Philippians 2:12 - Ohiatonhseratokénti

¹² Tekanórons tewathoronsónhas, tiotkonhónwe takwawennarákwakwe sesʼnónen skátne ítewes. Nonkʼkinónwa onensewakaténtion, ónen kisènha teiohthonwentióhon naisewatewénnarakwe. Katerontserákon tsi ní꞉ioht tsi sewahióten tánon aisewahiathisónkwaʼke tsi aisewátʼthoke tsi nikéntons nahonsaieniákenʼne.

Philippians 2:12 ပူးပေါင်းရင်းမြစ်များ

Ezra 10:3

Nón꞉wa ó꞉nenk tsi kwáh iorihwaní꞉ron tsi entsitewahrahrátsten Nonhkwáh Ní꞉io tsi entsithihiathekwáhthe kí꞉ken konhnónkwe ó꞉ni nakothihiohokón꞉as. Thóh nenhiakwáhiere tsi nahó꞉nenh ní꞉se tánon ne ronátiaʼkes ne rathirihwakweniénstha ne Rawenni꞉io rahorihwatákʼtseras tsi nenskwahtenikónhron. Ánion thoniiá꞉wen tsi niwá꞉ton ne Rawenni꞉io raoianerénhsera.

Psalms 119:120

Í꞉se saríhwa tsi wák꞉terons; tánon ne wakteronhkwénhnis ne sarihwenhthátshera.

Psalms 2:11

Tsi sewaterihwatsterístats ne Roiá꞉ner kwáh tekarénhsaronk, atsenhnonhniatserákon tsi sewahiatítsont.

Proverbs 10:16

Tsi eniakónhnheke ne teniakoterihwaʼserákwahse ne kaioʼtenhserí꞉io iakoióʼte, nok ne karihwáksen nek tkáhas sénha wé꞉so karihwáksen.

Proverbs 13:4

Iáh oʼthé꞉nen tekáhstha nahò꞉ten tehotonhwentsó꞉ni ne rentóhrha, iáh kiʼ nonwén꞉ton tshiahaié꞉na. Ne rotshá꞉ni akwé꞉kon nen né꞉ʼe enhaié꞉na tsi nahò꞉ten tehotonhwentsó꞉ni.

Isaiah 66:2

Oriwaʼkwékon kí ken katsaná꞉ke ioshaʼáhnion, tánon káti orihwaʼkwékon kí꞉kens Í꞉i akáwenk, rá꞉ton né Roiá꞉ner. Ók né kí kíken tsi nikáien né kwáh tenkhehiatʼkáneren, né nehthàke iakotatónhni tánon né teiakawerhiaʼsaríhon, ronón꞉ha rotiʼiatíshonʼkwe nakewenhnaʼókons.

Isaiah 66:5

Sewatahónsatat né raowénhna né Roiá꞉ner, í꞉se né ensewaiatíshonʼkwe né raoʼwénhnake: Né kwáh í꞉se tionkwetaʼshón꞉has iesáhswenhse tánon iesatewenhtétonne nakʼsénhna iorihonhníhon wá꞉ken, “Ahnion né Roiá꞉ner ronwahiatanerá꞉kwat, né káti nahónton aiawatkátho né satonhnhaʼrátshera”; ók kí ronónha né kwáh enhonwanatéhaʼte.

Matthew 11:12

Tsinahe thonakeraton ne Saȣatis, othonahe siteȣaskonnhen ne Karonhiake, nok neki ne ratisaste rontkȣenies.

Matthew 11:29

Seȣatketat nakȣatientaniakt, seȣariȣaienterhann oni tsi teȣakeriȣaieri oni keriasiio, oni enseȣatsenri aotorisensera ne seȣatonnhests.

Acts 16:29

Ne sakonóthons kahásera wahariwanónton, iahathaweiásthakwe, tánon hiasiták꞉tha ne Kór tánon ne Silas wahahiatiénenʼne tsi nihoteronienténni.

