Philippians 2:9 - Ohiatonhseratokénti

⁹ Ethòne ne Rawenni꞉io taháwen ne Kerístos ne kwá éneken tiotenákthate tánon sénha wahosennakaráthate tsi ní꞉ioht nakorénson.

Philippians 2:9 ပူးပေါင်းရင်းမြစ်များ

Genesis 3:15

Tanon ne entsien ní꞉se ó꞉niare tánon ne tsothonwí꞉sen ne tentsatatswensehke tánon tsi nathenhontereke ne sehiohokónha tánon nakohiohokónha; thenhianonhtsistarihte, tánon ní꞉se ientshiatiatón꞉ti tánon entshiakó꞉tarike.”

Psalms 110:1

Ne Roiá꞉ner roró꞉ris natiá꞉ner né, “Kénʼen shátien tsi keweientetákwen tsi nió꞉re ne iesháswens enkheiatakéron ne shashitókon tsi ní꞉ioht ne teshashitaráh꞉kwa.”

Psalms 110:5

Né Rawenni꞉io né꞉ne Roiá꞉ner tsi sehseweienhtethákwen í꞉rate ronhnontí꞉io í꞉ken; kwáh kíʼ thensakokʼtókwahte ne rontinontí꞉ios nenhtewenhniseráteke enhonákwen.

Psalms 89:27

Kwáh rahónha ne enhiʼhiónhniaʼte ne thóh tserénhton rawenhnakeráton riʼiénha, né kwáh enthasenhnowàʼnenhke ne rotinontí꞉ios ne tsi ionhwenhtsáte.

Psalms 91:14

Tsi nihiákon ne ionhkenorónhkwa, kwáh kíʼ enkhenónsthaʼte; kwáh kíʼ enthékhene tsi nihiákon ne iontsenhnaʼientéri.

Isaiah 52:13

Sewatʼkátho, nakenhá꞉tshera kwáh kí enhohʼianerásthen; kwáh enhonwasenhnakaráthaʼte tánon enhonwahiatakaʼráhtaʼte, tánon kwáh í꞉ken tsi èhʼneken enkénhake.

Isaiah 53:12

Né ká꞉ti aoríwa kwáh enhirákwaʼse ostónha skát꞉ne ne ratishátsʼtes, tánon kwáh thensakohiakhónhaʼse ne kanénskwen skát꞉ne ne ratiʼshátsʼtes; tsioríhwa tsi iahathatáʼkaʼwe ne kenheiátʼne, tánon éh nontahonwátaʼte tsi ní꞉ioht ne ionkwetaksénskwa; ethohʼsàne wahathá꞉wa ne karihwáneren ne iakotsiokowánen akorihwáke, tánon wasakoʼterenhnaiénhase ne iakorihwaneraháts꞉kon.

Isaiah 9:7

Né raʼoshatsténhshera kwáh enwahtehiá꞉ron ienhiokontákwen, tánon kwáh iáh tsahontókthen tsi skénnónk enkénhake ne raonitskwáhra ne Táwit tánon ne raonontiʼiótshera. Kwáh kí enhakwahtáko tánon entátswanónhna skát꞉ne ne kaiáneren tánon ne karihwakwahrihshión꞉tsheras kwáh kénhen ienwatáhsawen tánon tsi nénhwe enkénhake. Ne Roiá꞉ner Roshatstenseʼrowanenkówa iateorihwaién꞉tase ne thóh kíʼ ken nenhá꞉iere.

Daniel 7:14

Kaʼshatsténhsera tahónion, kakwenienstátshera, ó꞉ni ne kanontiióʼtshera aoʼshatsténhsrera, ne káti kwáh tsi niaʼteienekwénhsake ne ón꞉kwe, tsi niionhsohkó꞉tenʼs, tánon tsi niiewennó꞉tens ne ahonterihwahtsterístaʼse. Ne raoʼshatsténhsera tsi nén꞉we, enkátake, tánon ne raonakeráhsera iáh nonwén꞉ton thiaontókten.

Matthew 11:27

Oriȣakȣekon Rakeniha rakaȣi; iahonka tehonȣaienteri ne Roienha, akȣa neok ne Roniha, toka ken onkakiok onshakororihake ne Roienha.

Matthew 28:18

Nok akta ȣarete ne Iesos ȣasakaȣenhase; kasastenserakȣekon ionkaȣi ne Karonhiake oni nonȣentsiake.

