Philippians 2:10 - Ohiatonhseratokénti

¹⁰ Neh káti aoríwa nenhonwasennáronke ne Ié꞉sos kwá kíʼ onhkwetaʼkwékon tsi teniontentióten, neh karonhiáke, ó꞉ni nonwentsiáke, tánon neh nonwentiokónson.

Philippians 2:10 ပူးပေါင်းရင်းမြစ်များ

Genesis 41:43

Ne wahoʼseréhton nahohonwiʼseré꞉sheke ne tekeníhaton ié꞉kate noʼtsónhkwa; tánon waʼthotihén꞉rehte ne raohén꞉ton, “Tesewatentshó꞉ten!” Tánon katiʼ ráonha wahorihón꞉ten ohontsakwé꞉kon ne Egypt.

Psalms 95:6

Ó ká꞉sewe, ánion entsitewasénhnaien tánon tethewatʼtsáket raohénton, Ánion tethewathentʼtsóten rahohénton ne Roiá꞉ner, ne shonwahiatíson!

Matthew 12:40

Aseken asen nonta asen oni niȣasontake tsionnhoȣane kaiatakon iehaiatitakȣe ne Jonas, eh kati oni nehneh nenhiaȣenne nʼOnkȣe Ronȣaienha, asen nenȣata, asen oni niȣasontake onȣentsiakon ienhenterontake.

Matthew 27:29

Nok ohikta ȣahonnonȣarotseronni neh ȣahonȣanonȣaroroke, tanon tsi raȣeientetakon nonkȣati taonȣanhnion, teho ȣatontsotanihakȣe, ronton: ȣatkȣanonȣeron Israerronon Iesanontiio!

Matthew 28:18

Nok akta ȣarete ne Iesos ȣasakaȣenhase; kasastenserakȣekon ionkaȣi ne Karonhiake oni nonȣentsiake.

Romans 11:4

Onh ní꞉ioht tsi wathoriwaserákwaʼse neh Rawenni꞉io? “Tsiátak tewenʼniawehetʼtserásen niháti ronʼnónkwe kehiatsenawásthonʼne nehʼne iáh tekonwasénʼnaien neh iotokenthitserákʼsen Baal.”

Ephesians 1:10

Tsi nihotenikonríson, ne Rawení꞉io ienwatewehieiéntaʼne ne nónen kwáh entkaiérike neh naiáwen꞉ne, nehne oriwakwekon ensaróhʼroke tsi naotenson rosahanion, oriwakwekon ne karonhiáke ó꞉ni nonwentsiáke, tánon Kerístos nonóntsi íken.

Ephesians 3:14

Neh kíʼ wakarihónni wakʼkatentʼtióten rahohénton ne Kaníhsera,

Ephesians 4:9

Ónen, nahóten kéntons, “sonsahatharátate”? Ne kénthons tahatiérente thóh nónwe wárawe tsi nón neh kwáh ehtáke íken tsi ionwentsiáte.

Hebrews 1:6

Nók nónen ne Rawenni꞉io ákta síweh nahontaoténiethe ne tiotserénton rawennakeráton roiénha ne tsi ionwentsá꞉te, wahénron, “Ratikwékon ne Rawenni꞉io raoronhiakerónons ónenk tsi enhonwahsénnaien.”

Revelation 20:13

Tánon ne kaniatarakeʼkowáhne thontaiakohiatón꞉ti né꞉tho nón꞉we nihonenhé꞉ion, Ne kenhé꞉ion tánon ne tsi tionhontsá꞉ien ne kenhé꞉ion thontaiakoiathónti né꞉tho nón꞉we iehón꞉nes, tánon ratikwé꞉kon wathonwatihiató꞉rehte ne tahioianénhawe tsi nihonatié꞉ren.

Revelation 4:10

ne tewáhsen kaiéri nihá꞉ti ratirehtsá꞉ron wahatiiataién꞉taʼne raohén꞉ton tsi niká꞉ien né꞉tho renskó꞉te anitskwará꞉ne, tánon wahonwashén꞉naien tsi niká꞉ien ne raónha enrónhneke tsi nén꞉we tánon tsi nén꞉we enkénhake; thóh wahatí꞉ien ne raonanonwaró꞉re ohén꞉ton tsi wanitskwaráhserote, tehothiriwákwen, nónen thoh nenhotí꞉iere,

Revelation 5:3

Tánon iáh ónhka ne karonhiá꞉ke khéhs nonwenhtsá꞉ke khéhs ne nà꞉kon tsi ionwenhtsá꞉te teiakokwé꞉nion ne taiehiatonhseraʼkhási khéhs nahiontkáto.