Philippians 3:1 - Ohiatonhseratokénti

¹ Nonakènka iahonʼniatonhátie, tewathen rosónhas, sewatʼtsenonʼníhak níse tsi Roiá꞉ner rahonkwetaʼsónha. Iahʼhothènen tewatiótanis ne sékon kwá ehthoní꞉ioht tsi iahonsakwahiátonse tsi ní꞉ioht neh tiotierénton iekwahiatónʼni. Nése nekwa i꞉se ahisewaianerásten.

Philippians 3:1 ပူးပေါင်းရင်းမြစ်များ

1 Chronicles 15:28

Ká꞉ti ratikwé꞉kon Nisraeʼró꞉nons wakonwaʼtsatóntʼthaʼse tsi niahatíhaʼwe Naterihwaseronniátshera Oneró꞉kwah ne tsi niahónhne ne Jerusalem tehotihenréthaʼne tsi nihonatʼtsenhnínon, kawenhnotáʼtse ne kahonrahwatsʼkówa ó꞉ni ne iehonrahwáts꞉tha, tánon ne tehiotwashakweʼnónhnis, tánon tsi niʼkarenhnotátse nonowaʼkówa.

1 Chronicles 16:10

Ionkwatʼtsenhnonhníhak tsi raónha ní꞉i rahonkwé꞉tas í꞉ken; kwáh tsi niʼiákon ne tenhonwanonweráhton iakotonnárak!

1 Chronicles 29:22

Ká꞉ti né thóh wenhniseráteʼkwe kwáh í꞉ken tsi ronatsenhnonhníhaʼkwe tsi nathonská꞉hon ó꞉ni wahatinekíra rahohénton ne Roiá꞉ner. Né꞉ne tekeníhaton ionshónteratsʼte tsi wahontró꞉ri ne Solomon tsi ronontí꞉io í꞉ken. Thóh rahosénhnakon ne Roiá꞉ner tsi wahonwenhienároh tsi rahónha rahotikóra í꞉ken tánon ne Zadok tsi ratsihénstatsi né í꞉ken.

Nehemiah 8:10

Tánon washakawénhase, “Wáhs tánon í꞉sewak ne kakhwáhereh wathenhnikonhró꞉ri tánon sewahnekí꞉ra! Tánon iahetsiiatenié꞉ten ostón꞉ha asè꞉ken ne ronónha iáh ne othé꞉non tehonwatikwahtakwén꞉ni! Asè꞉ken kén꞉en wenhniserá꞉te ne iotokénhti í꞉ken rahonhà꞉ke nón꞉kwa Iá꞉ner. Tánon tó꞉sa sewaktiónhnion, asè꞉ken ne raotsenhnonhniá꞉tshera ne Roiá꞉ner né꞉ne sewá꞉wenk iothenhenraní꞉ron í꞉ken.”

Job Tánon ne Raoronhiakensera 22:26

Ethò꞉ne ki kwáh enshatonhnáren raonhà꞉ke ne Roshatstenhserowanenhkó꞉wa, tánon ienshatarakétsko raonhà꞉ke ne Rawenni꞉io.

Psalms 149:2

Ánion Israerʼró꞉nons ronatʼtsenhnonhníhak rahonháke ne sakohiatíson; ánion nakohiohokónhas ne Zion ronatonnárat rahonháke ne sakononhtí꞉io í꞉ken.

Psalms 32:11

Satʼtienhnonhníhak rahonháke ne Roiá꞉ner tánon sewaʼtonhnáhren, Ó titionkwetaiéri, tánon tesewahénrent natienhnonhniátshera, sewakwékon ne tsi sewahtewenhnaráhkwah.

Psalms 33:1

Sewaʼthonhnarón꞉nion rahonháke ne Roiá꞉ner, Ó í꞉se ne sewaʼthonkwetakwaríshion. Tkariwaʼiérih seh nètho tsi niháti ronhwaʼwenhnarákwah ne Roiá꞉ner ne tahonwaʼnonweráton.

Psalms 37:4

Thóh nón꞉we naʼshesák ne sátʼtshennonniatiéra raonháke ne Roiá꞉ner, tánon éntʼhion tsi nahó꞉ten ne kwáh tesatonhontsóni.

Psalms 42:4

Tewaʼkerhiaskáriaks nó꞉nen enskatatehiaráhkwen, tsi nitsiotohesthánion, nes nó꞉nen eniakwahteró꞉sen nonkweshónhas tsi niahionkwanénhrihne, tánon enkhehéntenhse tsi nienhiákwe ne raononsatokentíke ne Rawenni꞉io ne Jerusalemke, atonhnaráhtshera hiotsarokwenhátsie, tehiakorihwahkwenhátsie, tánon tehiakohenré꞉tane tehonwanonwerónhnionhs Rawenni꞉io.

