Philippians 2:11 - Ohiatonhseratokénti

¹¹ Tánon kwáh tsi niaʼtewenhnáhsake tsi enkariwahniráton nètho Ié꞉sos Kerístos tsi raʼónha ne Roiá꞉ner, tóh nètho raohiatanerakwatsherákon ne Ní꞉io Kaníhsera.

Philippians 2:11 ပူးပေါင်းရင်းမြစ်များ

Psalms 110:1

Ne Roiá꞉ner roró꞉ris natiá꞉ner né, “Kénʼen shátien tsi keweientetákwen tsi nió꞉re ne iesháswens enkheiatakéron ne shashitókon tsi ní꞉ioht ne teshashitaráh꞉kwa.”

Psalms 18:49

Asèken ne kí kí꞉ken ne kwáh enkonsenhnakará꞉thate, Ó Saiá꞉ner, roʼnón꞉hake ne ronhnonhontsakeró꞉nons, tánon tenkeríwakwe ne kanonweratónhtshera to sasénhnakon.

Jeremiah 23:6

Ne nónen enhonontí꞉ioʼke, nonhkweshón꞉a ne Judah kwáh enshontatewenhní꞉ioʼke, tánon nonhkweshón꞉a ne Israerʼró꞉nons skénnon tsi enshonnónhnheke. Ne enhonwanahtónkwahke ‘Ne Roiá꞉ner nonhkwahiathaʼkenhátshera.’

Matthew 10:32

Onka iah tenhakatehasere nonkȣene, iahki oni nii taontahiiatehase raohenton ne Rakeniha Karonhiake thenteron.

Luke 2:11

Ne tsi onȣa konh ȣenniserate, Taȣit raonatakon etsiseȣennakerati ne Sesakoskontakohe ne oni ne Keristos, Roianer.

John 12:42

Ronentiokoȣanen sane ne ratitsihenstakȣeniios tahonnetakȣe raosennakon, iah ki tanon ȣehne tohonnonniskȣe, ne tsi sakotitsaniskȣe ne Pharisian, onȣa sotsi tenthonȣatiiatinekenȣe tsi ionterennaientakȣa.

John 13:13

Roianer nok Raȣenniio takȣanatonkȣa, akȣa neneh tiseȣariȣaierists: aseken tokenske Ii.

John 13:14

Ne kati kehiken ts Ii ine Roianer, oni ne Raȣenniio tanon Ii ȣakȣasitohare; etho kati oni nise nenseȣaiere enhietsiiasitohare nakoren.

John 14:13

Nok tsi ok nahoten enseȣariȣanonton nʼii aksennakon eh se nenkiere; eh naontaȣe Roienha aharihonni ahonȣasennoȣanate ne Roniha.

John 14:23

Tontahoȣennaȣeron ne Iesos, nok ȣahenron: nonka rakenoronkȣa enhateȣeienton nakeȣenna, neh enhonoronkȣe ne Rakeniha; nok nii entsiteȣaiatorenne nok raonhake ienteȣatien.

John 17:1

NE nonen saharihokton ne Iesos; Karonhiake iahatkatho, ȣahenron: Rakeni! onen ieiohe; ehtsennoȣanat ne Etsienha, naiasennoȣanate oni nise nʼEtsienha.

John 20:28

Nok nʼAtonȣa tahenron: Saianer nok Ake-Niio.

John 5:23

Eh naontaȣe akȣekon ahonȣakonnienste ne Roienha, tsi nihonȣakonniensta ne Roniha. Onka iah tehokonniensta ne Roienha iah ki tehokonniensta ne Roniha, aseken raonha thotennieton.

John 9:22

Neh ȣaonni eh naniiere ne ronȣaienha tsi taiatati ne tsi sakotitsaniskȣe ne Sitaeronon: Aseken ne Sitaeronon otiake onen sisakotitaston ne ionton oni ne tiakaȣetakon tsi raonha ne Keristos, oni sesakotiiatinekenhon tsi ionterennaientakȣa.

Acts 10:36

Sewateriéntare tsi niwateriwanothatseróten iesakothenietén꞉ni nIsraeʼrónons, ratʼroríhawe ne kariwí꞉ios neh skén꞉non raonháke ne Ié꞉sos Kerístos, tsi nikáien neh akwékon Tseʼsakoiá꞉ner.

Acts 2:36

“Onkwetaʼkwékon ne Israeronónke, káti, ahiakoteriéntaraʼne tsi kwáh oriwihioʼónwe ne kí꞉ken ne Ié꞉sos, tsi nikáien ne teʼtsisewahiásonʼte, tsi raʼónha ne Rawení꞉io rosennáhwi tsi Roiá꞉ner ó꞉ni ne Kerístos!”