Acts 9:6

“Téstann tánon kanáthakon niaháse, thohʼnónwe enʼtiesaróri onhnénshieʼre.”

Romans 2:7

Rohnatiakhésons ne ronʼnónkwe nek rothiʼióte ne iohiánere, tánon ronʼnésaks neh kaiataterítsera, kakwenienstátsera, tánon ne hionʼnheónwe atónʼnhets; ronʼnónha ne Rawenni꞉io entesakáwen ne tsi nénwe enhonnónʼnheke.

1 Corinthians 15:58

Éhʼtho káti, akwateroserahnórons, sewahriwaníronk ó꞉ni sewariwatokénhak. Tiotkonhónwe sewahtatiotenstónhak ne Roiá꞉ner rahoriwáhke, tsi ónenk sewahteriéntareh tsi nahóten ensewahióten ne Roiá꞉ner raoioténsera iáh nènne nonwénhton tsakaiéshia.

1 Corinthians 2:3

Káti shiakwahnatarénase, Watʼtsiʼióhaʼkwe tánon kwáh tiatakwékon wahtiatontawéton tsi niwahkateronienténni,

1 Corinthians 4:14

Né ki iakonhiátonse, iáh tóhkaʼ ken nahkoniatéhathe, nók ne nahkonnikonrahientáten tsi shíken ní꞉ioht ne kwáh í꞉se koniénha akénhake.

2 Corinthians 7:15

Titus é꞉so tsi tshisewanorónhkhwa, kwáh sénha tsi sahrehiá꞉raʼne tsi ní꞉kon tshisewawennaráhkwen tánon wesewaiaʼtishónhkwe tsi niió꞉re tsi tesewatónhneke shá꞉rawe tánon watshisewakweniénste.

Ephesians 6:5

Sewanáskwas, ietʼtsiwenʼnarákwak ne ronʼnónkwes ietʼtsihiótense ne ne kateronhtserakon oni nahotiiatisonhkwahke, tanon ioriwatokenhak ne sewerhianes, ne akénhake Kerístos tsi sewaiotenhse.

Philippians 1:27

Neh kwá éhnehken iohthohétsthákwen, ónenk tsi ehthoní꞉ioht tsi ensónʼnheke naiotʼtkweʼnienstónhake ne kariwí꞉ios tsi nòkwa ne Kerístos. Ethòne iahonsakwanatarénase khés ne iáh, Thóh kiʼní꞉ioht tsi enkáronke tsi akwékon neh shesewanikónra íken. Ethoʼní꞉ioht tsi enwakateriéntarake tsi skátne sewaióhte tánon kwá íken tsi tesewaʼniotátie nakorénson nahontahonnéthaʼkwe ne kariwí꞉ios.

Philippians 1:29

Tánon ehtsisewahiatateríston. Iáh nék khók tohkàken tsi Kerístos thetsisewetákwen, nók sewaronhiakénhen ne rahónha raoriwáke.

Philippians 1:5

Ne karihón꞉nis tsi takwaié꞉nawaʼse tsi teionkwateriwareniatonháties ne karihwí꞉ios ne kwáh sontontenniseratiérente wesewáronke.

Philippians 1:6

Rawenni꞉io seh tehtsisewathasawén꞉ni kiʼ kaiohtenserí꞉ios, ó꞉ni kwáh orihwí꞉io wakón꞉ni tsi iáh tahátʼkawe nohénton ne iahontésha ne enwenniseráteke nó꞉nen ne Kerístos Ié꞉sos thètʼtre.

Philippians 2:19

Tewakatonʼwentióni nahonkenikonráreke tsi nahóten ahkeriwháronke ne tionháke. Ne kíʼ nakaskanéktshera ne Roiá꞉ner Ié꞉sos kwá iosthóre ahakeríhon ne Timothy iahonsahiʼiathóri ne tionháke.