Psalms 5:11

Ók sehríhon ratikwékon né í꞉seke nón꞉we nihonatekwáhsen nahiontonnáhren; sehríhon tsi nènhwe tahotirihwákwen natsennonhniátsera. Sheiaskwahéras né theshén꞉nes, né ká꞉ti tsi nihiákon ne ieshasenhnanorónhkwah nahonatʼtsenhnonhníhake.

Psalms 97:1

Né Roiá꞉ner séh Ronnonhtʼi꞉io í꞉ken! Ánion ne tsi ionhontsáte waʼtonhnáren; iekaníhare nonkwershón꞉has ne ahí꞉non nió꞉re tkawenó꞉tons tsenakerénions iontsenhnónhni!

Isaiah 41:16

Ní꞉se kwáh kí ensheiásehwe tánon tsi iowerá꞉re ienhkáhawe, tánon ne tsi teioweratáse kwáh kí tenhiakoréniaʼte. Eʼthó꞉ne kí ní꞉se kwáh ensatonhnáren rahonhá꞉ke ne Roiá꞉ner; rahonhá꞉ke né Roiatatokénti khók í꞉ken NʼIsraerʼronónke ní꞉se kwáh kí ensará꞉sehse.

Isaiah 61:10

Kwáh í꞉ken tsi kowá꞉nen enkatonnháren rahonháke ne Roiá꞉ner, kwáh akatonnhetsherakwékon iaʼtetsokétoʼte tsi enwatonnháren rahonháke nakeʼNí꞉io; asèken né ratseronhniáton naoʼtsherónh꞉niat ne kaienawaséhtshera, né rakerorókston né wakóses atiátawi ne aterihwakwahrihshón꞉tsheras í꞉ken, tsi ní꞉ioht né roniák꞉khe waharáseste wahatʼtatsitsaráh꞉raʼke, tánon tsi ní꞉ioht ne ioniát꞉khe wakará꞉seste né ionsthá꞉nion naowistanoroshónhas.

Isaiah 65:14

nakenhá꞉tsheras kwáh kí tehatiríwaʼkwe naʼtsenhnonhnátshera ne raonerianésons, ók ní꞉se kwáh kí thensahénrete tsi nihsakaráres ne seriá꞉ne, tánon kwáh ensonhsehnánion tsi nisanikonranónwaks.

Joel 2:23

Tesewahénret natsenhnonhniá꞉tsheras, sewahioʼokónhas ne Zion, tánon sewatonhná꞉rak rahonhà꞉ke ne Roiá꞉ner ne Sewaní꞉io í꞉ken; asè꞉ken thiatenietén꞉ni nokenhnorésera thóh raoriwakwarishiontserá꞉kon; enthiateniéhten niatakaié꞉rike nokenhnorésera ne kanekákene tánon ne kokwitè꞉ne.

Zephaniah 3:14

Tesahénret, saiénha Zion; tesahénret, Israel; satonhnáren tánon satonhnárat kwáh serhiasakwé꞉kon, saiénha Jerusalem.

Zephaniah 3:17

Né Roiá꞉ner sah Ní꞉io sewanenrí꞉hen í꞉res; roshatstenhserowá꞉nen tánon énthion natesenhniétshera; kwáh shonhà꞉ke nón꞉we nenhatonhnáren, kwáh atsenhnonhniatsherá꞉kon tsi á꞉se enshiónhni ne raonoronhkwahtsherá꞉kon, tenhohénrehte tsi nihotsenhnón꞉ni ne shonhà꞉ke tsi natehorihwákwen,

Zechariah 10:7

Nisraheró꞉nonhs kwáh thonenhathiʼshátstekes tsi ní꞉ioht ne ronterí꞉ios, ronatʼtsenhnón꞉ni tsi ní꞉ioht ne ónhkak otsí꞉tsa iakonekí꞉ren. Ne iesheshakotiienokónha kwáh enhonnehiá꞉rahke kí꞉ken atesenhnié꞉tshera tánon enhonahthonnharahke tiorì꞉wa tsi nihoié꞉ren ne Roiá꞉ner.

Matthew 5:12

Seȣatsennonni oni seȣatonnharen, aseken koȣanen enseȣatsennonniate ne karonhiake: aseken etho nihonȣatiierase ne thonatierenton Thotitokensehakȣe.

Luke 1:47

Nok raonhake ok ȣakatonnhahere tsinonkati ne Niio neh oni sakeskontakohe.

Romans 5:11

Nók iáh kíʼ thók tèkon; ionkwatonʼnáhere neh tsi nihoiéren ne Rawenni꞉io rahonháke ne Sonkwaiáner Ié꞉sos Kerístos, rahónha ónen wasontiónʼnien ne Rawenni꞉io aionkwaténroke.

2 Corinthians 13:11

Nón꞉wa, tewataté꞉ken, ó꞉nen kiʼ wáhi! Sewatshennonníhak, tesewatá꞉ton tsi nisewaweiennò꞉tens. Tesewatateʼnikonhraní꞉rat. Shaʼkarì꞉wa kénhak, skén꞉nen tsi tsónhnhek. Tánon ne Rawenni꞉io, tsi niká꞉ien thatká꞉was ne kanoronhkhwáhtshera tánon ne skén꞉nen, ensewakwekónhake.

