Philippians 3:9 - Ohiatonhseratokénti

⁹ ó꞉ni nahonkateriéntarake tsiʼiakenikwékon. Kwá iáh tahónton nakathatónʼnien ne Rawenni꞉io nahatiéna ne neh áksere ne Mahís rahohianerénsera. Kwá nek khók aʼoríwa ne Rawenni꞉io wahatiéna ne tsi thiʼiethákwen ne Kerístos.

Philippians 3:9 ပူးပေါင်းရင်းမြစ်များ

Genesis 7:23

Ne Roiá꞉ner kwáh akwé꞉kon niaʼshakóhtonhte tsi nahó꞉ten ne iónhnhehkwe ne tsi nonhwentsá꞉ke onkweʼshón꞉ʼas, tánon ne kontitshé꞉nenʼs, tánon ne konté꞉sereʼs tánon notsiʼtenʼokón꞉ʼa ne tsi iówerare; kwáh wahonwanáhtonʼte ne tsi ionwenhtsá꞉te. Nek khók iatehshonatatén꞉ron tsi nihá꞉ti ne Noah ratikwekónhne ne kahón꞉wakon.

1 Kings 8:46

“Nó꞉nen ne shonkwetaʼshónhas enhatirihwánerake tsi nòkwah níse—tánon iáh ónhka nènhʼne ne iáh tahieriwanerahát꞉ke—tánon thóh ne sanakwahtserákon wasehríhon ne tehontátʼtions nahonwatisénhni tánon ne iahonwatihiathénhaʼwe nahonwatinó꞉ton né kakʼnónhwe ákte nónhwe tionhontsáien, iewerohátien ne thóh ionhontsáien tsi ahinonʼnióre ít꞉ken,

2 Chronicles 32:25

Ók ne Hezekiah shó꞉tsi rathatónhni narehnéste ne kanonhwerahtónhtsera tsi né nihotseráse ne Roiá꞉ner, tánon ne Judah ó꞉ni ne Jerusalem né wakenironhiákente.

2 Chronicles 32:31

iehió꞉he nó꞉nenh ne Babyloniaró꞉nons shaʼkothátsiaʼse éntʼre naharihwísake tsi oiakʼthíhiot ne tsi ionhontsáien, né Rawenni꞉io wahoríhʼon ne Hezekiah thóh niʼháier tsi nihré꞉reh nék nahót꞉kenhse tsi nihaweienhnóten.

Psalms 14:3

Kwáh ratikwékon ronwatsiathatiskwáhton ne Rawenni꞉io, skát꞉ne tsi wahononkwetahétkenhne. Iáh ónhka ne tehionterihwaʼthentsátha ne tkarihwaiéri, iáh ne tionkwéta.

Psalms 143:2

Tó꞉sa tseríhwent ne sanhátsera, asèken iáh ónhka ne iakónnhe teiakoiánere ne sahénton.

Psalms 19:12

Ók ónka naieriwattsénhri ne raonaterientawenhriétsera? Sastiatorahrísi tsi nòkwah ne kariwaséhton ahiakonhíkon.

Ecclesiastes 7:20

Kwáh iáh ónhka nonhwenhtsáke ienáhkere ne tiókonhte iohiá꞉nere tsi nahiakotiéren tánon iáh nonhwénhton tatehionterientawénhries.

Isaiah 46:13

Taká꞉we ákta wá꞉tsien nakatesenhniéntshera, iáh ahí꞉non nió꞉re téthewes, tánon naká꞉wenk kahiatakenátshera iáh thaʼionísko; Kwáh thóh éntsien ne kaiatakenátshera ne Zion nón꞉we, asèken ne Israel né naʼtsatanerakwáhtshera í꞉ken.

Isaiah 53:11

Thóh kí rahoronhiakenserákon kwáh enhatʼkátho ne kaswaʼthétsera; enhatsénhri nawerientiʼiótshera thóh raotohkhatserákon, ne énska ne roiánere, nakenhá꞉tshera, iakotsiokówanen ensakahónhnien naʼhiakorihwakwahrihshiónhaʼke, tánon rahónha enhatkéthaʼte ne raoʼtirihwaneraháktsheras.

Isaiah 53:6

Tewaʼkwékon thóh nitewahiató꞉tens tsi ní꞉ioht ne teiotinakaronhtónhas ne kénk tsehionénon; tewaʼkwékon thóh nihionkwahierenhátie tsi nitionkwahnikonró꞉ten, tánon ne Roiá꞉ner rahónha wahoterihwahkerónhaʼse ne karihwanerahát꞉tshera ne tewakwékon onkwahrihwàke.

Isaiah 6:5

Tánon waʼkí꞉ron, “Enskatateriwásthen! Wakatsiathatónhon, asèken Í꞉i ne kónkwe ne iáh tehiotkwéniens ne kerihtsakes, tánon ne skát꞉ne iakwahnákere ne iáh tehiotʼkwéniens ne ratiritsákes; eʼthóhʼsàne ne kharàke ró꞉ken ne Ronnontí꞉io í꞉ken, né꞉ne Sakoiá꞉ner ne ronterí꞉ios ratironhiakeró꞉nons!”

