Philippians 1:8 - Ohiatonhseratokénti

⁸ Rawenni꞉io khók rotheriéntare tsi natewakathonwentióni nakwáken. Rotheriéntare tsi kwáh ehní꞉iott tsi tekwateriéntare tsi ní꞉ioht ne Kerístos Ié꞉sos.

Philippians 1:8 ပူးပေါင်းရင်းမြစ်များ

Job Tánon ne Raoronhiakensera 16:19

Shé꞉kon nón꞉wa, kwáhse, nakerihwanirátshera karonhiá꞉ke tká꞉ien, tánon ne thakénes è꞉neken nón꞉we thèn꞉teron.

Isaiah 16:11

Èʼthoh káti ne wahón꞉ni tewakerhiaʼsíshonkwah tsi ní꞉ioht onowakówa ne aorihwàke Moab, tánon ne kwáh akatónnhets né꞉ne aorihwàke ne Kir-heres.

Isaiah 63:15

Eʼtàke tasatʼkátho né tsi nón꞉we teshí꞉teron ne karonhiáke tánon satʼkátho, thóh nón꞉we nahontáʼwe tsi niʼiotokénti tánon né kaiatanerakwáhtshera í꞉ken né tsi teshí꞉teron. Kaʼní꞉wes ne sanoronhkwáhtshera tánon ne sashatsʼténhsera? Né naoskanéktshera ne seríhaʼne tánon ne sáwenk senhtenhrátshera? Iáh akonháke thetewé꞉tha.

Jeremiah 31:20

“Israel, í꞉se ne kwáh tkonorónkwah konhiénʼa, tsi nikáien ne kwáh tiohiánereh riʼnorónkwah. Ne nónen enkonnáhton, tsi enkonhianonhtónnionʼse ne ne kanoronkwáhtshera. Nakwéri sakáneks; kwáh enwahtsiénthake naʼthaniténron.

Luke 1:78

Akȣa rahotanitenraserakon ne Sonkȣa-Niio, eh oni takaientakȣe tsi ȣasonkȣatkense ne Eneken tkarakȣinekensta.

Romans 1:9

Rawenni꞉io seh rakeriwanirátis tsi nahóten káthons tsi oriwíhiose—rahónha ne Rawenni꞉io tsi nikáien rihiótense neh kwáh akeriasakwékon tsi ní꞉ioht tsi kateriwanhótha ne karihwí꞉ios tsi nòkwati neh Roiénha. Rawenni꞉io rotheriéntare tsi kweʼiáre.

Romans 9:1

Kwáh oriwí꞉io watʼtharákwen; Kerístos nʼí꞉i rahonkwéta tánon iáh tekanowéntha. Nakwéri neh꞉ne Ronikonriʼióston thoniarótaron, tánon ó꞉ni rakeriwaniráti tsi iáh tewakenówens

2 Corinthians 13:9

Ionkwatshennón꞉nihak nó꞉nen ionkwatsiʼióha, nok ní꞉se sewahsátste. Tánon kiʼ ó꞉ni ionkwaterénnaien ne í꞉se iaisewatahsónteren ne aisewatehiá꞉ron tsi nonkwa ne tewehtáhkwen.

2 Corinthians 6:12

Iáh ní꞉ʼi thaʼtekwanonhianí꞉ekhon ne onkeninoronhkhwáhtshera. Kwanorónhkhwa, ók ní꞉se iáh tetisewatká꞉was ne sewanoronhkhwáhtshera ne onkenirihwà꞉ke.

2 Corinthians 7:15

Titus é꞉so tsi tshisewanorónhkhwa, kwáh sénha tsi sahrehiá꞉raʼne tsi ní꞉kon tshisewawennaráhkwen tánon wesewaiaʼtishónhkwe tsi niió꞉re tsi tesewatónhneke shá꞉rawe tánon watshisewakweniénste.

