Philippians 3:3 - Ohiatonhseratokénti

³ Nók í꞉i nonkwatsiáke neh ne kwá oriwiʼiohónwe tsi ionkiwharakwétaron, tsioʼríwa tsi ne thewasenʼnaientákwa thóh raosatsténsera ne Rawenni꞉io Rahonikónra tánon tsitewakweniénstha ne Kerístos Ié꞉sos. Iáh ne theionkwatharakwenháties ónh naionkwatséren.

Philippians 3:3 ပူးပေါင်းရင်းမြစ်များ

Psalms 105:3

Ionkwatʼtsenhnonhníhak tsi raónha ní꞉i rahonkwé꞉tas í꞉ken; kwáh tsi niʼiákon ne tenhonwanonweráhton iakotonnárak.

Isaiah 45:25

Rahonhàke né Roiá꞉ner nón꞉we ratiʼkwé꞉kon ne sakoiohokónhas ne Jacob kwáh kí enhontkwéni tánon enhontonnháren.

Jeremiah 4:4

Sehwahtienawasthónhak ne sehwateriwahsehronniátsheras nakonháke, seh Watiá꞉ner, tánon sehwathaterihwahthokentísten nakonháke, íseh ne tiónkwe ne Judah ó꞉ni ne Jerusalem. Tó꞉ka iáh tothaisehwáhiere, nakenahkwátshera enhióteke tsi ní꞉ioht nótsire tioríwa tsi nikariwahétken tsi nisehwatiéren. Kwáh enhióteke, tánon iáh ónhka tahontetʼsénhri nahionskwáthe.”

Malachi 1:11

Aseʼkénh kwáh tsi nentkarahkwínekenʼne tsi nienhskaráhkwenʼne tsi tshennowá꞉nen ne tsi ienakerénion ne ronnonhontsaʼkehró꞉nonʼs, tánon kwáh tsik nonwé꞉sonʼs tsi enieienʼkwarotónnion nakhsèn꞉nakon, aseʼkènh nakhsèn꞉na tsi kahsennowá꞉nen í꞉ken ne tsi ratinakerénionʼs ne ronnonhontsaʼkehró꞉nonʼs, Rá꞉ton ne Sakoiá꞉ner ne ratironhiaʼkehró꞉nonʼs.

Romans 1:9

Rawenni꞉io seh rakeriwanirátis tsi nahóten káthons tsi oriwíhiose—rahónha ne Rawenni꞉io tsi nikáien rihiótense neh kwáh akeriasakwékon tsi ní꞉ioht tsi kateriwanhótha ne karihwí꞉ios tsi nòkwati neh Roiénha. Rawenni꞉io rotheriéntare tsi kweʼiáre.

Romans 15:17

Tsi teiakeníkʼken ne Kerístos Ié꞉sos, nekíʼ, enkʼkwé꞉ni nakenaiéhake tsi rihiótense ne Rawenni꞉io.

Romans 7:6

Nónwa, tsi niʼiáwenhe, Rawenni꞉io sesonkwanerénshon, neh tsi aionkwenhéion tsi nióre ne kaianerénsera aoriwáke, neh ionkwaneréktonʼne. Iáh ónen thóhʼnon thetionkwataténron noriwakáion tsi nikahiatónʼnionkwe ne kaianerénsera, nók neh nonikonráses.

Romans 8:15

Nonikónra nètho Rawenni꞉io thiáwi iáh neh tesonniénʼnis ne senáskwa akénhake ó꞉ni naihsónnien naihsaterónseke; khék nonikónra neh sonniénʼnis ne Rawenni꞉io iaiénha akénhake, tánon kíʼ nahosatsʼténsera nonikónra iontionniénʼnis natsitewaróhri ne Rawenni꞉io “Rákeni! Í꞉se Takwaiénha!”

Romans 8:39

tánon iáh ó꞉ni tsi nahóten ne éhneken iothohetsʼtákwen ne tsi ionwentsiáte tòhka ó꞉ni nahóten ne nàkon iothohetsʼtákwen ne tsi ionwentsiáte takakwéni ne tahionkwakʼkháshion ne rahononronkwátsera ne Rawenni꞉io neh tsi Ié꞉sos Kerístos Sonkwaiáner sonkwasenhénʼni.

