Philippians 1:20 - Ohiatonhseratokénti

²⁰ Kwá éhtho ní꞉ioht tsi kanontónʼnions ó꞉ni kaskáneks tóhsa nonwénton neh thènen nakátiere nahonkatéhate. Neh thokàken akónnheke khés nakíheie, Netewakathonwentióni tiókonte ehnahonkenikonrhatsaníton tsi nónwa ní꞉ioht tánon Kerístos nokwáh niáwe ne kakweniensthátsera.

Philippians 1:20 ပူးပေါင်းရင်းမြစ်များ

Psalms 119:116

Takeshaststénhseron, tsi nisharahráts꞉ton, tánon kíʼ kwáh enkónnheke, tó꞉sa takeríhon náhon takenikónhrenhne né tsi niwahkérahre naskenónhtate!

Psalms 119:80

Aiáwenhs kwáh kerhiasakwékon áksere ne saianerénhseras, ne káti ne tó꞉sa akatéhen!

Psalms 25:2

Ó akeNí꞉io, í꞉seke nón꞉we nitewakethákwen; tó꞉sa satʼthóntat nahionkatéhate; tó꞉sa sehríhon ne iónswenhs ne thahiontiéron.

Psalms 62:5

Asèken Rawenni꞉io khók rihniahé꞉sen; asèken nakararát꞉tseras rahonháke nón꞉we nitewé꞉tha.

Proverbs 10:28

Nahò꞉ten ne tionkweʼtaié꞉ri ronhská꞉neks eʼthó nón꞉we ieniakoiaʼténhawe tsi nonkwá natonhnharáhtshera, nok ne ionkweʼtáksenʼs iáh oʼthé꞉nen tehotihrharahtsherá꞉ien tsi nahò꞉ten ronhská꞉neks.

Proverbs 23:18

Tóka tho ní꞉ioht tiótkon tsi nén꞉we kiʼ tsi tensaswátheʼke.

Isaiah 45:17

Ók né Israel Roiá꞉ner né shaʼnónstaton né꞉ne tsi nénhwe enkénhake ne kaniakénsera; kwáh iáh taiesatéhaʼte khés ne taiesanitonʼniáthen né tse wakwé꞉kon tsi enkatátseʼke.

Isaiah 50:7

Né Roiá꞉ner Ní꞉io ratiénawahse; né ká꞉ti aoríhwa iáh kí tehionkatéhaton; né káti aoríhwa thóh nakatʼkonsanírate tsi ní꞉ioht nonénhia, tánon wakateriéntare tsi iáh kí tahionkatéhaʼte;

Isaiah 54:4

Tó꞉sa saterónhsek, asèken ní꞉se kwáh kí iáh thaʼsatéhen; tó꞉sa sanikonrókten, asèken iáh kí thaʼseronhiáken natehénsera; asèken ensanikónren natehénsera ne kenshiʼtisahiónha, tánon natehénsera tsi saterehónskon ní꞉se kwáh kí iáh shé꞉kon tahonsasheʼhiárake.

John 21:19

Neh aoriȣa neh ȣahenron nahotokaten tsini ȣenheiontoten ienhrenheiate ne Niio raoriȣake; nok nonen neh sahenron, ȣahaȣenhase: taknonteratie.

Acts 20:24

Kheʼrenkátiʼken ni꞉i tsi kónʼnhe iáh thé꞉nen satèkena tèken; nek khók níhkere ne hiatakókʼten ó꞉ni niákʼsa kíʼ ken kahioténsera tsi nithakáwi ne Roiá꞉ner Ié꞉sos, nahkateriwatsʼtéristhe, nehne akatʼróhri ne kariwí꞉ios nehne tsi nithoriwaiéri ne Rawenni꞉io tsi nókwa nonkwesónhas.

Acts 21:13

Nók wahtariwaseráko, “Nisewatsérah, kíʼ ní꞉ioht tsi tesewasénthos ó꞉ni teskweriasarítha? Iáh nek khók tèʼken tsi wakatateweiennentáʼon nahionkʼnerénken ne Jerusalem nónwe nók kíʼ ó꞉ni ne kwáh thóh nónwe iakíʼheie ne rahoriwá꞉ke ne Roia꞉ner Ié꞉sos.”

Acts 4:31

Nónen sahatísa tsi ronaterenʼnaiénthaʼkwe, tsi nónwe nihonatʼkennisehónʼne tehiowisʼshónkwa. Kwáh rathikwékon wahatihiatánaʼne ne Ronikonratokénti ó꞉ni tahontásawen nahontróri ne Rawení꞉io rahoteriwahnothátsera kwáh rotinikonrahníron.

