Philippians 1:9 - Ohiatonhseratokénti

⁹ Wahkaterénnaien ne sewanonronkwátshera ne iakakóntakwe ahʼhontehiáron ó꞉ni kwá ahontakaiérike tsi aisewateriéntharake ó꞉ni aihsewanikonraiéntane.

Philippians 1:9 ပူးပေါင်းရင်းမြစ်များ

Job Tánon ne Raoronhiakensera 17:9

Ne rotiiáneres ronatienawáston tsi nihatiweienó꞉tens; tánon tsi niiá꞉kon ne iakotetsanatkwéniens iakoshatstenhenhátie nenhné꞉e.

Psalms 119:66

Takerihónhnien nahioianeréhake tsi tatiatoréhthake norihwasónhas ó꞉ni ne táskon natʼtokhátsera, asèken tewaketákwen ne sahtsawenhráhtseras.

Proverbs 4:18

Kí꞉ken oháha ronthahí꞉ne thotirihwaié꞉ri thóh ní꞉ioht tsi shí꞉ken takarahkwínekenʼne, sénha teioswatheʼonhátie tsi niió꞉re entiehkè꞉ne én꞉wawe.

1 Corinthians 14:20

Tóhsa iekʼshahnéha tsi ní꞉ioht tsi sewahnonthonniónhek, tewatenroʼshónʼa; tesewahtetʼshathóntat tsi nióre ne kariwáhneren tsi ahonnontonniónheke, ónk sewahthonkwetisonhónhak tsi ní꞉ioht tsi sewahnonthónnions.

2 Corinthians 8:7

Tsi nisewakwáhtshe tsi nahoʼténhshons sewá꞉ien, né꞉ʼe ne teweʼtáhkwen, sewaronkhaʼtsherí꞉io, ó꞉ni attokháhtshera, tsi natesewasteríhens naiesewatasnié꞉nen, ó꞉ni tsi niskwanorónhkwa. Tánon káti ó꞉ni teionkwatonhontsó꞉ni naontisewariʼwaié꞉rike tsi nonkwá꞉ti kí꞉ken kaioʼténhsera ne kanoronhkhwáhtshera.

Ephesians 5:17

Tóhsa tasewathonʼnókʼtat, nók satheniénten naseriwatʼtsénri nahóten tehonthohontió꞉ni ne Roiá꞉ner ahisahióten.

Colossians 1:9

Asè꞉ken kwak sakwasennáronke neh iorihonní꞉hon tsi kwáh tió꞉konthe kwaterennaién꞉ni. Wahsakwariwahnóntonse ne Rawenni꞉io neh ahtsisewahiatanáh꞉ne atthokhátshera tsi nih thóh nikonrihió꞉on, kwáh akwé꞉kon natenikonrowanhatsera ó꞉ni ne kanikonraientátsera tsi nitewetha ne rahosasténsera.

Colossians 3:10

tánon ó꞉nen oweién꞉nase tsi nisehseweiennó꞉tens. Ne kí꞉ken ne á꞉se tiotasawáhkwen tsi nokwáh ne Rawenni꞉io, ne Rohsahánion, kwáh tiokontákwen á꞉se srónnis kwáh tsi ní꞉ioht ne raónha, ehnahontáwe kwáh iakaié꞉rike tsi ahtsheriwaienteráh꞉ne.

1 Thessalonians 3:12

Aiáwens ne Roiá꞉ner narónni ne kanoronkwáhtshera tsi natesewáhtere ó꞉ni nonkwetakwékon nahonteiáron sénha wéso ó꞉ni thóh nakowahnénhake tsi ní꞉i nikwahnorónkwah.

1 Thessalonians 4:1

Nonakénh꞉kha, tewatenroʼshón꞉ʼa, wahkwahrihónnien ónh꞉ní꞉ioht tsi aitiónnheke tsi ahontatsisewahnikonraiérite ne Rawenni꞉io. Ne kí꞉ken, ne kwáh thóh ní꞉ioht, tsi tionnhétie꞉ne. Tánon nónwa wahkwanéken ó꞉ni kwahretiárons raosénnakon ne Roiá꞉ner Ié꞉sos ne sénha ísinon tsi naisewáh꞉iere.

2 Thessalonians 1:3

Tewatenroʼshón꞉a, kwá tiókonte ioteriwíshon tsi tasakwanonweráton ne Rawenni꞉io ne sewahriwáhke. Kwá ioiánere neh naiakwáiere, tioríwah ne sewehtakwátshera tsi nióre tsi ioteiárontse ó꞉ni tsi natesewahtatenorónkwa sénha iotehiaróntie.

Philemon 1:6

Nahkaterénhnaient né tsi tewahkwé꞉kon ní꞉se né tsi tionkwetákwen né entʼkáhawe ne sénha ahionkwahnikonrahiéntane ne kwáh tsi ní꞉kon ne kahiatatheríhtsheras tsi nihionkwáhien tsi nitiónhne tsi nahtehionkwahterihwahshónʼtehʼre ne Kerístos.

Hebrews 5:14

Ne iokhwáh ní꞉ron, né꞉ne ne iakotehiáron akówenk, tsi iakoweientetáhon eniekwéni tahiekháshion tsi natetsátere ne iohiánere tánon ne wahétken.

1 Tiér 1:22

Nónwa ne tsi sewatewennarákwen ne oriwiʼioʼónwe níse iatesewaiáti tsi sehsewatonnakanónni ó꞉ni ne iahátkene naisewaháwake ne naioriwatokénhake tsi aietʼtsinorónkwake ne ronatiakhésons ne thoʼnetákwen, tesewatatenorónkwak tasewanikonrakontakwénhak kwáh seweriasakwékon.

2 Tiér 3:18

Nók iasewatasónteren sewatehiáron thóh nónwe ne rahotenretserákon ó꞉ni ne rahotʼthokhatserákon ne Sonkwaiáner ó꞉ni Sonkwaiatákwen Ié꞉sos Kerístos. Rahónha ne kahiatanerakwátsera, nónwa ó꞉ni tsi nénwe! Éhʼtho naiáwenʼne.