Galatians 1:20

Tsi nahóten khiátons kwáh tóhkenske íken. Rawenni꞉io roteriéntare tsi iáh tekanowéntha

Galatians 3:26

Tewetákwen nón nitsawénon tsi kwáh sewakwékon Rawenni꞉io tsiʼsewaʼioʼokónha sewatónʼon ne tsi tesewateriwasóntere ne Kerístos Ié꞉sos.

Galatians 4:19

Nók oh tekanóron kwaienokónha! Kwáh káti shékon ne teskaieróntare tsi ní꞉ioht ne kanisténsera iakowiraientásere, kwáh thóh ní꞉ioht tsi tewakawehéstha ne sewariwáke tsi nióre ienkáhewe níse naʼtsisewanonteratiéseke ne Kerístos.

Philippians 2:1

Kerístos ianikonketskwas, tánon ne raononronkwatsera sanikonraiewenhthota. Rawenni꞉io Rahosatsʼténsera sahwenón꞉ni, nók níse akorénson iathesehianonthón꞉nions.

Philippians 2:26

nók kinónwa kwá íken tsitehosteríhens nahonshatsiʼsewáken. Tehothatenikónrare, neh tsi wesewariwháronke rohnonwatʼthaníhakwe.

Philippians 4:1

Tekanóron tewathenrosónhas, Kwanorónkwa tánon wahónʼnise tkwakènʼne. Aisewathontátseke niaisehwatasónteren naisewariwatokénhake tsi nòkwa ne Roiá꞉ner. I꞉seʼnakerensaróntsera ó꞉ni natsennonʼniátsera.

Colossians 2:1

Tóh kwaró꞉ri tsi nío꞉re tsi wakatatre꞉ne tsi nikwahʼiòtense ó꞉ni ne Laodicea nón꞉we tatinákere ó꞉ni ne ronatiakhéson ne iáh tehiontienté꞉ri.

Colossians 3:12

I꞉se ne Rawenni꞉io rahonkweʼtashón꞉a; wahʼhianó꞉ronkwe tánon waʼhiaiatará꞉ko ne rahonhatsí꞉wa rahonkwè꞉ta ahsáton. Kwáh káti, ó꞉nenk tsi ne ensewahiatóronke ne weriasí꞉io, ahontesewariwahié꞉rike, ataniténron, tóhsa sewahní꞉ronk, tánon sewahnikonkástet.

1 Thessalonians 2:5

Kwáh íken tsi sewahteriéntare tsi iáh thóh iséke tiehionkwénon ne karensarontsherákon tsi ní꞉ioht tsi ahionkwataráke, iáh ó꞉ni owennasónhas tehionkwáston naiakwaróhroke ne ahskenátshera—Rawenni꞉io ne sonkwariwaniráti!

1 Thessalonians 2:8

Tioríwa ne tsi nikwahnorónkwah ionkwahtateweienʼnentahónk taitewahiéna iáh nek tèken ne kariwí꞉ios tsi nitsiawenón ne Ni꞉ióʼne ónk tsi iatiónnhe ó꞉ni. Tsi nióʼre tsi kwahnorónkwahkwe!

2 Timothy 1:4

Kèhiareh ne sewahkáseris, tánon tsi natewahkathonwentióni nahkónken, neh꞉ne ahtiatánaʼne ne atʼtsenoniátsera.

Philemon 1:12

Ó꞉nen ki sonhà꞉ke nón꞉we ienshiiaténiethe, tánon akwé꞉ri énhʼne.

Philemon 1:20

Káti, tiatathéken, ashatʼthontatʼtshéhke ken nahtakatié꞉ras ne Kerístos rahoriwà꞉ke; tsi tiatathéken raonhà꞉ke ne Kerístos, takatʼtienhnonniáten!

1 Sawátis 3:17

Tóhkaʼ ionkwakwátie tánon enhetʼthíken nakorénson rothinoronsténni, sók entewanóthon nonkweriáne ne rohnonhakéson, onh ní꞉ioht tsi aitewariwanírate tsi etʼtsitewanorónkwa ne Rawenni꞉io?