Philippians 1:6 - Ohiatonhseratokénti

⁶ Rawenni꞉io seh tehtsisewathasawén꞉ni kiʼ kaiohtenserí꞉ios, ó꞉ni kwáh orihwí꞉io wakón꞉ni tsi iáh tahátʼkawe nohénton ne iahontésha ne enwenniseráteke nó꞉nen ne Kerístos Ié꞉sos thètʼtre.

Philippians 1:6 ပူးပေါင်းရင်းမြစ်များ

Psalms 138:8

Ne Roiá꞉ner kwáh orihwakwékon enhánane tsi nihoraráts꞉ton; Saiá꞉ner, ne sanoronhkwáhtshera tsi nénhwe enkátake. Tó꞉sa skénronh tsi nihiohiothénhen ne satshanákes.

John 6:29

Tontahenron ne Iesos: kenh kaien rariȣanontons ne Niio: ahontatsiseȣeȣetakȣe ne totorion.

Acts 11:18

Neh sahónronke kí꞉ken, wahóntʼkaʼwe tsi ronwariwakwenníhakwe tánon wathonwanonwerónnion ne Rawenni꞉io, ronthónnionsʼkwe, “Ehʼthoh káti Rawenni꞉io tesakówi ne iáh tehatiʼsitaeʼró꞉nons kwáh ahonatesenʼnaiéntake nahonsahontatʼréwaʼte ó꞉ni nahonnónʼnheke!”

Acts 16:14

Tiehiáta ne wahonkhiwennáronke Lydia hiontátsiats nehne Thyatira nitiakawénon, neh iontʼkéronskwe ne ariwakonnéha niwashokótens noniataráhas. Nétho hiakónkwe ronwasénnaiensʼkwe ne Rawenni꞉io, tánon ne Roiá꞉ner wahanonthónko nakaweriáne nahiontennikonráren tsi nahóten ráton ne Kór.

1 Corinthians 1:8

Kwáh ó꞉ni enʼiorihwahníronke tsi entsisewahtiénawasʼte kwáh tsi nió꞉re ieʼiótokʼte, ne káti ne tóhsa thènen aisewahnitsheraiéntahke nónen téntre ne Sonkwahiáner Ié꞉sos Kerístos.

2 Corinthians 1:15

Kwáh se orihwí꞉io wakonní꞉ne tsi takwakweniénstha, eh ní꞉ioht tsi kateʼnikonhrón꞉niskwe í꞉se tentisewáhente ne iaonsakwanataʼrenáhse. Ók ná꞉ʼa nen né꞉ʼe teiorí꞉wake iesewaiaʼtateríston tsi ienkwanataʼrenáhse.

2 Corinthians 2:3

Ne aorì꞉wa iaʼkwahiá꞉tonʼse. Iáh tewaké꞉ron aonsakwanatahrenʼsè꞉ra ne ók ne aʼonkonhnien naonkenikonratsen tsi niká꞉ien teiotonhontsó꞉hon naionkatʼtsenhnonhniaten. Aséʼkén tewakehtáhkwen nó꞉nen wakatshennón꞉ni, sewaʼkwé꞉kon ó꞉ni sewatshennón꞉ni.

2 Corinthians 7:16

Kwáh í꞉ken tsi wakatshennón꞉ni tsi wakaterién꞉tare tsi enwá꞉ton enkwaniáhese.

2 Corinthians 9:4

Tóka nón꞉wa tóhkara nihá꞉ti ne Macedoniaró꞉non enkhehón꞉karon naiakwatenróhshen, í꞉kehre ahontkáhtho tsi ó꞉nen sewaweiennén꞉taʼon ne ohwísta. Tóka iáh, kwáh í꞉ken tsi enkatéhen ne tsi sótsi kwaniahé꞉senʼne. Nok kiʼ kwáh sénha í꞉se ensewatéhen.

Galatians 5:10

Thiʼietákwen ne Roiá꞉ner tsi tenthetsisewaiaténhawe nahontesewetakwénhake tsi ní꞉i ní꞉ioht kíʼ naorihoténsons. Rawenni꞉io nen꞉ne enhoréwate nètho rónkwe, ónhka akénhake, tsi nikáien tetsisewanikónrare ó꞉ni tetsisewanonwarawenréhton.

Ephesians 4:12

Neh aoríwa thoʼnaháiere ne tsi ahsakoweienéntaʼne ne Rawenni꞉io rahonkwetaʼsónhas nahothiʼióten ne kariwiʼióston kahioténseras, ehnahontáwe nakasátsʼtenʼne ne Kerístos rahononsatokénti.

Philippians 1:10

Nahontakariwaiérike tsi ní꞉ioht tsi tensewaiatohréhthake. Ne entionniʼiósthakwe ó꞉ni iáh othé꞉nen taihsewateriwaéhsten nó꞉nen thé꞉tre ne Kerístos. Ó꞉ni káti tsi nió꞉re ienwatenniseriéhwe

Philippians 1:29

Tánon ehtsisewahiatateríston. Iáh nék khók tohkàken tsi Kerístos thetsisewetákwen, nók sewaronhiakénhen ne rahónha raoriwáke.

