Philippians 2:13 - Ohiatonhseratokénti

¹³ Tionhakéson shènon nihoiohtáties ne Rawenní꞉io natsitsiónʼnien, tánon ó꞉ni natsisewawénnarakwe.

Philippians 2:13 ပူးပေါင်းရင်းမြစ်များ

1 Kings 8:58

aiáwens asonhtiónhnien naʼtsitewawenhnará꞉kwahke, né káti nahónton tiókonhte thóh ní꞉ioht tsi ahitiónhneʼke tsi kíʼ natehotonhontsióni nahitiónhneke, ahionhkwahtienawasʼtónhake akwékon ne kaianerénhseras ó꞉ni ne karihwatátʼtseras ne teshakówi ne ietisotʼthonkonhkénhʼens.

2 Chronicles 30:12

Né Rawenni꞉io kwáh kí rohterihwahtenhtsathonhátie ne Judah nón꞉we tánon shakowenonhnihátie nonhkweʼshón꞉as tsi natehotihiatorehtonhátie nahonhtewénhnarahkwe tsi nihonikonhró꞉ten né nahatísehre ne karihwatátʼtsheras ne ronhtinonhtí꞉ios ó꞉ni ne rohnaterihónhtons, tsi né nihatísehre ne Roiá꞉ner raowenhnahó꞉kons.

Ezra 1:1

Ne sonthonthosehratsérenhte ne Cyrus ne Persia shahakó꞉ra, ne Roiá꞉ner ne waharihwí꞉sa etʼnaiá꞉wenhne tsi nihá꞉wen rahonhà꞉ke ne rotokenséhakwe Jeremiah. Wahonikonhrá꞉reke ne Cyrus nahaianerenhserón꞉ni né ken ahiótsete ne karihwisahátshera tánon iehathéniet nakahiátonhke tánon iorahkareníhak tsi akawenhnanhóthake ne kwáh tsiknonhwéson ne rahonhnonhtiiotsherá꞉kon:

Ezra 1:5

Ethò꞉ne nononhtsikowatʼtsons ne tsi kentará꞉iens ne rahothitióhkwakons ne Judah tánon ne Benjamin, ne ratitsihénstatsis ó꞉ni ne Levites, tánon nónhka akorenhakénhake né꞉tho rawé꞉rih ne Rawenni꞉io wahaweriané꞉ron wahathateweienénhthane iaháre tánon sahanonhsónhnoi ne Roiá꞉ner Rahononhsatokentihkó꞉wa ne Jerusalem nón꞉we.

Ezra 7:27

Ezra wahèn꞉ron, “Tehonwanonhwerá꞉ton ne Roiá꞉ner, ne sháko Ní꞉io ne iethisoʼthonkonhkén꞉en! Wahahónhnien ne rakó꞉ra ne nahonikonhroténhake tsi thóh ki ní꞉ioht tsi ahakwéniensthe ne rahononhsatokentihkó꞉wa ne Roiá꞉ner ne Jerusalem nón꞉we.

Nehemiah 2:4

Tánon ne ronnontí꞉io wahakénhase, “Onhnahó꞉ten shé꞉saks?” Tánon iakaterén꞉naien rahonhà꞉ke ne Rawenni꞉io ne karonhiá꞉ke.

Job Tánon ne Raoronhiakensera 33:29

“Rawenni꞉io kwáhse thóh nihaié꞉ra akwé꞉kon kí nahorihoténshons, teiorì꞉wake, áhsen nienwaterátste, tsi nokwáh nonkweshón꞉as,

Psalms 110:3

Né shonkwetaʼshónhas kwáh thóh nenhotinikonhrothénhake tsi ienhonthatátʼkawe naieshatsátarahse nenhtewenhniseráteke ensehwaʼterí꞉io ne ieshá꞉shons né onontatokentíke nón꞉we tsi nentʼkaráhkenhne nonronkéne, tsi ní꞉ioht ne iohá꞉weien thóh ní꞉ioht ne shonkwetaʼshónhas ne kenhnitotihiónsas tsi entʼtonhne shonháke.

Psalms 119:36

Takónhnien thóh nahonkenikonhrothénhake tsi akatewénhnarakwe ne saianerénhseras, né꞉ne tó꞉sa othènen ahonkaskenaséhake.

