Philippians 1:11 - Ohiatonhseratokénti

¹¹ Ié꞉sos Kerístos thenhiaweiennaráhte ne ensaióhten ne kaiohtenserí꞉ios ne iewathihénthos ne kahiatanerakwátshera ó꞉ni ne aʼhonwasén꞉naien ne Rawenni꞉io.

Philippians 1:11 ပူးပေါင်းရင်းမြစ်များ

Psalms 1:3

Né theshontiérens ne karonhtasónhas ne karonhthaientʼthósehron ákta tsi kahionhatátie, enwahianihiónten tsi niekáhes, tánon nahonerahtasónhas iáh tewastátʼthens. Kwáh tsi nenhóntiere tsi rotihianerasthénhnis.

Isaiah 5:2

Tsi ní꞉ioht ne tahathontáiake tánon waʼhanenhiaróhroʼke né waʼhaiéntʼtho né kwáh tekaiestáshion watenenharíseres; kwáh satekahetíhen ne watenenharíseres nón꞉we nahanikatóten, waʼhanatʼthaserónhnien tsi nón꞉we naháien ne tewahiaríhtha; rohrahrá꞉kwe ne kanenharí꞉io ahonenharaiéntaʼne, ók ne takáhawe ne karahkónha onénhare.

Isaiah 60:21

Né shonkwetaʼshónhas kwáh kí enotiʼiánereʼke; kwáh enhontiénawasʼte nonhóntsa né tsi nénhwe enkénhake. Ronónha né tehiorenhá꞉ron í꞉ken ne watsiénthon, né naoʼhioténhsera ne katshanáke, né kí nahón꞉ton ahiontiaʼtanerákwahte.

Isaiah 61:11

Asèken kwáh tsi ní꞉ioht nohóntsa tsi tká꞉reks né takarénharon, tánon kwáh tsi ní꞉ioht né kahétakon tsi né iónhnis nahóten né kaiéntʼthon né tahiót꞉kaʼwe, né káti né Roiá꞉ner Rawenni꞉io kwáh kí né enrón꞉niaʼte ne karihwaʼkwahrihshón꞉tsheras tánon kanonweratón꞉tshera nahontehiáron akohénton niaʼkahontsakeró꞉nons.

Isaiah 61:3

né nahontakheʼhiatʼkáwenh tsi nihá꞉ti ne ronatʼtiónhnion né Zion nón꞉we— nahontakhéhion ne otsítsa kakahkwenhtonniáton tsi ní꞉ioht né꞉ne akénhake ne wakenrontákwen okénhra, né꞉ne kénhie ne atsenhnonniátshera í꞉ken tsi ní꞉ioht né꞉ne akénhake nahiakhotiónhnionke, né nateweiárah ne kanonhweratónhtshera tsi ní꞉ioht né꞉ne akénhake ne kanikonhraksénhtshera. Né enhonwatinatónhkwahke karíhton karónh꞉ta né꞉ne karihwaʼkwahrihshiónhtshera í꞉ken, tsi roiéntʼthon ne Roiá꞉ner, né naré꞉neste ne raoʼiatanerakwáhtshera.

Matthew 5:16

Eh kati oni nise naseȣaier teietsisȣatheten ne seȣasȣathesera nonkȣeokon etho naontaȣe ahonȣanenton ne Etsiseȣaniha Karonhiake tenteron.

John 15:16

Iah ȣahi ise teskȣaiatarakȣen, ii tanon ȣahi kȣaiatarakȣen, kȣanaktaseronnienni oni, naontonseke akȣekon naonteseȣete, nok aeseȣateiaronhase, tiotkon oni eh naiotonhatie, neh oni ne tsi ok nahoten atsiseȣariȣanontonse ne Rakeniha ii aksennakon, entetsitsion.

John 15:2

Akȣekon rannhatiaks tsinikon ne iah teȣaianiiontha nakonhake, sakoratensta tsinikon ne ȣaianiiontta, naiaȣens kenha senha eso aonhianiionten.

John 15:8

Neh enhasennoȣanatakȣe ne Rakeniha nʼeso enseȣateiaronhase, nok ethone akitiokȣa enseȣaton.

Romans 15:28

Neh nónen enkeriwaiériʼte kí꞉ken kahioténsera tánon enthekheiáwi nowísta ne ronwatirohróki, ehʼthóhʼne káti Spain non nienhénke tánon iekwanatarénaʼse tsi niahonkenonhátie neh non.

Romans 6:22

Nók kíʼ nónwa ónen tsi sewathotaríshion ne kariwanerenhákʼkonke, tánon kíʼ ónen thóhʼnon nitsisewanáskwa tsi nòkwati ne Rawenni꞉io. Enkanánon natónʼnhets tensewaténtsa tsi nensewariwatóken꞉ke ne rahonháke, tánon ne iehiokwékton natonʼnhes ne ionʼnheónwe.

1 Corinthians 10:31

Ioiáneren, kwáh tsi nensháh꞉tiere, tóhkaʼ tashatskáhon tóhkaʼ ó꞉ni hasnekírah, né thóh náhtier ne tsi Rawenni꞉io rahohiatanerahkwáhtshera.

2 Corinthians 9:10

Rawenni꞉io tehshakó꞉wis ratiiénthos ne kanenhaʼshónʼa. Ó꞉ni akwé꞉kon niehshakonón꞉tens. Tenhaiá꞉seren tsi nisá꞉ien, né꞉ʼe ne iaonsahshé꞉ion ónhka teiontkárias.