Philippians 4:1

Tekanóron tewathenrosónhas, Kwanorónkwa tánon wahónʼnise tkwakènʼne. Aisewathontátseke niaisehwatasónteren naisewariwatokénhake tsi nòkwa ne Roiá꞉ner. I꞉seʼnakerensaróntsera ó꞉ni natsennonʼniátsera.

Philippians 4:15

Tewatenrohsónhas thonònʼne Philippi, sewehiáre tsi niʼiohthónʼne ne sonthakatásawen sakateriwhanóten ne kariwí꞉ios thónon ne Macedonia. Ne aherensathontákethe neh nón, nék khók ne tsi sewaterennaienthákwa waskwatsiátarase tsi thesewátkaʼwe ne kaienawasétsera tánon nek khók sesewahiatatéristhe.

1 Thessalonians 1:3

Asèken rahohénton ne Sonkwaní꞉io ó꞉ni ne Kanisera tsi iakwehiare tsi nisewahioténston tsi nitisewetákwen, tsi nitsionniénni ne sewanoronkwátsera iahisewátrehke tsi wesewahióten, tánon ó꞉ni ne sewaskanéktsera tsi nihioriwahníron thóh rahonháke ne Sonkwaiáner Ié꞉sos Kerístos.

2 Timothy 2:10

káti orihwaʼkwékon wahkatakastáton neh akoriwáhke tsi nihiákon ne Rawenni꞉io sakohiatarákwen, ehnahontáwe rohnónha ó꞉ni ahatiʼiéna ne kaiatakenáh꞉tsera tsi nítewes rahonháke ne Kerístos Ié꞉sos ó꞉ni ne ionhehónʼwe kahiatanerakwátsera.

Hebrews 12:1

Nontionháke, iakotiokowáhnen tehionkhiʼiatiatáton nahionkhiriwahnirátshe. Kwáh káti, tewahtiakwahríshi tsi nahoténsons ne ionkwahiotátis, tánon ne kariwáhneren tsi nihiokwísron tsi ionkwahtienawáston, áhnion káti tionkwahnikonrahsahatónhak tsi tewahtátʼke tsi naʼtehionkwahréron nonkwahénton káien.

Hebrews 4:1

Nónwah, Rawenni꞉io wahshonkwáhtatshe ne karahrátʼtsera nahónton aitewahiéna natorihsénhtshera tsi nihotʼró꞉ri. Ánion tewahtennikonráhren, káti, tóhsa ónkah tsi nítion naisewahrihwahnóron né iáh taisewahienásere nètho kahrahrátsʼton.

Hebrews 4:11

Ánion káh, káti, iatethewahtatʼtiáhat aitewahiéna nètho atoriséntshera, nekáti ne tóhsa ónhka tsi nítsion naionkwahriwahnóron tsi né nihotihiatawénhen tioríhwa tsi nitohnathotʼtaníhakwe naʼthokhátshera.

Hebrews 5:9

Tsi ónen watatónkothe, raónha ne kashatsténshera waháton ne ionnhehónwe kaiatahkeʼnhátshera né꞉ne tsi niiá꞉kon nenhonwahwénnarahkwe,

1 Tiér 2:11

Kwanekénnis, tewatenrosónhas, tsi kenkʼthitionkwénon ó꞉ni ionkwanahtenháwis ne kén꞉en ionwentsiáte! Tóhsa sewatiakwarísias tsi nitewaskáneks noierónta, nehʼne tsi tiókonte ionaterí꞉io natónnhets.

2 Tiér 3:18

Nók iasewatasónteren sewatehiáron thóh nónwe ne rahotenretserákon ó꞉ni ne rahotʼthokhatserákon ne Sonkwaiáner ó꞉ni Sonkwaiatákwen Ié꞉sos Kerístos. Rahónha ne kahiatanerakwátsera, nónwa ó꞉ni tsi nénwe! Éhʼtho naiáwenʼne.