Psalms 141:4

Tó꞉sa né sattónhtat nakerhiá꞉ne né꞉ne akanonhtón꞉nionhwe ne karihwanerahát꞉tshera, né꞉ne takatateweienhnará꞉te ne karihwahetkénsera aohiothénhsera tó꞉sa akhehiatoresherónhnien tsi nikáien rotihióthens ne karihwanerahát꞉tshera; tó꞉sa akhehiatsátarahse ne tahiakwáhtonhte tsi nihonthenhniótha.

Proverbs 21:1

Roiá꞉ner tho niwatié꞉sen tsi thoʼniaro꞉taro ne ronontí꞉io raoʼnikòn꞉ra tsi kiʼ niwatié꞉sen tsi nithoniaro꞉taro nohnekaʼshón꞉ʼa.

Isaiah 26:12

Ó Saiá꞉ner í꞉se enserihwanírate ne skénnon í꞉ken nonkwahrihwàke, asèken kwáh í꞉ken, tsi thokʼníkon ionkwáhien, ne tsi niskwahtsheràse.

Jeremiah 31:33

Ne áse aterihwahseronniátshera nenhkónni skátke nonhkweshón꞉a ne Israelronónke nónhwe tsi néntewe nenníseras kwáh kén ní꞉ioht, ráton ne Roiá꞉ner: Rahotinikonrakéson nónwe néntsien natianerénseras tánon rahonerianésons nónwe nenkʼkhiáton. Í꞉i ne raotiʼNí꞉io enkénhake, tánon roʼnónha nakonhkwetahshón꞉a enkénhake.

Jeremiah 32:38

Ethóhʼne Í꞉i akonhkwetaʼshón꞉a enhónton, tánon Í꞉i ne raotiʼNí꞉io enkénhake.

Luke 12:32

Tosa seȣateronn, seȣententsihon nitsion ok; thonikonriiohonse ne Etsiseȣaniha naetsitsion ne raonakerasera.

Luke 2:14

Ahonȣasennaien ne Niio Karonhiake! Skennen Kenhak nonȣentsiake! niakonikonriio nonkȣe.

John 3:27

Tontahenron ne Saȣatis: iahse othenon tahakȣeni ne ronkȣe neiah Karonhiake tahontahonȣatennietasere.

John 6:45

Ȣaton tsi rotiiaton ne Rotitokensehakȣe: Niio ne entkaientakȣe tsi enhonȣatirihonnien. Neh kati nonka kiok enhoȣennarakȣen ne Rakeniha, Raonha oni enhorihonnienni, neh tohiken enhakiatorenne.

John 6:65

Ȣasakaȣenhase kati: neh ȣahi ȣaonni ȣaken tsi kȣarori: iah onka takakȣeni aonkrane ne iah Rakeniha tenhoȣire.

Acts 11:21

Ne Roiá꞉ner rahosatsténsera tehonatiátatonkwe, tánon kwáh iakotiokowánen taʼiakétakwe ó꞉ni tahonwétakwe ne Roiá꞉ner.

Romans 12:3

Ne ahoríwa ne Rawenni꞉io tsi nithakáwi ne kenténron kwáh tsi sewahiatátʼtsion enkwaróri; Tóhsa sóhtsi éhneken tsi ní꞉ioht tsi aihsewatatenontónnionse tsi naʼtehiothonhontiónha. Sewatenʼnikonráren ne sewanonthonnióntsera, tánon neh tesewatatiatóret tioʼianénhaf tsi níkon káhawe ne tewetákwen ne Rawenni꞉io thiáwi.

Romans 9:11

Neh nahontáwe tsi nihotinikonrón꞉ni ne Rawenni꞉io niahontasónterehke thoʼnahiontonhátie tsi ní꞉ioht tsi thotenikonrón꞉ni ne rahonháke, Rawenni꞉io waharóri, “Ne takowánen tenhoriwásniese neh rokénha.” Thóh ní꞉ioht tsi taróhri nohénton sahowiraiéntaʼne, nohénton thènen nahiátiere neh teniʼiáse ahioʼianeréhake tòhka ó꞉ni kariwahétken akénhake; Káti tsi nihorákwen neh Rawenni꞉io neh thohawíthon tsi nishakonáhon, iáh tòhka kén tsi nahonatiéren.

Romans 9:16

Neh káti, akwékon entewanónton, iáh tsi nahóten kíʼ tiónkwe tewaskáneks onhnaihtewátiere, nók kwáh nek khók ne Rawenni꞉io rahoténrat.