Jeremiah 23:6

Ne nónen enhonontí꞉ioʼke, nonhkweshón꞉a ne Judah kwáh enshontatewenhní꞉ioʼke, tánon nonhkweshón꞉a ne Israerʼró꞉nons skénnon tsi enshonnónhnheke. Ne enhonwanahtónkwahke ‘Ne Roiá꞉ner nonhkwahiathaʼkenhátshera.’

Jeremiah 33:16

Nonhkweshón꞉a ne Judah nónhwe ó꞉ni ne Jerusalem kwáh enshatiʼniákenʼne tánon kwáh skénnenh tsi enshathináhkerehke. Ne kanahthowáhnenh ne enkonhwahnahtónkwahke ne ‘Roiá꞉ner Onkwahiathaʼkeʼnhátshera.’

Daniel 9:24

“Tsá꞉ta niiorì꞉wake ne tsá꞉ta niwáhsen niiohserá꞉ke nikarí꞉wes ne Rawenni꞉io roteʼnienténhston ensehshakohnerénhsi ne sonkweʼtaʼshón꞉ʼa tánon ne sanatatokénhti tsi nihotirihwané꞉ren tánon tsi nihonnonkweʼtahétken. Enskaʼnikonrhén꞉en ne karihwané꞉ren tánon enskakwatákwen ne karihwakwarihshóntshera tsi nén꞉we, eʼtho naontá꞉we ne atetshénhsera tánon ne iekarí꞉waken né naiá꞉wenʼne, ó꞉ni ne ononhsatokenhtiʼkó꞉wa enskarihwatokénhston.

Matthew 9:13

Ȣasene tanisa, oni ietsirori tsinahoten kenton ne kenh nikaȣennoten: atanitenron ikere, iah natateȣenniiotsera. Aseken iah neh tokheroriane ne tionkȣetaieri aonsaiontatreȣate, neh tanon ne iakoriȣaneraakskon.

Romans 1:17

Asèken thóh í꞉wa ne raoriwakwahrishióntshera ne Rawenni꞉io tsi iawehnéston iatehiahotʼkáwen ne tewetáhkwen ne tewetáhkwen; tsi nikahiatónkwen, “Ne tionkweʼtaié꞉ri thóh ne nón꞉we nironhnonhnhétse tsi nithanetákwen.”

Romans 10:10

Neh tsi tionkwetákwen ne tionkwariwiʼiosténʼnis tsi natethewátereh ne Rawenni꞉io; ne tsi nitewariwahnírats neh tionkwaniakéntha.

Romans 16:7

Tekenonwerátons nònʼne ne Andronicus ó꞉ni ne Junia, Sitaeró꞉non nateniʼiatóten tsi ní꞉i ní꞉ioht skát꞉ne iakwanhótonkwe; kwáh íken tsi ronwatiʼientéris ne ronteriwanhótʼtha, rohnónha rothihénton rotiriwiʼiostáʼon tsi ní꞉i ní꞉ioht.

Romans 5:21

Kwáh káti, tsi ní꞉ioht ne kariwáneren wakaiatakwenihió꞉ne ne kenhéion, thóh káti nòn꞉ne ní꞉ioht ne Rawenni꞉io rahoténrat tsi kaiatakwení꞉io neh kariwakwarishóntsera, thóh niehionkwahiaténhas tsi nónwe ne ionnheónhwe natónnhets rahonháke ne Ié꞉sos Kerístos sonkwaiáner.

Romans 8:1

Iáh ónen thènen teskarewathatseráien tsi niʼiákon neh thóhʼnon niʼiakonʼnhétie skát꞉ne íken ne Kerístos Ié꞉sos.

Romans 8:3

Tsi nahóten ne kaianerénsera iáh tehiotónʼon tsi naioiéren, neh iorihónʼni sóhtsi iotsihióhakwe tsi niʼiakonnhóten nónkwe, tsi naháiere ne Rawenni꞉io, waharéwate ne kariwáneren neh꞉ne tsi niwátstha tsi nihiakonnhótens ne ónhkwe tsi tahothéniete nénskat khók roiénha, neh꞉ne ahariwáthonʼne ne kariwáneren.

1 Corinthians 1:30

Nók Rawenni꞉io tahiaiaténhawe ne taitiateriwahshónteren ne Kerístos Ié꞉sos, tánon Rawenni꞉io wahahónnien ne Kerístos rahónha nonkwahnikonrowahnhátshera akénhake. Rahónha shaʼshonkwarihwahserónnien tsi natetewáhtere ne Rawenni꞉io; Rawenni꞉io rahonkwetatókenti weteʼwáhton ó꞉ni setewahtatewenhní꞉ioʼne.

