Philippians 1:7 - Ohiatonhseratokénti

⁷ Sá꞉ien ne ionakʼtató꞉ken nakwerhiá꞉ne. Kwáh káti saohiérat tsi eh ní꞉ioht tsi katʼtókas. Kwáh káti sewakwé꞉kon sewastsnié꞉non tsi nikaiohtenseróten ne Rawenni꞉io thakáwi, tsi ní꞉iott tsi enkaterí꞉ioseh ne karihwí꞉ios tsi ne entʼthárakwe kén nónwe kíʼ ionthatenotónkwa.

Philippians 1:7 ပူးပေါင်းရင်းမြစ်များ

Acts 20:23

Thotʼkhók níkon wakateriéntare kwáh tsi niatekanátake ne Ronikonratokénti tsi rakaronkaténniskwe enhionkenóton ó꞉ni tenwatenónʼianithe tsi tenwakenikonráren.

Acts 21:33

Ne raterihioserakweʼní꞉io Kór tsítres niaháre, Wahoiéna, tánon wahahónnien tekaronkwáʼsake tahonwanenstérenke. Ehʼthóhʼne wahariwanónton, “Ónhka kí꞉ken rónkwe, tánon onhʼóni niʼohtsiéren?”

1 Corinthians 13:7

Kanoronkwátshera iáh nonwénton tehiotsiaʼkwaríshion; iáh ó꞉ni tsi nitsiawetákwen, iáh ó꞉ni nahoskanéktsera, tánon tekawhiʼshástses iáh tehioʼriwanórons.

1 Corinthians 9:23

Oriwahkwékon kí꞉ken thóh nitiérah né꞉ne kariwí꞉ios ahorihónniat, eh nahontáwe nahkatiátaren ne ahohiatateritserákon.

2 Corinthians 3:2

Nok í꞉se akwah né꞉ne onkwahiatónhsera í꞉ken, ó꞉ni tewakwé꞉kon ne onkweriahnéhshon aiá꞉wens onkweʼtakwé꞉kon aiehtshiwennahnó꞉thahse, ó꞉ni akwé꞉kon ahotiʼnikonhraién꞉taʼne.

2 Corinthians 7:3

Iáh neteká꞉ton ne akwentoráhsten. Nok tsi nahò꞉ten wá꞉ken ne ohén꞉ton, tiótkon enkwehià꞉rake, tóka entiónhnheke tóka ó꞉ni enionkwenhé꞉ion.

Galatians 5:6

Asèken ne nónen Kerístos Ié꞉sos tehionkwateriwasóntere, kwáh nèn꞉ne iáh thènen thatekatíhas aiontatewarakwétaronke tóhkaʼ ó꞉ni iáh, kwáh iáh thènen tewatsterístha; tsi nahóten iorihowánen nehne tewetákwen tsi iohiótens ne kanoronkwaʼtserákon.

Ephesians 3:1

Neh kí꞉ken iorihonníʼon í꞉i, Kór, kenhóton neh tsi Ié꞉sos Kerístos rihiótense níse sewariwáke ne iáh tesewasitaherónons, sewaterénʼnaien rahonháke ne Rawení꞉io.

Ephesians 4:1

Kwaretsárons, káti—í꞉i ne keʼnhóton neh tsi Roiá꞉ner rihiótense: thóh tiónʼnhek tsi nateiotonhontióʼon tsi nithotáthnon ne Rawenni꞉io neh shatsisewánha꞉ne.

Ephesians 6:20

Neh kíʼ aorihónniat neh kariwí꞉ios í꞉i rihiathátiase ne Ié꞉sos Kerístos, iahwerohátsien tsi ónen keʼnhóton. Sewaterénʼnaien nehne ahonkenikonratʼtianíthon tsi akathátsiase ne kariwí꞉ios tsi niwakateriwaiénʼni.

Philippians 1:12

Thekanóron onkwathorohsónha, Thewakatonwentióni naisewateriéntarane ne tsi nontiáthawen sénha wakahiáneraste tsi tahonthiriwaréhni ne kariwí꞉ios.

Philippians 1:13

Ne Romeʼró꞉nons rathinònʼne ó꞉ni akwékon ne ronatsiakhésons ronahtheriéntare tsi kén kenóhton ne iorihón꞉ni tsi Kerístos riʼióhtense.

Philippians 1:14

Nón꞉wa thówa ratikwénon tsi nihá꞉ti neh Kerístos ronwanonteráties wahothinikonrahtsianíʼthaʼne tánon kwá iáh othènen thesathitsánis nahontheriwhanóten.

Philippians 1:5

Ne karihón꞉nis tsi takwaié꞉nawaʼse tsi teionkwateriwareniatonháties ne karihwí꞉ios ne kwáh sontontenniseratiérente wesewáronke.

Philippians 2:22

Nók sewatheriéntareʼne tsi nihronkwethóten ne Timothy. Ehníʼioht tsi skátne ionkiniʼioténhen tsi síken ní꞉ioht ne riʼiénha akénhake tsi teiontsateriwaʼrieniatonhátie ne kariwí꞉ios.

