Philippians 1:1 - Ohiatonhseratokénti

¹ Ne thonathásawen ne Kór tánon ne Timothy, ronwahiotenséhakwe ne Kerístos Ié꞉sos— Kwáh tsi niháti ne Rawenni꞉io rahonkwetasónha ne tohonatiriwasontere ne Kerístos Ié꞉sos thóh nón ne Philippi, thóh ratiiá꞉tare ne ononsatokentí꞉ke nohén꞉ton iehonhnéton ó꞉ni ne rontsniénons:

Philippians 1:1 ပူးပေါင်းရင်းမြစ်များ

St. Mark 13:34

Eh naseȣaier tsiniiot ne ronkȣe ratentionhe, ȣasakorionten ne raonnhatseraokon nahatinikonrarake tsini hoien, akȣekon niiasakotenienthase, nok saiatat ȣahohonkariake nasakonikonrarake.

John 12:26

Onka rakeriȣaȣase raknonteratie ki, nok tsinonȣe nenkeseke etho oni nehne enreseke nakennhatsera, nok nenhakeriȣaȣase enhokonnienste ne Rakeniha.

Acts 1:20

“Tsi nikahiáton ne kahiatonserákon ne Teieriwakwáthas, ‘Aiáwens ne tsi ronónshote ononsóskon ahónton; aiáwens tóhsa ónka thóh ahonsahión꞉tsien.’ Kwáh ó꞉ni kahiáton, ‘Aiáwens ónkak tahonsahonwanakʼtákwen tsi nihohiotenserótenʼne.’

Acts 20:28

Kwáh káti sewatatennikonráren ó꞉ni kwáh kanenrakwékon tsi nitsisewatakweʼniaʼiénni ne Ronikonratokénti. Thóh nihiotónhak tsi sewatennikonráren ne Rawenni꞉io rahononsatokénti tsi ní꞉ioht tsi sakothinikónrare ne teiotinakarontón꞉a sakotinikónraʼre, tsi raónha rahówenk iotónʼon tsi ronekwáhon ne Roiénha.

Acts 9:13

Ananias watariwaseráko, “Saia꞉ner, iakotiokowánen hionkʼróri tsi nókwa kí꞉ken rónkwe ó꞉ni tsi natehiotenonhianíton tsi nisakoiéraʼse ne sonkwetaʼsónhas ne Jerusalem nónwe.

Romans 1:1

Kór kih non nitsiawénon, rannhátsera, tsi ronwahiatarákwen neh꞉ne ahosenʼnénhawe ne Kerístos Ié꞉sos tánon Rawenni꞉io rohiotenseráwi nahoteriwahnhóthase ne karihwí꞉ios.

Romans 1:7

Kwáh káti sewakwékon tsi iakwahiátonse neh thonónwe Rome Rawenni꞉io tsi sewanorónkwa ó꞉ni tsiʼsewahonkaráwis neh rahónha rahonkwéta aisewáton: Aiáwens ne Rawenni꞉io sonkwaníha ó꞉ni ne Roiá꞉ner Ié꞉sos Kerístos ahtsítsion kenténrat ó꞉ni skénnen.

1 Corinthians 16:10

Tóhka ne Timothy ienhakwátʼtho, kwáh ioriwí꞉iok tontatʼtsisewahróhton, tsoríwah tsi Roiá꞉ner rohiótense, kwáh tsi í꞉i ní꞉ioht.

2 Corinthians 1:1

Kór ki tánon natateʼkénsera Timothy non nitiohaʼwiton, iateriwahnótha, ronwateriʼwanothani ne Ié꞉sos Kerístos, ne tsi eh tho nithoʼnikonhriió꞉ʼon ne Rawenni꞉io. Tánon tsi niiá꞉kon ne tiakawehtákwen thó꞉non ne Corinth, rohnatiaʼtarò꞉ron ronwahsén꞉naiens ne Rawenni꞉io, tánon ó꞉ni tsi niiá꞉kon ne Rawenni꞉io raonkweʼtashón꞉ʼas tsi watonhontsá꞉ien ne Achaia.

