Philippians 3:20 - Ohiatonhseratokénti

²⁰ Nók karonhiáke nón thitewasénʼnare ó꞉ni ionkwáthatre ionkwárare ne Sonkwaiathákwen thononnatahóntare. Sonkwaiáner Ié꞉sos Kerístos.

Philippians 3:20 ပူးပေါင်းရင်းမြစ်များ

Psalms 16:11

Enskerihónhnien tsi niehiokthahí꞉non ne iónnhe. Né tsiatákta kwáh titkáhere natonnarátsera; ne sesheweientethákwen ne nonwenhsénhtseras í꞉ken.

Psalms 17:15

Ók ní꞉i, sewaká꞉teriwakwahtakwèn꞉ni kwáh enkòn꞉konhsá꞉ken; nó꞉nen enhstie, kwáh enwakerientí꞉io ne tsi kén꞉ʼen í꞉ses.

Proverbs 15:24

Nón꞉kwe ne teiakoʼnikonhráthe ne enionthahíta ne iónhnhe ne è꞉neken nieiawé꞉non, iáh ki tsi niiohahó꞉ten ne ehtà꞉ke ne nieiawé꞉non kenhé꞉ion.

Matthew 19:21

Tontahenron ne Iesos: toka nonȣa aserheke akȣa aesaianerek, ȣas, satenninon tsinahoten saien, shetenrat nʼiakotent, nok entisatsokoȣatseraientane Karonhiake; ethone tontase nok takser.

Luke 12:21

Etho nenhoiataȣen ne raonhaa tihatateroroki, nok iah tehokȣastse tsinonkati ne Niio.

Luke 14:14

Ensataskastston tsi iah teiakoien naonsaiesaieristse; entsiesaieritse tsi nentsiontonnhete ne tiakoriȣaieri.

Acts 1:11

tánon waníron, “Galileeronons, nontiéren tsi thóh ísewaʼte karonhiáke hiatesewakánere? Kíʼ Ié꞉sos, tsi thonʼsehsewatetʼkhási Karonhiáke nionʼsáre, kwáh thóh ní꞉ioht tsi tètʼre tsi ni꞉íoht tsi watsísewake Karonhiáke nionsáre.”

1 Corinthians 1:7

kwáh iáh ne tioríhwah thetisewahnorónʼon nénskakʼkhók ne kaiataterítshera aisewahienáhon, tsi nisewáhrare ne Sonkwahiáner Ié꞉sos Kerístos nahataténesthe.

1 Corinthians 15:48

Tsi nihiákon nokenráhke nónwe nihiakotaténron kwáh ne sonwahiéren nokénrah ronwahiatonniáton; nónka ne karonhiáke nónwe nihiakotaténron kwáh ne né sonwahiéren ne karonhiáke nitawénon

2 Corinthians 4:18

Tsi nahoʼténhshon ne taieká꞉nerake iáh nen꞉ne thaʼtekahwíhsatste, nok tsi nahoʼténhshon ne iáh tetewatkáhthos ionhnheʼón꞉we nen né꞉ʼe. Ne káti aorì꞉wa tho nón꞉we niionkwaʼnikonhranentá꞉kon tsi nahoʼténhshon ne iáh tetewatkáhtos.

2 Corinthians 5:8

Teiotonhontsó꞉hon naionkwaʼnikonhrahnirónhake, aséʼken sénha ne tewarákwas ne taitewatekháhsi nonkwaierón꞉ta tánon Roiá꞉ner skátne iaonsetewenʼteróntake.

Galatians 4:26

Nók ne Sarah, ne iáh teienáskwa, neh iakotátiase ne karonhiakékha Jerusalem. Neh ionkhinisténha.

Ephesians 2:19

Ne káti, í꞉se ne iáh tesewasitaeʼró꞉nons iáh seh thitsonhontsáte tèken khés ó꞉ni ne kakʼnón꞉we thaonthesewé꞉non; ó꞉nen ne skát꞉ne sewaʼnákeʼre ne Rawení꞉io raʼotió꞉kwa ó꞉ni sewahiá꞉tare ne Rawenni꞉io raʼowatsíraʼkon.

Ephesians 2:6

Tsi tehionkwateriwasóntere ne Kerístos Ié꞉sos shesonkwakétskwen nahonsahionkwariwiʼiosthóntake tsi ahitsitiónʼnheke skátne ne rahónha ne karonhiáke tiohontsiáte.