Romans 12:1

Éhʼtho káti, tewatenrosónhas, neh tsi nikowánen ne Rawenni꞉io shonkwenténras, kwahnekénnis; kwáh ieʼiokontakwénhak tsi tátʼtsion ne Rawenni꞉io tsi tiónʼnhe ók ó꞉ni nehʼne aihsewárioʼte tsi nikaríwes tionnhétie, kwáh sewariwahtokénhak tsi nòkwa ne rahohioténsera ó꞉ni thaʼtsisewanikonraʼiérit, thókiʼ nikarihóten ne kwáh ahonwasénnaien ne Rawenni꞉io.

Romans 5:5

Kí꞉ken naskanéktsera iáh teionkwanikonraténʼni, asèken ne Rawenni꞉io thowéron ne rahononronkwátsera non kweriánes tsi nihorihotáshon ne ronikonriʼióston, raónha ne Rawenni꞉io sonkwáhwi.

Romans 6:13

Tóhsa ó꞉ni sewatiakwaríshas ne kariwáneren tsik nahiotónhake ne tsionhakésons nehʼne ahónston ne kariwaneraháktsera. Khèkenk, Rawenni꞉io tatʼtsítsion ne tsiʼtión꞉nhe, tsi nihiáwenhe nhótiake tsi sonnatonʼnhéton, tánon kwáh sewahiathakwékon sewahtiakwarísi rahonháke nehʼne ahʼhónston tsi nòkwa ne kariwakwarishóntsera aoriwáke.

Romans 6:19

(Neh kástha ne iáh tewatewennhatóres ne niatewenniseráke tsioríhwa tsi nihiotsihióha ne sewanikonraienthátesras.) Tewenniseráthekwe kwáh tokénhen wesewahtsiakwarísi tsi sewanáskwa kén꞉ne tsi nòkwati ne iáh tehiotkwéniens tánon ne wanontonniontserákʼsens neh꞉ne ahorihónniat ne kariwahétkens. Tánon kwáh satèhiot ónenk tsi kwáh tòken hen ensewatsiakwarísi tsi ní꞉ioht tsi sewanáskwa sewahiótens nahoténsons ne tkariwaiéris, nók ne sasewahióten ne iotokéntis ahoriwasónhas.

Romans 8:19

Akwékon nahoténsons ne Rawenni꞉io rohsahánion iotiráres neh naiáwen ne Rawenni꞉io asakorihotáshiaʼse neh sakoienhokónhas.

Romans 9:33

nowennaʼtokénti neh watroriátha: “Satkátho, watsiéntatse tho nón꞉we Zion onénhia ne enkakwéni nónkwe entsiakosítiake, tánon nosténra neh enkakwéni tenhiakoniohtáko. Onhkakíʼok nenthonwétakwe iáh tahonsahiontateriwásten.”

1 Corinthians 15:31

Tewatenroʼshóna, kwáh niatewenhniseráhke kenhéion wahtiaténros! Tsi nahtekwahrénsharons, tsi nitionnhétie tsi naʼtehionkwahteriwahsóntere ne Kerístos Ié꞉sos Sonkwaiáner, né kí꞉ken wahkonniénnis nahkatʼróri.

1 Corinthians 6:20

raʼónha rokariákon ne tsi sónnhe. Káti saierónta ísasts raohiataneráhkwahte ne Rawenni꞉io.

1 Corinthians 7:34

tánon káti tehtsarónkwen tsi tehonwahiatatíronthe. Ne iáh tehioniákon tsiontonwísen tóhkaʼ ó꞉ni ne iáh tekanakwahientéri iotatiataké꞉nen iohʼióthe ne Roiá꞉ner raoioténsera, tsoríwah tsi wahskáneks nakonwahiatathéristhe nahoierónta ó꞉ni ne tsi iónnhe; nók ne ioniákon né iotatioténston tsi nihiorihótens ne tsi ionwentsiáte, tsoríwa tsi íwehre ahontaonikonraiériʼthe ne róne.

2 Corinthians 10:8

Tóka nón꞉wa sótsi ísi nón꞉we tsi nikatá꞉tis tsi ní꞉ioht tsi thakehsatstenhserá꞉wi ne Roiá꞉ner ne né꞉ʼe akwah iakeʼnéste tsi ní꞉ioht nakwakarón꞉ni. Iáh kiʼ nen né꞉ʼe tekatéhens ne takataterénhsaron.