Romans 14:11

Asèken noriwatokénti wáton, “Tsi nihioriwí꞉io tsi í꞉i ne konʼnheónwe Ní꞉io, ráton ne Roiá꞉ner, kwáh tsi niatehionkwétake tsi tenhionkatentʼtsóthaʼse, tánon kwáh iatehionkwétake tsi enieriwanírate tsi í꞉i ne Rawenni꞉io.”

Romans 14:9

Tsi rawenhéion ne Kerístos tánon tsi tetʼthotkétskwen nahonsarónʼnheke ne tióha nasakowenní꞉ioke ne iakónʼnhe ó꞉ni ne iakowentáʼon.

Romans 15:9

tánon nahothiʼiénawaʼse ne iáh tehatisitaeronons ne tahonwanonweráton ne Rawenni꞉io rahotanitenráhtsera. Tsi niwáton noiatonseratokénti, “Tanon káti nónen skát꞉ne iákwes ne iáh tehatisitaerónons tenkonnonweráton; tenkonriwáhkwaʼse.”

1 Corinthians 12:3

Tewahkatonwenhtsióni nahisewahteriéntaraʼne ónhka né꞉ne iakosháh꞉rine ne Rawenni꞉io Raonikónrah kwáh iáh ónhka taiekwéni nahiaiéron “Ronkwahkénron Ié꞉sos!” tánon iáh ónhka taiekwéni nahieriwahnírahte “Ié꞉sos seh ne Roiá꞉ner,” tóhka iáh ne Ronikonriʼióston teshakonikonrahnonʼnáhties.

1 Corinthians 15:47

Ne thóh tierentákwen Á꞉ton, okénrah ronwahiatonniáton, okenráhke nón nitawénon; ne tekeníhaton Á꞉ton karonhiáke nón nitawénon.

1 Corinthians 8:6

kwáh kíʼ nonkwahriwáhke saiátak khók kíʼ ne Ní꞉io, rahónha ne Kanísera, rahónha Rohshahánion noriwahkwáhkons tánon rahonháke nónwe niʼtsiónnhe; tánon saiátak khók ne Roiá꞉ner, né꞉ne Ié꞉sos Kerístos, rahonháke non niʼtiawénon tsi kashahánion noriwahkwékon tánon rahonháke nónwe nitsiónnhe.

1 Tiér 1:21

Rahonháke nónwe nitiawénon tsi tatsisewétakwe ne Rawenni꞉io, tsi nikáien shokétskwen ne kenheiát꞉ne tánon taháwen ne kaiatanerakwátsera; tánon káti ne sewetakwéntsera ó꞉ni ne sewaskanéktsera thóʼnon nikahkwatákwen rahonháke ne Rawenni꞉io.

1 Sawátis 4:15

Tóhkaʼ entewatróri ne Ié꞉sos tsi Rawenni꞉io Roʼníha, tsi kwá tehionkwateriwasóntere ne Rawenni꞉io ó꞉ni ne ronnheʼónwe Rawenni꞉io tsi tehionkwateriwasóntere ne ronónha.

1 Sawátis 4:2

Kén níʼ ní꞉ioht tsi ensewatókense tóhkaʼ kén Rawenni꞉io rahonikonratokénti nètho íken: nónkakíʼok enhariwanírate ne Ié꞉sos Kerístos ónkwe rotonhon ráhawe nonikónra ne Ni꞉ióʼne nitsawénon.

2 Sawátis 1:7

Ronatiohkowá꞉nen ne rathinikonrátha tehonarénion tsi ionwentsiáte, ónka ne iontonhniha ne Ié꞉sos Kerístos thóh niʼioht tsi tawé꞉non tsi ní꞉ioht nónkwe. Ne nihionkwethóten kwáh ienikonrátha tánon ronwatkónte ne Kerístos.

Revelation 3:5

Tó꞉ka enshateshén꞉ni, ní꞉se kwáh thóh ní꞉iot tsi ensatierónhnike tsi ní꞉iot ne ronónha né꞉ne wakó꞉ses í꞉ken, tánon ní꞉i kwáh iáh thaonsakonhsenhnará꞉ko ne kaiatonhserá꞉kon ne iónhne; tánon ní꞉i kwáh enkeriwaní꞉rate ne sashén꞉na raohén꞉ton ne Rakeʼní꞉ha ó꞉ni raotihén꞉ton ne raoronhiakerononó꞉kons.