Galatians 1:10

Éhʼken ní꞉ioht tsi shí꞉ken ní꞉ioht ne kateniéntʼtha nakʼkwéni nónkwe ahionkeriwaníratʼtse? Kwáh iáh! Nahóten tewakathonwentió꞉ni nehne Rawenni꞉io ahakeriwaníratʼtse! Kateniéntʼta kén naksennowanénhake nonkwétake? Tóhkaʼ shékon ne kateniéntʼta neh naiáwenne, Iáh kíʼ tahihiotenséhake ne Kerístos.

Galatians 3:26

Tewetákwen nón nitsawénon tsi kwáh sewakwékon Rawenni꞉io tsiʼsewaʼioʼokónha sewatónʼon ne tsi tesewateriwasóntere ne Kerístos Ié꞉sos.

Galatians 3:28

Kwáh káti iáh thénen tathetiatʼthíhen ne Sitaeró꞉nons tánon ne Iatehatisitaerónons, tsi natehónteron ne rathináskwas ó꞉ni ne rontatewenní꞉io onkwesónha, tsi natehóntere ne ronnónkwe tánon ne konnónkwe; kwáh sewakwékon tsi énskat iéken tsi tesewateriwasóntere ne Kerístos Ié꞉sos.

Ephesians 1:1

Kór kí꞉ken nón nitsawénon, neh tsi éhʼthoh nithonikonróten ne Rawenni꞉io nahoteriwahnóthase ne Kerístos Ié꞉sos— Ne Rawenni꞉io rahonkweʼtashónha thóhnon ne Ephesus, neh tsi nihothiriwathóken tsi naʼtehonateriwasóntere ne Kerístos Ié꞉sos:

Ephesians 1:15

Neh kíʼ aoríwa, tsi náhe tewakarónken tsi thetsisewethákwen ne Roiá꞉ner Ié꞉sos tánon tsi kwáh rathikwékon ietʼtsinorónkwa ne Rawenni꞉io rahonkwetaʼsónha,

Ephesians 6:24

Ne Rawenni꞉io rahoténrat ahathikwekónhake tsi niháti ronwanorónkwa ne Sonkwaiáner Ié꞉sos Kerístos akenikwekónhake ne iáh tekenhéions kanoronkwátshera.

Philippians 2:19

Tewakatonʼwentióni nahonkenikonráreke tsi nahóten ahkeriwháronke ne tionháke. Ne kíʼ nakaskanéktshera ne Roiá꞉ner Ié꞉sos kwá iosthóre ahakeríhon ne Timothy iahonsahiʼiathóri ne tionháke.

Philippians 2:5

Tánon nesáka tsi sewanonthónʼnionf tsi ní꞉ioht ne Kerístos Ié꞉sos tsi rononthonniónʼhon:

Philippians 3:12

Arèko tsewákoh tsi nónwe iatewakóien, tánon iáh ó꞉ni thetkonkwetaieri. Nók kíʼ Kerístos Ié꞉sos wahatiéna. Nek kihsáka ienkatasónteren tsi ó꞉ni tewatʼkniothátie nakatháwah ne kowánen ahtsenʼnonniátsera.

Philippians 3:3

Nók í꞉i nonkwatsiáke neh ne kwá oriwiʼiohónwe tsi ionkiwharakwétaron, tsioʼríwa tsi ne thewasenʼnaientákwa thóh raosatsténsera ne Rawenni꞉io Rahonikónra tánon tsitewakweniénstha ne Kerístos Ié꞉sos. Iáh ne theionkwatharakwenháties ónh naionkwatséren.

Philippians 3:8

Iáh tekáien nó꞉ia ehnaʼiohriwanerakwáthon ne ahonwaientheríhake ne Kerístos Ié꞉sos natsiánere. Kwá oriwakwékon wakatiakwaríson nohiáson nakariʼoténsons ó꞉ni ehnithekétanon tsi ní꞉ioht ne atkarokwasónhas. Kwá Kerístos khók teʼhiʼ iatonwentsióni

1 Thessalonians 1:1

Kór, Silas, tánon Timothy nón nitsawénon— Ne onkwesónha ne tiakawetákwen ne Thessalonica nónwe, tsi nihiákon ne Rawenni꞉io ne Kanísera rahonkwetaʼsónhas ó꞉ni ne Roiá꞉ner Ié꞉sos Kerístos: Ne kenténrat ó꞉ni ne skénnon aisewahwenkónweke.