2 Corinthians 3:12

Tsi niionéhrakwat kí꞉ken ahskanéktshera né꞉ʼe tionkwá꞉wis naionkwaʼnikonhratshaʼníhton tsi ní꞉ioht tsi aietewatá꞉ti.

2 Corinthians 4:10

Kwáh tsi niaʼtewenhniserá꞉ke tsi iotteronhón꞉we naitewénheie ne ne Ié꞉sos raorihónniat. Tewaieròn꞉ke teskaierón꞉tare tsi niiá꞉wenʼen tsi rawenhé꞉ion, ne káti ne raotónhnhets naiotón꞉on naweʼnéston nontionhà꞉ke.

2 Corinthians 5:15

Kwáh kiʼ kanenhrakwé꞉kon tsi shonkwenheiá꞉se ne Kerístos. Ne iorihón꞉ni rawenhé꞉ion neh ne tóhsa iaʼtaonsaionkwaiaʼtíston tsi aonsetiónhnheke, tóhsa í꞉ʼi khók aitewatatehiá꞉rake, nok aitewaskéhnha ne raónha aontahtshitewaʼnikonhraié꞉rite. Nok tsi niká꞉ien ne rawenhé꞉ion káti shotonhnhé꞉ton ní꞉ʼi onkwarihwà꞉ke.

2 Corinthians 7:14

Akwé꞉kon waʼshakwahró꞉ri tsi é꞉so tsi waʼtkwarénhsaron tánon iáh teskwaʼnikonhrhatén꞉ni. Tiotkonhón꞉we orihwí꞉io, akwé꞉kon káti tsi nahò꞉ten waʼshakwahró꞉ri tho kiʼ ní꞉ioht.

2 Corinthians 7:4

Kwáh tokén꞉ʼen kwaniahé꞉sen. Tiótkon tekwarénhsarons tánon é꞉so tsi onkeʼnikonhrahníhrha. Aronhátien tsi niaʼté꞉kon teionkwaʼnikónhrhare shé꞉kon é꞉so tsi ionkwatonhnháhere.

Philippians 1:14

Nón꞉wa thówa ratikwénon tsi nihá꞉ti neh Kerístos ronwanonteráties wahothinikonrahtsianíʼthaʼne tánon kwá iáh othènen thesathitsánis nahontheriwhanóten.

Philippians 2:17

Tsi thisetákwen tsi nòkwa ne Roiá꞉ner tanon tsi ní꞉ioht tsi teseriwhaʼiérits ne teskaieróntare tsi ní꞉ioht nasatsienkwarónniate ne rahohénton. Tánon nakenekwénsa tòka nónwa ónen tsi neskátne entewahʼwéronke ne iontsienkwaronʼniathákwa. Tóhka káthiʼki ehʼneniáwen꞉ne, Enkatsennónʼni ó꞉ni skátne entewathonʼnáren.

Colossians 1:24

Onk ó꞉nen sewahkatʼtsennón꞉ni neh tsi nikwaroniá꞉kense, Asè꞉ken ne kéntons tsi niwakeroniáken ne tierónhke kastsnié꞉nons tsi nahóten sehkon iotaténron ne iakáshon tsi nihoronhiakén꞉on tsi nokwáh ne Kerístos raierónke, né꞉ne ononsatokénti.

1 Thessalonians 5:23

Aiáwens ne Rawenni꞉io tsi niká꞉ien teshonkwáhwis ne skénʼnon ahiaiatatéristhe kwáh tsík nahontahiotseráh꞉ton tánon ahanónstathe tiatakwékon—tsi sónnhe, satónnhets, ó꞉ni saierónta—kwáh tóh꞉sa thènen ahionitseraiéntake nónen téntre ne Sonkwaiáner Ié꞉sos Kerístos.

1 Tiér 4:16

Tóhkaʼ kíʼ enseronhiáken neh tsi sariwiʼióston, tóhsaʼ thénen satéhen, nók tetsenonweráton ne Rawenni꞉io tsi Kerístos rahosénna ísawe.

1 Sawátis 2:28

Hén, kwá ienokónha, rahónhak khók tetiateriwasónterak, nekáti nónen entathaténeste kwá aionkwanikonraníronke iáh tatahionthonwentióhake natsitewataséten tsi nahionkwatehén꞉en neh nón tewenniserónte nónen tèntre.