Philippians 2:22 - Ohiatonhseratokénti

²² Nók sewatheriéntareʼne tsi nihronkwethóten ne Timothy. Ehníʼioht tsi skátne ionkiniʼioténhen tsi síken ní꞉ioht ne riʼiénha akénhake tsi teiontsateriwaʼrieniatonhátie ne kariwí꞉ios.

Philippians 2:22 ပူးပေါင်းရင်းမြစ်များ

Acts 16:2

Rathikwékon ne thonethákwen thonónwe ne Lystra ó꞉ni ne Iconium tehonwarensáronskwe ne Timothy.

Romans 5:4

Naiontakátsʼtate tkáhas ne Rawenní꞉ioʼs rahoriwahniráhtsera, tánon ne rahoriwaniráhtsera iónʼnis ne askanéktsera.

1 Corinthians 16:10

Tóhka ne Timothy ienhakwátʼtho, kwáh ioriwí꞉iok tontatʼtsisewahróhton, tsoríwah tsi Roiá꞉ner rohiótense, kwáh tsi í꞉i ní꞉ioht.

1 Corinthians 4:17

Asèhken né kíʼ aoriʼíwah ienʼihiaténiethe ne Timothy ne isèhke, kwáh rahónha ne rinorónkwah ó꞉ni rohriwahtóken ronwahiénha ne kariwiʼióstonke nónwe nihiakónnhe. Entsisewehiaráhkwen ne kariwahkweʼní꞉ios tsi nitʼnonteráhtie náse atónʼnets tsi tehiontiateriwahsóntere ne Kerístos Ié꞉sos tánon tsi ní꞉ioht tsi kherihonniénʼnis ne kentiokwahkérons ne tsikʼnonwésons.

2 Corinthians 2:9

Ne aorì꞉wa iekwahiatón꞉ni ki aoriwake: ne nakwatenienten oni aonktó꞉kenhse. Sewatewennaráhkwen ken nakerihonnienníhtshera?

2 Corinthians 8:22

Shé꞉kon ó꞉ni thihá꞉te ienhshakwatenniéhten ne Titus ahontenró꞉shon ne ronatén꞉ro. Shakwaniahé꞉sen kí꞉ken rón꞉kwe. Aséʼken ó꞉nen wé꞉so iorì꞉wake raweʼnéston tsi tehotonhontsó꞉ni ne ahatasnié꞉nen. Ó꞉nen kiʼ kwáh sénha ísi nón tsi nikaská꞉neks, ne karihón꞉nis sótsi raónha sénha ehtshisewaniahéh꞉shon.

2 Corinthians 8:24

Taiehtshiiateweienʼtónhas ne tiakawehtáhkwen ne tsi ahontkáhtho ne sewanoronhkhwáhtshera, ó꞉ni enhonaterién꞉taraʼne oh nontié꞉ren tsi tiókonte í꞉se kwathroriá꞉ton.

2 Corinthians 8:8

Iáh tekwatoktahkwén꞉ni ne tho naiesewá꞉iere, kwáh nek tsi kwateʼniéntha tó: niiorihwató꞉ken ne sewanoronhkhwáhtshera ne tákeren notiaʼkéhshon tsi nihotiié꞉ren.

Philippians 1:12

Thekanóron onkwathorohsónha, Thewakatonwentióni naisewateriéntarane ne tsi nontiáthawen sénha wakahiáneraste tsi tahonthiriwaréhni ne kariwí꞉ios.

Philippians 1:16

Ronwanorónkwa ne Kerístos tánon rohnatheriéntare ne aoríhwa kén íkes ne neh ahontákene ne kariwí꞉ios tánon ne rahónha.

Philippians 1:5

Ne karihón꞉nis tsi takwaié꞉nawaʼse tsi teionkwateriwareniatonháties ne karihwí꞉ios ne kwáh sontontenniseratiérente wesewáronke.

Philippians 1:7

Sá꞉ien ne ionakʼtató꞉ken nakwerhiá꞉ne. Kwáh káti saohiérat tsi eh ní꞉ioht tsi katʼtókas. Kwáh káti sewakwé꞉kon sewastsnié꞉non tsi nikaiohtenseróten ne Rawenni꞉io thakáwi, tsi ní꞉iott tsi enkaterí꞉ioseh ne karihwí꞉ios tsi ne entʼthárakwe kén nónwe kíʼ ionthatenotónkwa.

Philippians 2:20

Iáh nʼóiah tewakonkwétaien nehʼnióre tsi tatsisewariwásniese tsi níʼioht ne Timothy.

1 Timothy 1:18

Timothy, akheksátha, Í꞉se wahkonniáhese kí꞉ken ahontaseniarótarohke, tsi teskaieróntare nowennasónhas neh iekariwáken tsi nikataráh꞉kwen tsi nòkwa níse. Í꞉sas thíken owennasónhas nahioianeréhake nasatherí꞉iosʼte,

1 Timothy 1:2

Ne Timothy, ne kwáh riʼiénha ehʼnónwe ne tewetákwen: Aiáwens ne Ní꞉io Kaníhsera ó꞉ni Kerístos Ié꞉sos Sonkwaiáner nahontáhion ne kenténrat, ataniténron, ó꞉ni skénnon.

1 Timothy 4:6

Tóhkaʼ enteséhion kí꞉ken karihonniennítsera ne tiakawetákwen, ensenatseriʼióhake tsi nòkwa ne Kerístos Ié꞉sos, tsi ensataténonthe ne ionnheʼónwe nahowennasónha ne tewetákwen ó꞉ni norihwí꞉io karihonniennítsera tsi nisáhseron.

2 Timothy 1:2

Timothy, konhnóron rihiénha: Aiáwens ne Ní꞉io ne Kanísera ó꞉ni Kerístos Ié꞉sos sonkwaiáner entʼión ne kenténrat, ahtaniténron, ó꞉ni skénʼnon.

2 Timothy 3:10

Nók níse wátiereh nakerihhonniennítsera, tsi nikeweienʼnóten, tánon tsi nikatiérah ne tsi kónnhe; satkáton naketakwátsera, tsi wahkenikonrí꞉io, nakenoronkwátsera, tsi wahkenikonkátsthe,

Titus 1:4

Í꞉seh Titus iakonhiátonshe, rohriwahtóken riʼiénha tsi nókwa ne tewetákwen né sateionkeníriwahke. Aiáwens ne Rawenni꞉io ne Kanísera ó꞉ni ne Kerístos Ié꞉sos Sonkwaiatákwas nahontáhion kenténrat ó꞉ni skénnon.