Philippians 1:10

Nahontakariwaiérike tsi ní꞉ioht tsi tensewaiatohréhthake. Ne entionniʼiósthakwe ó꞉ni iáh othé꞉nen taihsewateriwaéhsten nó꞉nen thé꞉tre ne Kerístos. Ó꞉ni káti tsi nió꞉re ienwatenniseriéhwe

Philippians 1:27

Neh kwá éhnehken iohthohétsthákwen, ónenk tsi ehthoní꞉ioht tsi ensónʼnheke naiotʼtkweʼnienstónhake ne kariwí꞉ios tsi nòkwa ne Kerístos. Ethòne iahonsakwanatarénase khés ne iáh, Thóh kiʼní꞉ioht tsi enkáronke tsi akwékon neh shesewanikónra íken. Ethoʼní꞉ioht tsi enwakateriéntarake tsi skátne sewaióhte tánon kwá íken tsi tesewaʼniotátie nakorénson nahontahonnéthaʼkwe ne kariwí꞉ios.

Colossians 1:5

Nó꞉nen ne orihwí꞉io naterihwanothátsera, ne karihwí꞉ios, thontiérente wesewahiatoren꞉ne, wesewahrónke tsi nitiakó꞉wis narahratʼtshera. Káti tsi tisewetákwen ó꞉ni ne sewahnoronkwátshera ne kakenserákwen tsi nahóten ne sewaskáneks, karonhiá꞉ke neh nón꞉we tewahtheweiénton ne sewahriwà꞉ke.

1 Thessalonians 1:10

tánon nahonwahteráh꞉rathe ne Roiénha karonhiáke nahontáre—né꞉ne Roiénha Ié꞉sos, tsi nikáien sohkétskwen ne kenheiát꞉ne tánon sasonkwaniákente tsi nòkwa ne Rawenni꞉io rahonakwátshera ne táh꞉we.

1 Thessalonians 4:16

Kwáh enwahtewenʼnótahke, ne raronhiakerononkówah raowénna, enkontáti ne Rawenni꞉io rahówenk iehonrahwátstha, tánon ne Roiá꞉ner kwáh iatehahiáti entʼtátsnente ne karonhiáke. Tsi nihiákon ne iakawenhéion ne thonwetákwenʼne ne Kerístos neh tentiehénte tentiontʼkétsko nahonsahiontónnhete;

2 Timothy 4:8

Tánon nónwah ónen wakeráh꞉re ne atesenniétsera kahkariák꞉tsera neh tsi tkaiéri tsi tionkeriwahseronniénʼni tsi nòkwa ne Rawenni꞉io, neh꞉ne Roiá꞉ner, ne kariwahkwarisióntsera Rarihwéntha, entʼthákon nètho tewenniseráte—nók iáh I꞉i khók tèken, nók tsi nihiákon neh꞉ne iakórare ne kanoronkwátsera ne rahónha enhokéthothe.

Titus 2:13

tsi nihionkwárahre nètho iawenniserahnerákwak ionkwarahratsʼténni, nónen ne rahohiatanerahkwátshera ne rosastenserowáhnen Ní꞉io ó꞉ni ne Sonkwaiatákwen Ié꞉sos Kerístos entathathénesthe.

Hebrews 12:22

Khé꞉khok, Tsi ionontáhere ne Zion nontáh꞉se tánon ne rahonátakon ne ronhnheʼónwe Ní꞉io, ne karonhiakékha Jerusalem, skát꞉ke ne tewenniawehetsheráksens niháti ratironhiakerónons.

Hebrews 9:28

Kwáh ne sahoríhwah Kerístos ó꞉ni rothatátkawen naharonhiáken nénska iakaiénthe ne iakotiokowáhnen akoriwaneraháktsera. Sékon tekeníhaton ienkaiénthe enshatotáshion, iáh tahastéristhe ne karihwáhneren, nók né nasakoniákenthe tsi nihiákon ne ronwáhrahre.

Revelation 1:7

Satkáto! Tahawenonhátie thóh otsikerakéhsons; kwáh niatekaká꞉rake tsi enhonwá꞉ken, iekaní꞉hare tsi nihá꞉ti ne ronwaháson; tánon raónha enharihón꞉ni akwé꞉kon ne iená꞉kere tsi ionwenhtsá꞉te kwáh enwaktsithó꞉ko. Káti kwáh thóh nenhiá꞉wenhne.