1 Corinthians 12:6

Tóhka natetʼkonthihánions tsi nahiakokwénionke nahiakohióten, nók kíʼ né sahahiáta ne Rawenni꞉io takáwas tsi nahiakokwénionke ahionteriwahténtiathe ne katokénston kahioténserah ahiakoióten.

1 Corinthians 15:10

Ónk né tsi Rawenni꞉io raoténrat thóh nitiatóten tsi kíʼ nitiatóten, tánon ne kenténrat tahkáwi iáh tehioiesháhon. Khèʼkok, sénha wahkakwísron tsi ontióten tsi ní꞉ioht ne rohnáhtiakes ne ratikwekónne, éhʼtho sáne iáh í꞉i thóh tewákʼshon, ónk né꞉ne Rawenni꞉io raoténrat tsi ioiotáties nahkónhahke.

2 Corinthians 3:5

Iáh teionkwaianerenhserá꞉ien ne aietewathró꞉ri oh nahò꞉ten aionkwaióʼten ne iaʼtetewaiá꞉ti. Rawenni꞉io tehshonkwá꞉wis tsi naʼteiotonhontsó꞉hon ne thé꞉nen naietewá꞉iere.

Ephesians 1:11

Oriwakwékon thóh niʼiawén꞉en tsi nihotenikonrónni ne Rawení꞉io ó꞉ni iatehoriwaiéntase; tánon Rawenni꞉io sonkwahiatarákwen ne rahónha rahonkwétha ahkénhake tahionkwateriwasónterake ne Kerístos ne tsioríhwa tsi rahónha ehnihotenikonrónni, neh rokenserákwen tsi nahóten hiatehoriwaiéntase neh kwáh sonthontásawen.

Ephesians 1:5

Ónenk ne Rawenni꞉io shatehoriwaiénthase thóh rahonháke ne Ié꞉sos Kerístos tsi ensontiónʼnien ne rahónha rahoksátha aihtewáton—neh kí꞉ken ne rahotsenʼnonʼniátsera ó꞉ni tsi nihotenikonrónʼni.

Ephesians 1:9

Ne Rawenni꞉io thóh naháiere tsi nihothenikonrón꞉ni, tánon wasonkwathokáten ne kariwaséthon tsi knáha hiatehoriwaiéntase ne iahontésa rahonháke ne Kerístos.

Ephesians 2:8

Asèken nehne Rawenni꞉io rahoténrat tsi saniakénton teiahonkóthon ne tewetákwen. Iáh neh tehiorihonʼníʼon tsi nahisahiotén꞉en, nók ne tsi Rawení꞉io sakówis, neh káti ne tóhsa ónka ahiontatóharakwe.

2 Thessalonians 1:11

Ne aoríwah tiotkonʼónwe kwahterennaiénni. Shakwahriwahnontónnis nónkwah Ní꞉io nahtshiʼtsiónnien naisewahrihóntahke tsi tiónnhe tsi nitsisewáhwi naitiónnhe꞉ke. Neh iakaiérithe ne raosatsʼténsera akwékon tsi nahoténsons saskáneks ne tkariwaiéri ó꞉ni iahontésa ne sahioténsera ne tewehtákwen.

2 Timothy 1:9

Rawenni꞉io shesonkwahiatakwen tánon tesonkwanathon ne rahónha rahonkwetaʼsónha aʼetewáhthon, iáh neh tehiorihónniat onhʼnahionkwatiéren, onk ne ahoríwah tsi nihotenikonrónʼni ó꞉ni ne rahoténrat. Kwáh raʼonháke ne Kerístos Ié꞉sos tsi tesonkwáhwi kí꞉ken kenténrat né꞉ne oʼhénton shontonthonhontsaʼtásawen.

1 Tiér 1:3

Ánion tetsitewanonweráton ne Rawenni꞉io ó꞉ni rahónha Roiénha ne Sonkwaiáner Ié꞉sos Kerístos! Tsioríhwa tsi nikowánen ne rahoténrat thesonkwáwi náse atón꞉nhets neh tsi shokʼhétskwen ne Ié꞉sos Kerístos ne kenheiátne. Neh kí꞉ken kananónk꞉tha ne tewaiéronke ne ionnheʼónwe ahraráhtsera,