1 Thessalonians 2:2

Sewahteriéntare ónenk ionkihiatʼkontáʼon ó꞉ni ionkinikonratsáton ne Philippi nónwe nohénton niséke niaiákwe né꞉ne Thessalonica nónwe. Tánon kíʼ-ó꞉ni iawerohátsien tsi wéso totiriwahrékwen, nonkwaNí꞉io tashóntion ne kanikonranirátʼtshera naiakwatʼróri ne kariwí꞉ios tsi nitewétha ne rahonháke.

2 Thessalonians 1:1

Kór kíʼ nón nitsawéhnon, Silas, tánon Timothy— Ne nonkwesónhas ne thonetákwen ne Thessalonica nónwe, né꞉ne Rawenni꞉io rahonkwetaʼsónhas Sonkwahníha ó꞉ni ne Roiá꞉ner Ié꞉sos Kerístos:

2 Thessalonians 1:10

Nónen téntre ne thóh tewenniserónte nahontahónʼion ne kaiatanerakwáktshera ne rahonkwetaʼsónha ó꞉ni tenhonwahrénsaron kwáh tsi nihiákon ne tiakawetákwen. Íseh ó꞉ni thóh ensewahiataráh꞉ke, tiorì꞉wah tsi tishewetákwen tsi nikwahró꞉ri.

1 Timothy 1:2

Ne Timothy, ne kwáh riʼiénha ehʼnónwe ne tewetákwen: Aiáwens ne Ní꞉io Kaníhsera ó꞉ni Kerístos Ié꞉sos Sonkwaiáner nahontáhion ne kenténrat, ataniténron, ó꞉ni skénnon.

1 Timothy 3:8

Nononsatokentíke rontsniénons ahówenk nahotihianerenserihióhake tánon ahothiriwahtokénhake; iáh thehiówenk ne wéso ahatinekhírake notsítsia tóhkaʼ ó꞉ni ahonatetʼtséntake tsi nòkwa nowístha;

Titus 1:1

Kór nón nitiawénon, Rawenni꞉io rihiótense tánon rihiateriwanotánis ne Ié꞉sos Kerístos. Iontiatarákwen ó꞉ni iehionkateniéhton nahkesniénon ne thoʼnethákwen ne Rawenni꞉io sakohiatarákwen tánon nakhehéntense ne kariwahkwarishiontserákon tsi nihionkwaweientetáʼon nonkwariwiʼiostóntshera,

Titus 1:7

Asèhken ne sakohéntense nononsatokentíke raónha roteriwatsʼteríston ne Rawenni꞉io rahohioténsera, kwá kíʼ tóhsa thènen ahonhíkonke. Iáh tehiówenk naronkwetatsénhake tóhka ó꞉ni ahanakwastó꞉reke, tóhka ó꞉ni ahanekahkátsthake tóhka ó꞉ni ronkwetátsen tóka ó꞉ni rotwistatékʼtien.

Philemon 1:1

Kór nón꞉we nitiawé꞉non, rahʼnhó꞉ton né꞉ne Kerístos Ié꞉sos rahorihónniat, tánon ó꞉ni ne onkwahtathekénʼhat Timothy nónhne non nitiawé꞉non— Nonʼkwáhtenróh ó꞉ni ne skatʼke ionkwahiòthe Philemon,

Hebrews 13:23

Tewahkatonwenhtió꞉ni nahisewahteriéntarahne nonkwahtatekénha Timothy shohiakén꞉en ne tsi iontatenotónkwah. Tóh꞉ka iostóh꞉re énrahwe, enhiákene nónen enkwáhken.

Ne꞉ne Sák Rohiaton 1:1

Sák kíʼ nón nitsawénon, Rawenni꞉io rohiótense tánon ne Roiá꞉ner Ié꞉sos Kerístos: Thekenonweráthons kwáh rathikwékon ne Rawenni꞉io rahonkwetaʼsónha tsatehonariénion tsi ionwentsiáte.

1 Tiér 2:25

Neh thisisewatiérenskwe ne teiotinakarontóna ne ionatiatatónhonne, nók ónen thetsitsihiaténha natsisewásere ne sakonón꞉ne ne teiotinakarontónhas ó꞉ni ne ranónne ne sewatónnhets.

