Philippians 1:12 - Ohiatonhseratokénti

¹² Thekanóron onkwathorohsónha, Thewakatonwentióni naisewateriéntarane ne tsi nontiáthawen sénha wakahiáneraste tsi tahonthiriwaréhni ne kariwí꞉ios.

Philippians 1:12 ပူးပေါင်းရင်းမြစ်များ

Esther 9:1

Ahsenʼiawenréhaton shiwenhniserá꞉te ne Adar, ne shahenhnísera ne ronontí꞉io rorihowanàhton tsi enwatóhetste ne kaianerénhsera, né꞉ne shahenhnísera ne ronwatíhswenhs Sitaeró꞉non ronhská꞉nekskwe nahshakotiʼshén꞉ni, nek tsi Sitaeró꞉non wahonterihwatkwé꞉ni.

Psalms 76:10

Sewenní꞉io Nónkwe akonakwáhtshera nék khók nenhnéʼe karihonthákwas ne sénha taiesanonweráton, kwáh eniesahsénhnaien ne wenniseraráhkwen tsi nisakwáhere.

Exodus 18:11

Ónenh kíʼ onhkateriéntarahʼne nètho Roiá꞉ner tsi sénha roshaststenseroʼwá꞉nen tsi ní꞉ioht nakwékon ne ratiní꞉ios, tsoríwa tsi thóh kí ken nahá꞉iere nónenh ne Egyptró꞉nons wahonwanaʼtewenienʼnakʼsá꞉ten ne lsarerʼró꞉nons tsi nióre tsi ronahʼtenontsisʼtaniráhton.”

Luke 21:13

Nok neh kehiken enseȣariȣaniraststakȣe.

Acts 8:4

Ne thonetákwens tsi nikáien ne tehonarénion kwáh tsík nonkwéson niahón꞉ne, ronateriwanothátie ne ateriwanothátsera.

Romans 8:28

Kwáh ohriwakwékons ionkwateriéntare ne Rawenni꞉io ioʼiáneres tsi nishakotsérahse tsi niʼiákon ne ronwanorónkwa, tsi niháti ne sakhoʼnháʼon, ne entioianénhawe tsi nihoskanektseróten.

Romans 8:37

Iáh, kíʼ noriwakwékons kwáh ionkwáien natesenniéntsera rahonháke tsi nikáien neh shonkwanorónkwahon!

Philippians 1:5

Ne karihón꞉nis tsi takwaié꞉nawaʼse tsi teionkwateriwareniatonháties ne karihwí꞉ios ne kwáh sontontenniseratiérente wesewáronke.

Philippians 1:7

Sá꞉ien ne ionakʼtató꞉ken nakwerhiá꞉ne. Kwáh káti saohiérat tsi eh ní꞉ioht tsi katʼtókas. Kwáh káti sewakwé꞉kon sewastsnié꞉non tsi nikaiohtenseróten ne Rawenni꞉io thakáwi, tsi ní꞉iott tsi enkaterí꞉ioseh ne karihwí꞉ios tsi ne entʼthárakwe kén nónwe kíʼ ionthatenotónkwa.

Philippians 2:22

Nók sewatheriéntareʼne tsi nihronkwethóten ne Timothy. Ehníʼioht tsi skátne ionkiniʼioténhen tsi síken ní꞉ioht ne riʼiénha akénhake tsi teiontsateriwaʼrieniatonhátie ne kariwí꞉ios.

Philippians 4:15

Tewatenrohsónhas thonònʼne Philippi, sewehiáre tsi niʼiohthónʼne ne sonthakatásawen sakateriwhanóten ne kariwí꞉ios thónon ne Macedonia. Ne aherensathontákethe neh nón, nék khók ne tsi sewaterennaienthákwa waskwatsiátarase tsi thesewátkaʼwe ne kaienawasétsera tánon nek khók sesewahiatatéristhe.

Philippians 4:3

Tánon, neh kwá tehionkwariwaʼienawákon, kwá ne kénnis ne aietsiʼiénawhase. Nètho tionatʼthonwísens skátne ionkwahioténhen tánon ne Clement ó꞉ni neh ronatiakhésons ne wathonteriwaréniaʼte ne kariwí꞉ios. Thónon ónen nihathisénnare ne kahiatonserákon ne hionʼnehónwe.

1 Timothy 2:8

Kwáh tsi nihioriwáhke nononsatokentíke enhionterénnaien tewahkatonwentió꞉ni ne ronnónkwe nahonterénnaien, ronnónkwe neh꞉ne rotirihwatóken tsi nòkwa ne Ní꞉io tánon ahatikwéni nahonnenstiakétsko nen honterénnaien ne tóhsa ahotinakwenʼénhake tóhsa ó꞉ni tahotiriwahkéhnen.

2 Timothy 2:9

Tsioríhwa tsi katerihwanótʼtha ne kariwí꞉ios, wahkeronhiáken tánon ó꞉ni kwáh oronkwása ìkneren tsi ní꞉ioht ne sohterihwatewáton. Onk ne Rawenni꞉io rahowénna iáh nèn꞉ne oronkwása tèken,

2 Timothy 4:17

Nók ne Roiá꞉ner wahakarískothe ó꞉ni tahákon ne kasatsʼténsera, neh natkwéni akerihówahnahthe nakananónhake nateriwahnothátsera ratikwékon ne iáh tehatisitaerónons nahónronke; tánon sakeniákenʼne nahionkeriwénton nahonkihéion.