Philippians 4:14

Kwá thesewariwhaʼiérithe tsi waskwasniénon ne shiwakathesennáksen.

Philippians 4:15

Tewatenrohsónhas thonònʼne Philippi, sewehiáre tsi niʼiohthónʼne ne sonthakatásawen sakateriwhanóten ne kariwí꞉ios thónon ne Macedonia. Ne aherensathontákethe neh nón, nék khók ne tsi sewaterennaienthákwa waskwatsiátarase tsi thesewátkaʼwe ne kaienawasétsera tánon nek khók sesewahiatatéristhe.

Philippians 4:3

Tánon, neh kwá tehionkwariwaʼienawákon, kwá ne kénnis ne aietsiʼiénawhase. Nètho tionatʼthonwísens skátne ionkwahioténhen tánon ne Clement ó꞉ni neh ronatiakhésons ne wathonteriwaréniaʼte ne kariwí꞉ios. Thónon ónen nihathisénnare ne kahiatonserákon ne hionʼnehónwe.

Colossians 4:18

Kwáh I꞉i Kór katiá꞉nake wahkátste tsi watʼkhá꞉ton kí꞉ken. Tóhsa saʼnikónren nakeronkwáh꞉sa! Aiá꞉wens ne Rawenni꞉io raoténrat aisenikwekónhake.

Colossians 4:3

Ne ikénet takwaterennaiénhas nonkwatià꞉kes, ne káti ne Rawenni꞉io nahontashóntion nahionkwatesenní꞉ioháke naitewahteriwahnó꞉ten ne rahoterihwatothátshera tsi nitkarihwahsehtón꞉ne tsi nokwáh ne Kerístos. Asè꞉ken ne aorì꞉wa nón꞉wa ó꞉nen kehnó꞉ton.

1 Thessalonians 5:5

Kwáh sehwahkwékon kí꞉ken tiónkwe thóh nón nisehwahiátare tsi nónwe nateioswátʼthe, tsi nikáien rahonáwenk nennísera. Iáh thóh nónwe tetewahiátare tsi tetiókaras thó꞉ka ó꞉ni nasátakon.

2 Timothy 1:8

Tóhsa satehénsek, káti, natierihwanirátʼtie ne Sonkwaiáner; tóhsa ó꞉ni takathéʼhens, kenóton ne Kerístos rahorihónniat. Khék, sahtiataren ne karonhiakenserakon ne karihwi꞉io ahorihwahke, tsi nentʼthion ne Rawenni꞉io ne kasastensera.

2 Timothy 2:9

Tsioríhwa tsi katerihwanótʼtha ne kariwí꞉ios, wahkeronhiáken tánon ó꞉ni kwáh oronkwása ìkneren tsi ní꞉ioht ne sohterihwatewáton. Onk ne Rawenni꞉io rahowénna iáh nèn꞉ne oronkwása tèken,

Philemon 1:13

Kwáh akenonwéhne ne kén꞉en aeʼhiatié꞉nawasthe, tsi nikarí꞉wes kenhó꞉ton ne karihwí꞉ios aorihwà꞉ke, ne káti nahónton aʼaksnié꞉non nishesewanaktáhke.

Hebrews 3:1

Tekanóronn Sewahriwiʼióstons onkwahtenrosónha, í꞉se ó꞉ni ne Rawenni꞉io ietsisehwennónkon! Ié꞉sos tsi sewahnonthónnionf, tsi raónha ne Rawenni꞉io thotórion tsi tókthe ratsihenstowáhnen tánon ne tewetákwen tewahriwahnírats.

1 Tiér 4:13

Kek sahtsennonníhak tsi kwáh thóʼwa thóh ní꞉ioht tsi aisaronhiaken꞉énhake tsi nihoronhiakén꞉en ne Kerístos, nekáti nahiontónʼon kwáh asiatanánonke natʼtsenonniátsera nónen enwenéstonke ne rahohiatanerakwátsera.

1 Tiér 5:1

Í꞉i ne katretiárons, kheretiárons ne ononsatokentíke ratiretiárons ne skátke sewakwékon. Kwáh Í꞉i wakatkáton tsi nihoronhiakén꞉en ne Kerístos, tánon enkatsʼniénon ne thóh kaiatanerakwátsera nenkarihotáshionke. Í꞉se kwaretiárons

2 Tiér 1:13

Í꞉i kere nek khók tkariwaiéri nakeriwáke ne takawénrie ne sewehiaratsheras kí꞉ken nahorihoténsons tsík sénhak sékon nikónʼnhe.

1 Sawátis 3:14

Ionkwateriéntare tsi ionkwatewentéton ne kenhéion tánon kén nokwáti nathonthétewe tsi nòkwati ne iónnhe; ionkwateriéntare neh tsi tethewatatenorónkwa. Tsi niʼiákon ne iáh teiakóien ne kanoronkwátsera sékon kíʼ nèn꞉ne kenhéion iakoienawákon.