2 Tiér 1:1

Simon Tiér nón kíʼ nitiothawiton, rohiótense ó꞉ni roteriwanotáni ne Ié꞉sos Kerístos— Tsi niháti ne thonʼwanáwi né teskaieróntare ne iorihowánen tewetákwen sateionkwahrihwáhke ne tsi nitóhrihwaiéri ne Rawenni꞉io tánon ne Sonkwaiatákwas Ié꞉sos Kerístos.

Jude 1:1

Jude kih non nitsawénon, Ié꞉sos Kerístos roióhtense, tánon né꞉ne Sák iatatekénʼa— Tsi niʼiá꞉kon ne Rawenni꞉io sakonhaʼon, Rawenni꞉io né Kaʼní꞉sera í꞉ken rahononronhkwatsherá꞉kon non nihonnonnhétie, tánon tsi natesakotiatháton ne Ié꞉sos Kerístos:

Revelation 1:1

Ne karihotáshion raonhà꞉ke ne Ié꞉sos Kerístos, né꞉ne tsi nahó꞉ten ne Ní꞉io thó꞉wi nashakahotáshiase ne raonhatsherahó꞉kons ne ne tsi nahò꞉tens kwáh iostó꞉re tsi thóh nenhiá꞉wenhne; raónha thóh nihawenéston tsi thoteniéton ne raoronhiakeró꞉non raonhà꞉ke ne raonhá꞉tshera Sawátis.

Revelation 1:20

Ók tsi nihioteriwashé꞉ton ne tsá꞉ta nikatsistóhkwake né꞉tho wasatkáto ne skeweientetáhkwen, tánon ne tsá꞉ta ní꞉kons owistanó꞉rons wathaseranihiontháhkwas: ne tsá꞉ta nikatsistóhkwakes ne ne aotironhiakeró꞉nons í꞉ken ne tsá꞉ta nikanónsakes ionterenhnaientáhkwas, tánon ne tsá꞉ta ní꞉kons wathaseranihiontáhkwas né꞉ne tsá꞉ta nikanónhsakes ionterenhnaientáhkwas.

Revelation 19:10

Eʼthó꞉ne thóh waʼtiá꞉taièn꞉tane rashí꞉tát꞉ta nahishén꞉naien, ók wahakénhase, “Ní꞉se iáh teió꞉wenk ne naʼshé꞉re! Í꞉ih tánon ní꞉se teionkeniriwaienawákon ionkenihió꞉te skátne ne sewatenroshón꞉as ratikwé꞉kon ne ronón꞉ha ratihá꞉we norihwí꞉io né꞉tho Ié꞉sos rorihotáshion. Ahonwashén꞉naien Ní꞉io!” Asè꞉ken noriwihioón꞉we né꞉tho Ié꞉sos rorihotáshion neh iakoshatstenserá꞉wis nonkweʼokon naiontʼró꞉ri ne Ní꞉io raoteriwanhothátsera.

Revelation 2:12

“Tánon ne raronhiakeró꞉non ne tsi ionterenhnaientáhkwa ne Pergamum nón꞉we shiá꞉ton: Ne kí꞉ken ne raʼowenhnaó꞉kons tsi niká꞉ienh rahá꞉we ne tetsá꞉ronhkwen nokwá꞉ti tsi iosarothí꞉ie:

Revelation 2:8

“Tánon raonhà꞉ke ne raronhiakeró꞉non ne tsi ionterennaientáhkwa nón꞉we ne Smyrna shiá꞉ton: Ne kí꞉ken ne raowenhnaó꞉kons ne thóh tierénhton tánon ne oná꞉kenkha í꞉ken, raónha ne rawenhé꞉ionhne tánon sahatónhnete:

Revelation 22:9

ók wahá꞉kenhase, “Tó꞉sa thóh naʼtiereh! Í꞉i ne skát꞉ne ionkeniiote ní꞉se tánon ne sathá꞉tekenhseras ne rotitó꞉kense, ó꞉ni tsi niiá꞉kon nenhiontienawaste naowenhná꞉okons kí꞉ken kahiatónhsera. Ronwasenhná꞉ien Ní꞉io!”