2 Corinthians 5:17

Ónhka ne Kerístos raonkwé꞉ta í꞉ken kwáh á꞉se shotón꞉ʼon. Nahò꞉ten ne iotohétston akwé꞉kon kaʼnikónhrenʼen, orihwakwé꞉kon á꞉se tsón꞉ni.

2 Corinthians 5:21

Kerístos iáh nowén꞉ton tehorihwanéren! Nok ne Rawenni꞉io eh nontahó꞉tate tsi shí꞉ken ní꞉ioht ne ahorihwanéren, eh naontá꞉we ne Kerístos ahshonkwariʼwawá꞉se ne Rawenni꞉io ahshonkwaié꞉na.

Galatians 2:16

Kati ionkwateriéntare nètho nónkwe kwahse entiakoianeraste tsi nòkwah ne Rawenniioke nek khók enkakwéni niataiotkawe tsi thonwetákwen ne Ié꞉sos Kerístos, iáh nonhwénhton ne tho nakaiehiere naoten ne kaianerenhsera kariwanonhtons. Í꞉i, ó꞉ni, tetsitewetákwen ne Kerístos Ié꞉sos neh nahónton aonsaonkwateriwakwaʼtákwase tsi naʼtethewátere ne Rawenni꞉io iataiotkawe nonkwetakwenhtsera rahonhà꞉ke ne Keristos, tanon tosa tho nakaieren tsi naoten ne kaianerensera kariwanonhtons. Asèken iáh onka tetiakoianerastenhnis tsi nòkwah ne Rawenniio neh thoʼnaiehiere tsi naoten ne kaianerensera kariwanonhtons.

Deuteronomy 27:26

“‘Rawenni꞉io shakorewátha nónhka ne iáh orihwakwé꞉kon tehiontewenhnaráhkwa ne Rawenni꞉io raoianerénhseras ó꞉ni ne rahorihonhnienʼní꞉tsheras.’ “Tánon onkweʼtakwé꞉kon teieriwaʼserá꞉ko, ‘É꞉tho niʼiá:wen!’

Philippians 3:6

Tánon kwá éhtho tsiniwakathátre kwá iehióhe wathekenikónraʼne ne tsiʼionterennaienthákwa. Oriwakwékon ehnátiere tsi nihiótsate ne kahianerénsera ne ahonthahonwanikonraiérite ne Rawenni꞉io.

2 Timothy 1:9

Rawenni꞉io shesonkwahiatakwen tánon tesonkwanathon ne rahónha rahonkwetaʼsónha aʼetewáhthon, iáh neh tehiorihónniat onhʼnahionkwatiéren, onk ne ahoríwah tsi nihotenikonrónʼni ó꞉ni ne rahoténrat. Kwáh raʼonháke ne Kerístos Ié꞉sos tsi tesonkwáhwi kí꞉ken kenténrat né꞉ne oʼhénton shontonthonhontsaʼtásawen.

Titus 3:5

shashonkwaniákenthe. Iáh ne tehioríwahke ne thènen ne kahiotenserí꞉io ahionkwahiotén꞉en, nók ne aoríwahke, raonháke ne Ronikonrahtokénti, tsi raónha teshonkwáwis náse ahonsetewahnákerate ó꞉ni nonkwahtónnhets enshanóhare.

Hebrews 6:18

Né kí꞉ken ne tehiorihwáhke, káti, ne iáh tahónton tahonsakathénionke tánon ó꞉ni tsi iáh tahakwéni nahanówenhthe ne Rawenni꞉io. Káti tsi nítsion ne ionkwatʼtshénrion ne rahonháke nónwe naitewahtekwáhsen kowáhnen tsi ionkwahnikonrahníron ioníron tsi ahionkwahtienahwastónhake tsi ne ionkwáhrahre nonkwahénton ká꞉ien.

Ne꞉ne Sák Rohiaton 3:2

Kwá tewakwékon iotkáte tentewaterientawénrie. Nók tóh꞉ka ne ónkak iáh nonwénton tatehoterientawénrie tsi nahóten ahawénke, kwá kíʼ tronkwetaiéri ó꞉ni kwá rokwénion nahontahaniarótarohke ne rahiatakwékon.

2 Tiér 1:1

Simon Tiér nón kíʼ nitiothawiton, rohiótense ó꞉ni roteriwanotáni ne Ié꞉sos Kerístos— Tsi niháti ne thonʼwanáwi né teskaieróntare ne iorihowánen tewetákwen sateionkwahrihwáhke ne tsi nitóhrihwaiéri ne Rawenni꞉io tánon ne Sonkwaiatákwas Ié꞉sos Kerístos.

1 Sawátis 3:4

Ónhkaki ók enieriwánerake iakonhitseráien tsi watieiáke ne Rawenni꞉io rahoianerénsera, Asèken ne kariwáneren ne tekáias ne kaianerénsera.