Philippians 3:18 - Ohiatonhseratokénti

¹⁸ Iotkáte kwaronkaténʼni neh ronatiokowánen ne rathinákere tsi rathíshons ne Kerístos rahohiása; ónen nónwa thiteʼkaseráhere, sékon sakwaronkáten.

Philippians 3:18 ပူးပေါင်းရင်းမြစ်များ

Psalms 119:136

Wé꞉so tsi watkaséntʼtho tsioríhwa nonhkweshón꞉has tsi iáh tehiontewenhnarákwa ne saianerénhsera.

Isaiah 8:11

Asèken ne Roiá꞉ner waʼhatthárahse tsi niʼkaríhwes kaʼshátste tsi tehakatsanáhere, tánon wahakaronhkáthen ne tó꞉sa thóh nón꞉we nakaténti tsi nihatiweienóthens kí onhkweshón꞉has, ratónhnions:

Jeremiah 13:17

Tó꞉ka iáh tahisehwathahonsahtháte, nakwahtónnhets hathaséhtonke tsi tenwahséntho né enkarihónni tsi nisewahnáie; kwáh íken tsi katsithowáhnen tsi tenkaséntho, tánon natkásehri tenwatnahwénhthe tioríhwa ne Roiá꞉ner rahonkwetaʼshón꞉a tsi iahonwathihiaténhaʼwe nahonwatinaskónhni.

Jeremiah 9:1

Kaskáneks ne kenonhtsí꞉ne ahionahwehróthake nonékanos, tánon ne khará꞉ke ahionahóthake ne ohkáhsehri, ne nahónton konhthatiekówah tánon ashonthakwékon tsi takaséntho ne ne akonhkwetashón꞉ha rahothiriwáhke tsi niháti ne ronwahthinonhwahrhiákon.

Daniel 4:37

“Ó꞉nen káti, í꞉i, Nebuchadnezzar, enhihsénnaien, tenhirénhsaron, ó꞉ni enhiiatanehrákwahte né Ronnontí꞉io né Karonhià꞉ke Thèn꞉teron. Kwáh tsik nenhá꞉iere akwé꞉kon tkarihwaié꞉ri ó꞉ni thoriwaié꞉ri, tánon ó꞉ni enhakwé꞉ni ne tahshakawentshó꞉ten ónhka ne iontatón꞉ni.”

Leviticus 13:8

Ne ratsihénsthatsi shé꞉kon kíʼ enshiát꞉kenʼse, tánon tó꞉ka tehiorénion, enhiaró꞉ri kíʼ tsi iáh tesatkwéniens; kwáh kíʼ iotennhrát꞉theron sanhrá꞉re né꞉ne kanéhonk kanratariné꞉tsera.

Luke 19:41

Nok onen akta shire, ȣahatkatho tsi kanataien, akȣa ȣathasentho, ȣahenron:

Acts 20:19

Kwak tiwákeronkwe iaweronhatiéhak ó꞉ni wéso tewakʼkhaserén꞉en tsi niwatiotén꞉en neh tsi kenhátsera rahonháke ne Roiá꞉ner neh tsi niwentórekwe nakeriwáhke tioríhwa ótiakes ne Sitaeró꞉nons tehionkaskotániskwe.

Romans 9:2

Nónen enkíron tsi nikowánen nakenikonratséntsera, iáh tiehiotótʼthe tsi natewakawehéstha nakweriáne

1 Corinthians 1:18

Asèken naʼteriwahnothátshera tsi nòkwa ne Kerístos tsi tehonwahiáshonte ononkwarohríta íken tsi niháti ne rohtihiatatónʼon; onk nonkwatiakheshóns tsi tionkwahiakén꞉en né꞉ne íken ne Rawenni꞉io raoshatsʼténshera.

1 Corinthians 6:9

Oiwiʼiohónwe sewateriéntare ne ionkwetahétkens tsi iáh tahatihiatakwení꞉ioke ne Rawenni꞉io raonakeráhsera. Tóhsa sewahtatenonwahroritónnien; nónkwe né ieweiennákʼsen tóhkaʼ ó꞉ni kaiatónni konwahsénnahiens tóhkaʼ ó꞉ni iontenahkwaiesátha tóhkaʼ ó꞉ni rotinónwahs tohʼtinikonráhtion

2 Corinthians 11:13

Thí꞉ken ronnón꞉kwe iáh tokénske té꞉ken tsi ronterihwahnó꞉tha, iáh ronnónha tehshakoiaʼtarákwen ne Rawenni꞉io. Iáh thiehatiiaʼtaié꞉ri ne ahonterihwahnó꞉thake tsi nihonnowén꞉tha ne raotiiohténhsere, tánon tsi nihontiéhrha onʼnaiá꞉wenʼne tho nihatiiaʼtò꞉ten tsi shí꞉ken ní꞉ioht ne kwáh Rawenni꞉io aontahshakotenniéhton ne ahonwaterihwahnóthahse ne Kerístos.

2 Corinthians 11:29

Neh nó꞉nen ónhkak iáh teiéhsatste, thó꞉ne kiʼ tho ní꞉ioht tsi kattókaʼs tsi waktsí꞉ioha. Nó꞉nen ónhkak karihwanerenʼaktsherá꞉kon niaʼontatiaʼténhawe, kwáh tioʼtaríhens ne akwerià꞉ne tsi niwakeʼnikonhráksens tánon wakswá꞉tani.

2 Corinthians 2:4

Tsi shiakwaiátonhse kwáh í꞉ken tsi oiriowaʼnen tewakanikonrahrakwe, oni wakeriahsanòn꞉wakskwe, wé꞉so waʼtekkáhserenʼne ne tiorì꞉wa tsi iáh té꞉kehre nakonhni naisewanikonratsen, ók í꞉kehre aiesewáttoke tsi niió꞉re tsi kwanorónhkhwa.