Ephesians 6:10

Iakáhewe, sewatesatsʼtenserónni tsi tesewateriwasóntere ne Roiá꞉ner tánon tsi nikéntons tsi nihosastenserowánen.

Deuteronomy 12:18

Í꞉se tánon ne ietsihienʼokón꞉as, skátke ne sewaná꞉tsheras tánon ne levites ne sewanatá꞉konhs ratinákeres, ne enhón꞉neke kí꞉ken kariwihiosehʼokónhas thóh ne kók rahohénton ne Roiá꞉ner sewaNí꞉io, nénska kók tsi nón꞉we nenhonwasénhnaien tsi nihoráhkwen ne Roiá꞉ner sewaNí꞉io. Tánon thóh nón꞉we tsi ensewatsenhnonhníhak orihwakwé꞉kon tsi nisewahiotèn꞉en.

Deuteronomy 16:11

Sewatonhnarón꞉nion tsi nón꞉we nihénteron ne Roiá꞉ner, skátke ne ietsihienʼokónha, sewanatsheraó꞉kons, tánon ne levites, thihononhontsá꞉tes, tehionthonhnakárias, tánon ne ionateréhons ne sewaná꞉takons konhtiʼteróntons. Tsi ionhterenhnaientákhwa kí꞉ken thóh naʼsewá꞉ier.

Philippians 3:3

Nók í꞉i nonkwatsiáke neh ne kwá oriwiʼiohónwe tsi ionkiwharakwétaron, tsioʼríwa tsi ne thewasenʼnaientákwa thóh raosatsténsera ne Rawenni꞉io Rahonikónra tánon tsitewakweniénstha ne Kerístos Ié꞉sos. Iáh ne theionkwatharakwenháties ónh naionkwatséren.

Philippians 4:4

Aiáwens tiótkonhte ahisewathonnárake ne tsi Roiá꞉ner tesewahtheriwahsóntere. Shé꞉kon ne enskhíron: sewatonnárak.

Philippians 4:8

Nonahkènkha, tewatenrosónhas, ne sewanáhnonk ne sewanikónhras tsi nahoténsons ne tkariwaiéris, tánon né tehiothonwenhtióhon ne tahiontenonhweráhton: nahoténsons ne oirihwí꞉io íken, iotkwéniens, tkariwaiéhri, aóskon, ioráh꞉se, tánon tekarénsaron.

1 Thessalonians 4:1

Nonakénh꞉kha, tewatenroʼshón꞉ʼa, wahkwahrihónnien ónh꞉ní꞉ioht tsi aitiónnheke tsi ahontatsisewahnikonraiérite ne Rawenni꞉io. Ne kí꞉ken, ne kwáh thóh ní꞉ioht, tsi tionnhétie꞉ne. Tánon nónwa wahkwanéken ó꞉ni kwahretiárons raosénnakon ne Roiá꞉ner Ié꞉sos ne sénha ísinon tsi naisewáh꞉iere.

1 Thessalonians 5:16

Tiotkonʼónwe sewahtonnhárak,

Ne꞉ne Sák Rohiaton 1:2

Tewatenrosónhas, neh sewanonthonniónhek tsi nisewateraswí꞉io nónen neh kwáh tsit nahoténsons tensewaʼiathónko naientʼtsihiatheniénten,

1 Tiér 3:8

Ne iakákwekʼthe: ónenk tsi sewakwékon setiónnha akénhake ó꞉ni sataisewatʼthokát꞉tseke; tesewatatenorónkwak, tánon tasewariwaiérik ó꞉ni tesewatatkweniénstak.

1 Tiér 4:13

Kek sahtsennonníhak tsi kwáh thóʼwa thóh ní꞉ioht tsi aisaronhiaken꞉énhake tsi nihoronhiakén꞉en ne Kerístos, nekáti nahiontónʼon kwáh asiatanánonke natʼtsenonniátsera nónen enwenéstonke ne rahohiatanerakwátsera.

2 Tiér 3:1

Tekanóron tewatenrosónhas, ónen ne kí꞉ken ne tekeníhaton ienkwaiátonse. Tetsáron kí꞉ken kahiatónseras wahkatheniénten ne kwáh onikonróskon tsi akwanikonkénsko tsi kwehiarakwenʼnis kí꞉ken nahorihoténsons.

1 Samuel 2:1

Hannah onterénnaien tánon wakén꞉ron, “Nakerhiá꞉ne iotonnáhere raonʼháke ne Roiá꞉ner; nakeshatsʼténsera iehiothaʼratáton rahonháke nakeʼNí꞉io Ne tsiksakáronʼte iakosterístha ne iónkswenhs, tsioríhwa tsi wakatonnáhere thóh akateshennietserákon.