Philippians 2:12

Tekanórons tewathoronsónhas, tiotkonhónwe takwawennarákwakwe sesʼnónen skátne ítewes. Nonkʼkinónwa onensewakaténtion, ónen kisènha teiohthonwentióhon naisewatewénnarakwe. Katerontserákon tsi ní꞉ioht tsi sewahióten tánon aisewahiathisónkwaʼke tsi aisewátʼthoke tsi nikéntons nahonsaieniákenʼne.

Philippians 2:13

Tionhakéson shènon nihoiohtáties ne Rawenní꞉io natsitsiónʼnien, tánon ó꞉ni natsisewawénnarakwe.

Philippians 2:16

tsi eniohníronke tsi ní꞉ioht tsi ensatienawastónhake nateriwhanothátsera neʼiakahónʼnhets. Nètho enwenʼniseráte nónen thètre ne Kerístos, kwá íken tsi tenkwarensáronke. Nekáti enkakwéni enwakateriéntharake natioténsera ó꞉ni nakeronhiakénsera iáh ohthènen tehioiesáhon.

Colossians 2:12

Asè꞉ken ne sahsatenekwahéste, Kerístos skátke wahetsihiatátha, tánon natenekwaheʼthátsera kwáh ó꞉ni skátke ne Kerístos tsi saiesahkétsko neh tsi nitisetáhkwen tsi niiohiò꞉te ne Rawenni꞉io raosatsténhsera.

1 Thessalonians 1:3

Asèken rahohénton ne Sonkwaní꞉io ó꞉ni ne Kanisera tsi iakwehiare tsi nisewahioténston tsi nitisewetákwen, tsi nitsionniénni ne sewanoronkwátsera iahisewátrehke tsi wesewahióten, tánon ó꞉ni ne sewaskanéktsera tsi nihioriwahníron thóh rahonháke ne Sonkwaiáner Ié꞉sos Kerístos.

2 Thessalonians 1:11

Ne aoríwah tiotkonʼónwe kwahterennaiénni. Shakwahriwahnontónnis nónkwah Ní꞉io nahtshiʼtsiónnien naisewahrihóntahke tsi tiónnhe tsi nitsisewáhwi naitiónnhe꞉ke. Neh iakaiérithe ne raosatsʼténsera akwékon tsi nahoténsons saskáneks ne tkariwaiéri ó꞉ni iahontésa ne sahioténsera ne tewehtákwen.

2 Thessalonians 3:4

Tánon ne Roiá꞉ner sonkwahnikonrahnírats tsi nòkwa níse, tánon oriwí꞉io iontiónni tsi éhtho nensewáiere ó꞉ni iensewahtasónteren tsi nikwahróri.

Philemon 1:21

Ohrihwí꞉io wahkón꞉ni, tsi khiá꞉tons kí꞉ken, tsi thóhnénhshere tsi nikerihwahnóntons—kwáh ó꞉ni wahkaterièn꞉tare tsi kwáh ienshóhetsthe.

Hebrews 10:35

Tósa sewahnikonrokten, ne káti, tioríhwa né entʼkáhawe ne kowahnen teshewahteriwahserakwáh꞉se.

Hebrews 12:2

Áhnion Ié꞉sos thetsitewatʼkáneren, rahonháke non nitewahniahésen tsi nitionkwetákwenh ne tsi tiotásawenh tsi nío꞉re tsi ieiotók꞉the. Iáh tehotiakwahríshion ne kaiásha ahiorihónnike! Khé꞉khok thiʼioriwáhthe iorihónni, ne atsiennonniátshera rohráhrekwe, iáh thènen tehononthonnión꞉on ne kakenronniátshera tsi kaiasháke rawenhéion, tánon ónen thoʼnónwe iesenhskwáheʼre tsi rahweienthetákwenh ne Rawenni꞉io rahonitskwahratsherákʼtha.

1 Tiér 5:10

Nók nónen kén nikariwésʼsha wesewaronhiáken, Rawenni꞉io ne akwékon niesakoténre, shieʼianátons nasatiátaren ne rahówenk kaiatanerakwátsera tsi nénwe ne tsi tehonateriwasóntere ne Kerístos, kwáh rahonhatsíwa enshiakwatákwase tánon éntʼhion ne kariwanirátsʼtsera, kasasténsera, tánon kwáh ioníron tsi tkenstskwáhere.

2 Tiér 3:10

Nók nentewenniseráteke ne Roiá꞉ner thóh ní꞉ioht tsi tètre tsi ní꞉ioht ne ranénskwas. Ne thóh entewenniseráteke ne tsi karonhiáte enwáton tsi nenwatáti ne iowennothí꞉ie, tsi nahoténsons ne tsi karonhiáte enwákʼtsa ó꞉ni enkariwatónthon, tanon ne tsi ionwenhtsate oni nahoiotenhsera ne thóh nonwe nikaiotenhen, tsi enwenene.