Luke 10:22

Akȣekon Rakenineha nitiaȣenon tsinikon ȣakien; nok iah onka tehonȣaienteri ne Roienha neok ne Roniha; iah oni onka tehonȣaienteri ne Roniha neok ne Roienha, tanon tokat onkakiok ensakororike ne Roienha.

John 13:3

Nok tsi roterientare ne Iesos tsi akȣekon niiehoiatakȣeniioston ne Roniha, nok tsi Niiohne thoientakon, tsi oni Niiohne niionsahaȣenonhatie.

John 17:11

Nok onen iah onkȣene teskes, nok tanon ne rononha ethonehnehe ronnes; nok nii iseke sake. Seniseratokenti! sheiatanonstat sasennakon, neh kehiken kheton tsinihati ne takonkȣetaȣi, aiaȣens skariȣat ahononnihake tsiki nii niiot tsi ok seteniiata.

John 17:12

Tsinikariȣes iakȣakȣekonhatieskȣe nonkȣene, sasennakon kheiatanonstatonhatieskȣe; kheiatanonstaton ne takonkȣetaȣi; iah oni nenskat tehaȣenheion, neok ne kaiatatonsera roienha neh naontaȣe akaierine tsinikaiaton.

John 17:5

Onen kati nonȣa ise tontaksennoȣanat Rakeni! ise tsiatakta teȣakha ne kasenna ohenton saontontonȣentsiatasaȣen.

Acts 5:31

Rawení꞉io tsi raweientethákwen nieshoiaténha sonsahokhétsko ne tsi rahónha Ranenrakweʼniʼio ó꞉ni Sakohiatákwas, neh nahontasakáwen nonkwesónhas ne Israeronónke natesénʼna nahonsahiontatréwaʼte tánon nahonsakanikonrén꞉en nakoriwanerahákʼtseras.

Ephesians 1:10

Tsi nihotenikonríson, ne Rawení꞉io ienwatewehieiéntaʼne ne nónen kwáh entkaiérike neh naiáwen꞉ne, nehne oriwakwekon ensaróhʼroke tsi naotenson rosahanion, oriwakwekon ne karonhiáke ó꞉ni nonwentsiáke, tánon Kerístos nonóntsi íken.

Colossians 1:18

Raónha nonóntsi í꞉ken ne ononsatokénti né꞉ne raierónke; raónha ne tiotasawákwen tsi iónhne natónnhets. Raónha ne takowá꞉nen Roiénha, tsi sonwahkéskwen ne kenheiat꞉ne, ehnahontáwe rahonhatsí꞉wak khók ohénton ahkénhake norihwakwé꞉kons.

2 Thessalonians 1:12

Ne káti nahónton ne raosénna ne Sonkwahiáner Ié꞉sos sonháke nón nakaiatanerakwáton, tánon níse rahonháke, entioianénhawe ne raoténrat ne Sónkwah Ní꞉io ó꞉ni ne Roiá꞉ner Ié꞉sos Kerístos.

Hebrews 1:4

Ne Roiénha sénha ne ronwahkowahnáston tsi ní꞉ioht ne ratironhiakerónons, kwáh tsi nikasennóten nètho Rawenni꞉io rosennáwi sénha ne kasennowáhnen tsi ní꞉ioht ne raotisennasónha.

Hebrews 1:9

Sehnorónkwah nahóten ne tkariwahiéri tánon skenrónni nahóten ne iáh tetkariwahiéri. Né ká꞉ti aoríhwa ne Rawenni꞉io, ne Shaʼní꞉io, í꞉se iahiatará꞉kwen nahisanontí꞉ioke tsi ní꞉ioht nón꞉kak akóren rónkwe, tánon sénha wé꞉so thowéron natʼtsenhnonhniátshera ne shonháke sénha tsi ní꞉ioht ne ronátsiakes roʼtinontí꞉ios.”

Hebrews 12:2

Áhnion Ié꞉sos thetsitewatʼkáneren, rahonháke non nitewahniahésen tsi nitionkwetákwenh ne tsi tiotásawenh tsi nío꞉re tsi ieiotók꞉the. Iáh tehotiakwahríshion ne kaiásha ahiorihónnike! Khé꞉khok thiʼioriwáhthe iorihónni, ne atsiennonniátshera rohráhrekwe, iáh thènen tehononthonnión꞉on ne kakenronniátshera tsi kaiasháke rawenhéion, tánon ónen thoʼnónwe iesenhskwáheʼre tsi rahweienthetákwenh ne Rawenni꞉io rahonitskwahratsherákʼtha.

