Philippians 2:8 - Ohiatonhseratokénti

⁸ Ehtáke rohtatónni tánon thóh nón nahaténti tsi iohatátie naʼtewennarahkwátshera kwá tsi nióre hiarénheie— kaiasáke nón nihawenhéion.

Philippians 2:8 ပူးပေါင်းရင်းမြစ်များ

Psalms 22:16

Asèken ne erharokónhas kwáh ratikwékon tehionkatiathátonʼ ne raothiʼtsiókwah ne rathihiothenseratsens tehionkehonwarónh꞉ni. Ne katiá꞉nake ó꞉ni ne kashitháke thahatirahtiónko;

Proverbs 15:33

Ahtskweniénhsthake Roiá꞉ner ensarihónnien ne taiesaʼnikonhrátheʼne. Ó꞉nenk tsi enhsaní꞉tenhte nohén꞉ton nenhskwé꞉ni nahshié꞉na kakwenienhstáhtshera.

Matthew 17:2

Nok rahotihenton etho ȣathatteni; eh nahakonsotenne tsiniiot ne karakȣa, nok ne raotseronniat eh nakenrakenne tsiniiot noniete.

Matthew 26:39

Nok isih niiore niionsare nok etho ȣahatiskȣentahren, ȣahaterennaien, raton, Rakeni! aontonsekeʼsʼ enʼsʼ ehren askhaȣitase ne kenh katse; tosa ki tanon ii aontonkenikonraierite, ise ki aontesanikonriione.

Matthew 26:42

Sekon isih niionsare neneh tekenihaton, nok ȣahaterennaien raton: Rakeni niah taontonsere nehren nʼaontohestste ne katse nʼiah taknekirane, ehkiniiaȣenn tsini sanikonroten.

Luke 9:29

Tsini kariȣes roterennaien eh ȣathatteni, nok ȣakenrakenne ne raotseronniat eh nahaȣenne tsiniiot tsi ioronhrote.

John 10:18

Iah onka taionkekkȣa, akȣa ki Ii akatennikonra tsi katsiakȣarisions; ȣakkȣeniatseraien nʼakatken-rate ȣakkȣeniatseraien oni naonsakiena; Rakeniha eh niiot tsi rakrori.

John 14:31

Ne kiok aietokatak nonkȣeokon tsi rinoronkȣa ne Rakeniha, tsi neok oni eh niȣakierenhatie tsinithanonȣes, teseȣatann nok ehren iteȣet ne kenh nonȣe.

John 15:10

Nenseȣateȣeienton nakeriȣasonha akenonȣetserakon ki entsionnheke; tsi ki nii niȣakenonstaton ne Rakeniha raoriȣaokon nok raononȣetserakon konnhe.

John 4:34

Tontahenron ne Iesos: nese nii akatennatsera nahinikonraierite ne takatorion, oni nakierite ne raoiotensera.

Acts 8:33

Kwáh íken tsi wahonwatéhathe, tánon iáh ónhka tehiotetʼtsénron nahontahonwanéhon. Iáh ónhka taiekwéni nahiontʼróri tsi niaʼotʼtkwatsirínon, tsioríhwa ne tsi rónnhekwe nohontsiáke iahontókʼten.”

Romans 5:19

Tanon kwáh tsi ní꞉ioht nonkwesónha tsi iontateriwanerahaktén꞉nis ne tsi nihoiérehn nètho iáh tehotewennarákwen, kwáh éhʼthoh ní꞉ioht tsi entiontateriwiʼiósten tsi nòkwáh ne Rawenni꞉io ne tsi nihoiéren neh Ié꞉sos Kerístos.

2 Corinthians 8:9

Akwé꞉kon sewaterién꞉tare ne Shonkwaiá꞉ner Iésos Kerístos tsi iaʼtekaié꞉ri tsi nithorihwaié꞉ri tánon tsi nihshonkwanorónhkhwa, akwé꞉kon rohtsakwaríhsion ne raohtshokowáhtshera ó꞉ni wahotén꞉taʼne, eh naontá꞉we ní꞉se aiesewakwáhtsheʼne.

Galatians 3:13

Nók tsi wetewatʼrewáthakwe Kerístos sahshonkwahiatáko tsi niʼiakorewátha tsi nitkáhas ne kaianerénsera. Nónen ne kaiasáke sahonwahiatiháren, rahónha wahtathatékwase ne karewathátsera tsi naʼtehionkwaterientawénrie. Asèken noriwatokénti wáton, “Nónka neh iakohiaténton ne karontáke neh tsi Rawenni꞉io sakorewáthon.”

Deuteronomy 21:23

iáh tehiówenk ne thóh ahonsonhtí꞉hiake. Ó꞉nenk tsi ne sahenhní꞉sera enkaiathátenke, tiorí꞉wa nonka neh iakohiaténton ne karontà꞉ke neh tsi Rawenni꞉io sakorewáthon. Sewahià꞉tata noierón꞉ta, ne káti ne tó꞉sa tahisewénhtsonste nonhóntsa né꞉tho Roiá꞉ner sewaNí꞉io tetsisewawì꞉re.

Titus 2:14

Iehotatatʼkáwen ní꞉i onhkwariwáhke, nahonsahshonkwaniákente ne kwák tsi nahiotónhake ne kariwáksenke tánon nashontiónnien kwáh orihwí꞉io rahónha khók rahonkwetaʼsónha ahitewáhton ó꞉ni kwáh tahionkwasterihénseke ioiánere tsi naitewáhtiere.

Hebrews 12:2

Áhnion Ié꞉sos thetsitewatʼkáneren, rahonháke non nitewahniahésen tsi nitionkwetákwenh ne tsi tiotásawenh tsi nío꞉re tsi ieiotók꞉the. Iáh tehotiakwahríshion ne kaiásha ahiorihónnike! Khé꞉khok thiʼioriwáhthe iorihónni, ne atsiennonniátshera rohráhrekwe, iáh thènen tehononthonnión꞉on ne kakenronniátshera tsi kaiasháke rawenhéion, tánon ónen thoʼnónwe iesenhskwáheʼre tsi rahweienthetákwenh ne Rawenni꞉io rahonitskwahratsherákʼtha.

Hebrews 12:4

Asèken tsi nahtesewahniotátie tsi nòkwah ne karihwáhneren arèkok tiétso ne aisewahtakátsʼtathe tsi nío꞉re naietʼtsirí꞉io.

1 Tiér 2:24

Rahonhatsíwa ne Kerístos rotketáthon nonkwariwanerahákʼtseras tsi tetkaiásonte, neh nahónton naitewenhéiate ne kariwáneren tánon neh nónwe naisetiónnheke ne tkariwaiéri. Neh tsi nihotʼkarewatánion neh tsiʼsatiénton.

1 Tiér 3:18

Asèken Kerístos rawenhéion nénskat ieioterástston neh iorihonníʼon nakorénson akoriwaneraháktseras, thoʼriwaiéri rónkwe nehne iakoriwáneren akoriwáke, neh nahónton Niió꞉ne niahiahentése. Tsi iehawenhéion ónhkwe kènne, nók tsi sonionnhéton sronneʼónwe,