Galatians 1:7

Oriwihioʼónwe, kwáh iáh “noiatekáien ne kariwí꞉io,” nók neh kíʼ ní꞉i enkíron nónkak nónkwe ietʼtsinikonrakarewátha tánon ronteniéntʼtha ne tahatiténi ne Kerístos rahoriwatokentísons.

Galatians 2:14

Sakatʼkátho tsi iáh tehathísereʼne ne iotʼthahakwarísion ne oriwiʼiohhónwe ne kariwí꞉ios, waiʼhiénhase ne Tiér rahothihénton ne thonʼnethákwens, “Sasitaerónon tsi sanakeráton, shatiakwarísion ne Sitaeró꞉non rahotiʼianerénseras nók kíʼ thóh ní꞉ioht tsi sónnhe tsi ní꞉ioht ne iáh tehatisitaerónnon, onhkáti niʼiohtséren tsi satheniéntʼtha nasehiónʼnien kí꞉ken iáh tehatisitaerónons nahontewénnaraʼkwe ne Sitaeró꞉nons rahotiʼianerénsera neh níse satewentéton?”

Galatians 2:21

Kwáh iáh tekatʼthóntas nakʼkénron ne Rawenni꞉io rahoténrat. Nók kíʼ tóhkaʼ nónkak tiakoteriwaseronniénni tsi natehóntere ne Rawenni꞉io ne kaianerénsera iorihónni, neh kéntons ne Kerístos iáh thènen tsatehionénon tsi rawenhéion!

Galatians 5:21

ronatekéfʼfen, rotinonwarátons, tehontatenakwakwénnis, ó꞉ni séhkon óia nihiorihótens tsi nihatiʼieránions. Ónen kíʼ wakwaronkáten tsi niwatiéren ne tiotserénton: ónhka kí꞉ken ne thóh niʼieweiennóten kwáh iáh taiehientéraʼne ne Rawenni꞉io Rahonakerásera.

Galatians 6:12

Nonkwesónha ne rontheniéntʼtha nahontaietsiʼianónthonse naihsewatewarakwétaron, ronónha neh tehonatonwentió꞉ni tahontaterénsaronte ne rathiʼiéronke akohénton nónkwe. Thóh kíʼ sáne nihathiʼiérha, neh tsi iáh tehónnere nonkwesónha ahonwathiʼronhiákente nók kíʼ sénhak enhonwathironiákente tóhkaʼ enhonteriwanóten neh Kerístos tsi kaiasáke rawenhéion.

Galatians 6:14

Káti ní꞉i, tsi naiotónhake, nek khók tenkerénsaron ne Sonkwaiáner Ié꞉sos Kerístos raohiása; tsi nikéntons ne raohiása ne tsi ionwentsiáte iawenhéion nakeriwáke, tánon ní꞉i kwáh thóh ní꞉ioht tsi ní꞉ioht nahonkihéion ne tsi ionwentsiáte.

Ephesians 4:17

Rahosénʼnakon ne Roiá꞉ner, nekáti wahkwaretiáron; tóhsa iasewathasónteren ne thoʼní꞉ioht tsi atsionnheke tsi ní꞉ioht ne iáh tethonethákwen, ne rahonahnionthonnióntsera iáh thènen tesástha.

Philippians 1:4

Neh nòn꞉ne sáka nakwanáton nónen wakaterén꞉naien, kwáh wakatsennonʼniatén꞉nis.

1 Thessalonians 4:6

Kí꞉ken nahorihóten, káti, kwáh iáh ónhka tsi níh꞉tion tateiotonwentióʼon ne thóh ní꞉ioht tsi taisewahterientawénrieh tsi nòkwa ne ótiakes rotirihwiʼióstons thó꞉ka ó꞉ni ne tahontaietʼtsihianóntonse. Ónen kí꞉ken tiotserénton kwahróri, tánon kwáh íken tsi kaʼsátsthe tsi wakwahronkáten nètho Roiá꞉ner ensakoréwahte nón꞉ka ne thóh niʼieweiennóten.

2 Thessalonians 3:11

Ne kíʼ hiakwéntons tioríwah iakwahriwaróntʼkhas ótiake skátʼke sewahnákere ronnentórah tsi ní꞉ioht tsi ronnonnétie tánon kwáh iáh thènen tehotihiótens kwáh nék khók ne shahkonaterihoriénnis nótiakes nonkwesónha raotiriwahsónhas.

2 Tiér 2:10

Kwáhʼsénha tsi niháti né꞉ne ratísere tsi natehiótion ne rahotiʼierónta ahoskanéktsheras tánon ronataróntion ne Rawenni꞉io rahohianerénsera. Kí꞉ken rohtinówens sakotirihonniénnis kwáh rohtikonsanírons ó꞉ni rontatónni, tánon kwáh iáh othènen karíwa tehonnónni ne rohtihiatanerákwas ne éneken tonnónnhes; kékenk, ronwatinikonrakarewátha.

Jude 1:13

Né teshontiéren tsi ní꞉ioht ne ionontakwarontáties ne kaniatarakekówa, ne thitʼkahé꞉re natehén꞉sera tsi nihathiweiennótens thóh ní꞉ioht tsi iokethótha tsi ní꞉ioht nhoʼwahsʼtha. Thóh nihatiiatoten tsi ní꞉ioht ne otsísto thiioháwis, tsi nisakonatʼtaráh꞉kwenni ne Rawenni꞉io tsi non né kwáh tehtiokaraskówa.