Romans 9:6

Iáh neh tekáton tsi nihorahrátston ne Rawenni꞉io iáh ehteiawénhen; iáh ratikwékon nIsraelrónon Rawenni꞉io tehahonkwéta.

2 Corinthians 11:18

Nok tsi náhe ronatiohkowá꞉nen tehonataterénhsaron, tsi neh nihatiiéhrha ne ronnonhontsaʼkehró꞉non, tho kiʼ ó꞉ni ní꞉ʼi néntiere.

Galatians 5:25

Ne Ronikonriʼióston tesonkwáwi natónnhets; kwáh káti tehiotonwentióʼon nahontahaniarótaroke ne tsi tiónnhe.

Galatians 6:16

Nók tsi niháti ne neh rathíʼsere kí꞉ken nakaianerenseróten ne tsi ronónnhe, aiáwens ne skénnen ó꞉ni nataniténron ahathikwekónhake—skátʼke rathikwekónhak ne Rawenni꞉io rahonkwetaʼsónha!

Ephesians 6:18

Oriwakwékon kíʼ ahterenʼnaienthatserákon tsi nátiere, Tieriwanóntons ne Rawenni꞉io nahiaʼiénawase. Kwáh tsík nahoténson tsi saterenʼnaiéntʼsenk, thóh ne kasastenserákon nonikónra. Ne kíʼ aoríwa tiókonte tsi sahrárek tánon tóhsa nonwénton sahtiakwaríshi; tiókonte shehiaterenʼnaienʼníhek ne Rawenni꞉io rahonkwetaʼsónha.

Deuteronomy 10:16

É꞉tho káti, kén꞉en ienwatáhsawen tsi sewawenhnarákwak ne Roiá꞉ner tánon kén꞉en ienwatáhsawen sewátkaf tsi nisewanonhtsistaʼní꞉ron.

Deuteronomy 30:6

Ók ki ne Roiá꞉ner SewaNí꞉io kwáh enhakwahtháko ne seweriánes ní꞉se ó꞉ni tsi niensewatwatsí꞉rine natsisewawenhnaráhkwake, ne káti ne kwáh seweriasakwé꞉kon tsi atsisewanorónhkwake ó꞉ni sewatonhnetserakwé꞉kon, ne káti ne iahisewakón꞉taʼkwe ne tho nón꞉we nihiohontsá꞉ien ahisewanákereʼke.

Philippians 1:1

Ne thonathásawen ne Kór tánon ne Timothy, ronwahiotenséhakwe ne Kerístos Ié꞉sos— Kwáh tsi niháti ne Rawenni꞉io rahonkwetasónha ne tohonatiriwasontere ne Kerístos Ié꞉sos thóh nón ne Philippi, thóh ratiiá꞉tare ne ononsatokentí꞉ke nohén꞉ton iehonhnéton ó꞉ni ne rontsniénons:

Philippians 3:12

Arèko tsewákoh tsi nónwe iatewakóien, tánon iáh ó꞉ni thetkonkwetaieri. Nók kíʼ Kerístos Ié꞉sos wahatiéna. Nek kihsáka ienkatasónteren tsi ó꞉ni tewatʼkniothátie nakatháwah ne kowánen ahtsenʼnonniátsera.

Philippians 3:14

Katháke tsi nónwe iatewakóien, nekáti nakʼkwéni takathéntsia natiokowátsera tsi niʼhionkeríhonthe ne karonhiáke. Nekíʼ ne tekariwaserákwen ne Rawenni꞉io sakówis neh tsi nihoiéren ne Kerístos Ié꞉sos.

Colossians 2:11

Tsi tetiateriwahsóntere ne Kerístos iesawahrakwè꞉taron, iáh ónhkwe teiesawahrakwetá꞉ron, onk Kerístos iawahrakwè꞉taron, neh iehiokwékʼton tsi tsisatatewenniió꞉on tsi nokwáh ne kaʼsatsténhsera ne sariwahnerahatʼténni.

Jude 1:20

Nok ní꞉se, tewatenrosónhas, iasewatasónteren naihsewateiaronháse ne iotokénti tewetákwen. Thónon nasewaterennaiéntak ne rahoshaststensherákon ne Ronikonrí꞉ioston,