon ne rahónha róien ne kashaststenhserowánen nahonshasakoniákenʼte.

Psalms 104:24

Ó Saiá꞉ner, tsi niʼiaweʼtowánen sahiothénhen! Satʼthokhaʼtsherákon nón꞉we nitsawénon tsi nahothénson akwékon shasahánionʼ ne tsi ionhontsáte titʼthatíhere né ronhnonnhénion sehiaʼtíson.

Ephesians 1:18

Kwahnekènʼnis sewanonthonkwenháton ne sewanikonrakésons nahisewatkátho ne rahoswatʼthétsera, nahisewateriéntaraʼne nahóten nen꞉ne neh tewetákwen tsi ietsisewanáton, thóh nihiókwas ne kahiatanerakwátsera kahiataterítseras sakorahrasténʼnis ne rahonkwetaʼsónha,

Ephesians 2:7

Neh aoríwa thonihoiéren ne Rawení꞉io ne naréneste kwáh tiókonte ohiatʼtíʼio tsi nikowánen ne rahoténrat, kanoronkwatserákon nónwe nihsonkwenestʼtén꞉ni rahonháke ne Kerístos Ié꞉sos.

Romans 2:4

Kátonkén skenrón꞉ni tsi niʼiókwas neh rahononronkwátsera, ronikonrí꞉io, ronikonkátsʼte. Oriwiʼiohónwe sateriéntare ne Rawenni꞉io tsi nitoriwaiéri Asèken rahtheniéntʼtha nahonsaiasárine nahonsahsatatréwate.

2 Chronicles 18:13

Ók kíʼ ne Micaiah watharihwaseráko, “Tsi nirónhnhe ne Roiá꞉ner né kíʼ enkíron tsi kíʼ nenhatróri nahkeʼNí꞉io né kíʼ enkíron!”

Genesis 48:15

Wahoiaʼtaté꞉rihste ne Só꞉se, tánon wahén꞉ron, “Ne Rawenni꞉io ráonha ne tió꞉konte raotihén꞉ton í꞉re ne ne khehsothokonʼkénhen ne ne Abraham tánon ne Isaac, Ne Rawenni꞉io ráonha tió꞉konte sihakeʼnikonhrarátieʼs kwáh tsi nikarí꞉wes shikónhnhe tánon shé꞉kon nón꞉wa wenhniserá꞉te,

Daniel 6:22

Ne Rawenni꞉io né rihsénnaiens, tahotó꞉ri né raronhiaʼkehró꞉non né ahshakóhskweke né kèn꞉reks né ne tóhsa akatkaréwahte. Né aorì꞉wa eʼtho nahá꞉iere né tsi roterién꞉tare tsi iáh tewakennhìkon tánon ó꞉ni iáh thé꞉nen tekonʼnikonrhaʼtén꞉ni, Sanóntí꞉io.”

Romans 11:33

Tsi nikowánen ne Rawenni꞉io rahotsiokowátseras! Tsi natehionhótes ne rahonikonraienthátsera ó꞉ni neh rahothokhátsera! Ónhka ahiekwéni naienikonraiénthaʼte tsi natehohiatoretánions? Ónhka ahiekwéni naiakonikonraiéntaʼne ne rahoweiénʼnas?

1 Tiér 5:1

Í꞉i ne katretiárons, kheretiárons ne ononsatokentíke ratiretiárons ne skátke sewakwékon. Kwáh Í꞉i wakatkáton tsi nihoronhiakén꞉en ne Kerístos, tánon enkatsʼniénon ne thóh kaiatanerakwátsera nenkarihotáshionke. Í꞉se kwaretiárons

1 Thessalonians 2:12

Wahʼkwáhʼnikonráhreke, wahkwáhʼnikonrahnirate, tánon iahakwahkóntakwe wakwahʼretsiáron thóh ní꞉ioht tsi tsiónnhek tsi nitanón꞉wes ne Rawenni꞉io, tsi nikáien ne iehianátons nashatiátaren ne Raonakerahserákon ó꞉ni ne raohiatanerahkwatsherákon.

Romans 1:8

Tiotierentákwen, Tehinonwenráthons Nakení꞉io rahonháke ne Ié꞉sos Kerístos neh kwáh sewakwékon, Asèken ohontsiakwékon iakoronkenhátie tsi nithiʼsewehthákwen.

John 20:27

Ethone iahaȣenhase nʼAtonȣa; kenh iasanisnonsoten, nok skahenhion ne kesnonke; iatsiena oni ne kenahatake; nok tosa sasatennoȣentastskonhak, sariȣatokenhak tanon.

John 20:17

Tontahenron ne Iesos tosa kenh niiatatier: aseken areko Rakenineha tiieseȣakenon; ȣas tanon seroriana nʼiakȣatatekenha: Rakenineha sake, nok etsiseȣanineha oni nise; Ake-Niione, Etsiseȣa-Niione oni nise.

Philemon 1:4

Tiatahtéken Philemon, kwáh tsi niiorihwá꞉ke enkaterén꞉naien, enkonʼnáhton ó꞉ni tenhinonwerá꞉ton ne á꞉keʼNí꞉io.

2 Corinthians 12:21

Wákterons ne Rawenni꞉io enhakwatehén꞉seron nó꞉nen shé꞉kon ienskwanatahré꞉nahse. Tentewakkahserá꞉rake ne tsi sewatiohkowá꞉nen shé꞉kon iáh tesewahtsakwaríhsions ne sewarihwaneraʼáktshera. Shé꞉kon né꞉ʼe sewaterihwahtentiatonháties tsi nahoʼténhshon ne kentéhsera, iáh teiotkwénies, atehénhsera.

Nehemiah 5:19

Taʼkweʼhiárat tánon tatiatatérist, akeʼNí꞉io, asè꞉ken akwé꞉kon ne ioiánere tsi nikhehiatiérase kí꞉ken onkweshón꞉a.

Matthew 6:32

Ethoʼkʼ sek nehne niiot tsi ronnesaks ne iah tehotiianere: roterientarese ne Karonhiake Tetsiseȣaniha tsi eh niiot tsi teseȣatonȣentsioni.

Philippians 4:7

Ténon tsi nithewehtha ne skénnon ne Rawenniʼióke, né iothohetsʼthénhnis akwékon ne kanikonhraienthá꞉tsheras, né enkanónhstate ne sewéris ó꞉ni ne sehwanikónhras rahonháke ne Ié꞉sos Kerístos.

2 Chronicles 31:8

Nó꞉nenh ne Ronnontí꞉io Hezekiah tánon ne rahonkwetashón꞉as wahontkátho tsi niʼwé꞉so tahonwénhnon, waʼthonwanonhweráton ne Roiá꞉ner tánon waʼthonwatinonhweráton né rahonkweʼtaʼshón꞉as Nisraeʼró꞉nonke.