Ephesians 1:12

Ánionʼkiʼ, tsi í꞉i tionkwatserénton tetsitewethákwen ne Kerístos, tethewatenonweráton ne Rawenni꞉io rahohiathanerakwátsera.

Ephesians 1:14

Neh tsi tewakwékon ne Rawenni꞉io neh kariwanìhras tsi entewaiéna tsi nahóten sakorahréstenni ne rahonkwetaʼsónha, tánon ne kí꞉ken hionkwariwanihrátis neh Rawenni꞉io kwáh iehiokontákwen entesakáwen naʼthatewennihiótsera tsi niháti ne kwáh rahónha rahonkwetaʼsónha. Ánion tethewatenonweráton ne rahohiatanerakwátsera.

Ephesians 2:10

Rawení꞉io thesonkwáwi tsi nitionʼnhóten, tsi tehionkwateriwasóntere ne Kerístos Ié꞉sos neh akarihónʼni iohiánere tsi naietʼthiʼhiatiérase nonkwesónha kwáh tsi nitiónʼnhes, neh káti ónenk ehnihowathákwen neh nahitewáiere.

Ephesians 5:9

Asèken kaswatʼthétsera seh tkáhas neh kwáh tsitʼnahoténsons ne iotkwénies, nehne ó꞉ni kariwakwarishióntsera, tánon noriwihioʼónwe.

Philippians 4:17

Iáh neh thèkere thóka kén knahótenk kwanekénnis, nók neh tewakatonwentió꞉ni naisewaiéna ne kahiataterítsera tsi nihtkáhas nahiontáthon.

Colossians 1:10

Eʼthò꞉ne káti khók enskwé꞉ni nasónnheke tsi natehontonwentióni ne Roiá꞉ner tánon ó꞉ni thóh nénhsere tsi nahó꞉ten ne rawerientiióstha. Tsi tiónhne niaté꞉kon tsi ní꞉ioht tsi enwehiá꞉ron ne kahiotenserí꞉ios, tánon kwáh ensatehiá꞉ron tsi nentseriwahientérane ne Rawenni꞉io.

Colossians 1:6

Noriwahtokénti kwáh tiokontákwen taiohahátie ne kahiataterí꞉tsheras ó꞉ni tehioreniatonháties tsi nonwéhsons ne tsi ionwentsiáte, kwáh tsi nihioié꞉ren ne tsi natesewáhtere neh kwáh sontontsérente wesewáhronke ne Rawenni꞉io rahoténrat tánon wesewahriwaiénterane ne kwáh tsi niiohrihóthen.

2 Thessalonians 1:12

Ne káti nahónton ne raosénna ne Sonkwahiáner Ié꞉sos sonháke nón nakaiatanerakwáton, tánon níse rahonháke, entioianénhawe ne raoténrat ne Sónkwah Ní꞉io ó꞉ni ne Roiá꞉ner Ié꞉sos Kerístos.

Titus 3:14

Nontionkwetaʼshónhas ónenk tsi enhontatenakthótʼthase nahotihióten ne ioiánere, ne nahónton nahsakotiʼiénawahse ne kwáh tehiakothonwentiónis; iáh tatehiothonwentióʼon ne kwáh iáh thènen tahatísthake tsi ronnònnhe.

Hebrews 12:11

Nónen enionkhiréwathe, thóh nihiáwens nonkwahrihwáhke knahótenk iontionniénnis nahontethewahnikónrenne, iáh natshenonniátshera. Ishiʼnonwèha, tsi naióhton, tsi niháti ne ronwahtiretiáron né tsi karewahthatsherákon tenshonateriwahseráhkwahse ne enhatiʼiéna kwáh sakʼtí꞉ken atʼtsennonniátshera ne kaiáneren atónnhets.

1 Tiér 2:12

Tsi niseweiennóten tsi natesewátere ne iáh tehotiriwiʼióston kwáh ioteriwíson nahioianeréhake ne nónen thènen eniesariwárho tsi seweiennáksen, ónenk tsi enhatiʼiénterene tsi nishotenserí꞉io tánon káti ahonwasénnaien ne Rawenni꞉io nentenwenniseráteke nónen tèntre.

1 Tiér 2:5

Kásewe tsi ní꞉ioht ne iónnhe onénias, tánon sewathóntat naʼietsiʼiastste tsi akanonsonníhake ne ionnheʼónwe ononsatokénti, thoʼnónwe nensahióten tsi ní꞉ioht ne rotokénti ratsihénstatsi nasétatʼtse kariwiʼiostóntsera tánon ne kaienawasétsera ó꞉ni naontatsenikonraiérite ne Rawenni꞉io rahonháke ne Ié꞉sos Kerístos.

1 Tiér 2:9

Nók í꞉se ne kentiókwa ne ietʼtsiʼiatarákwen, ne Ronontí꞉io rahotsihénstatsis, ne otiokwatokénti, ne kwáh Rawenni꞉io rahonkwetaʼsónha, kahiatarákwen nahontʼróri ne ionerakwathénion ne Rawenni꞉io rahoweiénnas, ietsisewennónkon tsi tetiókaraskwe tánon thonónwe nonsatsisewátʼkawe ne ioriwanerákwat raoskwatetʼtserákon.

1 Tiér 4:14

Satáskat tóhkaʼ iesanikonrakarewáta tioríwa tsi Kerístos tetietákwen; neh kí꞉ken kéntons nètho watʼtsennonniatserowánen atónnhets, neh nonikónra tsi nitewétha ne Rawenní꞉ioke, tsi senikwékonse.