Hebrews 2:9

Ónk kíʼ tsi tewáhkens ne Ié꞉sos, tsi nikáien ne kénk nikaríwes è꞉tahke roión꞉ni tsi nòkwah ne ratironhiakerónons, ne káti nonkweʼtakwé꞉kon ashakawenhéiase thóh nón ne Rawenni꞉io rahotenratsherákon. Ónen tsi tewáhkens rohnonkwahróron ne kahiatanerakwáhtshera ó꞉ni kakweniensthátshera tsoríwah tsi nihoronhiakén꞉en tsi rawenhéion.

1 Tiér 3:22

karonhiáke niesawénon tánon tsi raweientetákwen ne Rawenni꞉io iesénteron, ratikwékon ne ratironhiakerónons tesakoniarótaron tánon ne karonhiáke tatiriwakweʼní꞉ios ó꞉ni ne kasatsʼténseras.

2 Tiér 1:17

Thóh iákweskwe neh Rawenni꞉io neh Kanísera sontaháwen ne kakwenienstátsera ó꞉ni kahiatanerakwátsera, sahoʼiatórenne nowénna Ní꞉io꞉ne nónwe nontáwe ne Rohiatanerákwat, Watónnions, “Neh kí꞉ken ne kwá Í꞉i rinoronkwaʼónwe riʼiénha, rahonháke nónwe niwakatonnáhere!”

3 Sawátis 1:7

Tsi tonatáhsawen tehonatʼthahákwen né꞉ne Kerístos ahonwahiò꞉tense kwa iáh tahóten tehothiienaʼon ne kaienawasétsera ne iáh tethonethákwe non nahontaiawénon.

Revelation 1:5

tánon thóh nénhtewe raonhà꞉ke ne Ié꞉sos Kerístos, ne ne roriwahtó꞉ken rariwaní꞉rats, ne ne thotierénhton sawenhnakerá꞉ton tsi nokwáh ne kenheiátne, tánon raónha teshakoniarotá꞉ron ne rotinontí꞉ios ne tsi ionwenhtsá꞉te. Raónha ne shonkwahnorónhkwa tánon sheshonkwahiatotarí꞉shions tsi nokwáh ne onkwahriwaneraháktseras thóh nitsawé꞉non raonekwénhsake,

Revelation 11:15

Eʼthó꞉ne ne tsá꞉takhaton rarón꞉hiakeronon wahá꞉tatiste ne raowenk iehonrawatsta, tánon tsi nontontsaró꞉ko ne karonhiá꞉ke, rontón꞉nions, “Naonhnontiió꞉tshera ne tsi ionwenhtsá꞉te ne iahón꞉ton rahonhnontiiótshera ne Sonkwahiá꞉ner tánon ne Roiatarákwen, tánon raónha enthaniarotároke tsi nén꞉we ó꞉ni tsi niénhwe enkénhake.”

Revelation 19:16

Raʼotewehiarákwahke tánon ranhí꞉tsake thóh kasenhná꞉re, “Sakonontí꞉ios ne Rontinontí꞉ios ó꞉ni Sakoiá꞉ner ne Rotiiá꞉ners.”

Revelation 3:21

Né꞉ne tsi niká꞉ien nenhatesén꞉ni enhinákton skátne ní꞉i enhiatiá꞉tsen nakanitskwá꞉rane. Kwáh tsi ní꞉iot ní꞉i tsi wakatesén꞉nion tánon wakaʼtsien ne Rakeʼní꞉ha raonitskwáhrá꞉ne.

Revelation 5:12

teotiriwákwens kwáh ratiwenhnakwé꞉kon, “Teoténhtion ne teiotinaʼkaronhtónha owí꞉ra tsi niká꞉ien ne ronwanonhwarià꞉khon ne nahaié꞉na ne kaʼshatsténhsera oni naokwahsétsera ó꞉ni naototkhátshera ó꞉ni kaʼshatsténhsera nasakoiathaté꞉riste ó꞉ni tasakorénhsaron ó꞉ni kaiatanerakwáhtsera ó꞉ni naonwashén꞉naien!”