Philemon 1:22 - Ohiatonhseratokénti

²² Ne ienwahtashón꞉theren, tahkenaktasehrónnien, tiorì꞉wah tsi wahkeráhre ne Rawenni꞉io taharihwahserá꞉ko ne sehwahterennahientátsheras né thóh iahonsháke.

Philemon 1:22 ပူးပေါင်းရင်းမြစ်များ

Acts 27:24

tánon wahénron, ‘Thó꞉sa sáteron, Kór! Ónen tsi rahohénton iatenstá꞉ne ne Rakora. Tánon ne Rawenni꞉io tsi nithoriwaiéri ne sonháke kwáh rathikwékon wasakoniákente tsi niháti ne skátʼke sewatʼtsirótatse.’

Acts 28:23

Sók kíʼ wahonwenniserahrákwase ne Kór, tánon iakotsokowánen táien neh siwenniseráte tsi nónwe nihotawehiáthonne ne Kór. Oronkéne tsi nióre nokarasnéha wahsakonikonraientáten ne rahoteriwanothátsera ne Rawenni꞉io rahonakerásera, tánon wahateniénten niasakonikonrénhawe tsi nòkwa ne Ié꞉sos tsi nahatárakwe ne Mahís raoianerénsera tánon tsi nihothihiatónnions ne roʼnatiatatkonʼkwe.

Romans 15:24

Ónen káti aiáwens ehnaiáwenʼne. Tsi ní꞉ioht ne iakatʼtakwaríshaʼte ne Spain, tewakathonwentió꞉ni ne iatátʼtaʼne iakatketótaʼtse nohénton ne Spain niáke, tánon naskwaiénawaʼse ne thóhʼnon niáke, neh kíʼ nónen ienʼkwa ken nikariwésha ienkwanatarénaʼse.

2 Corinthians 1:11

Enseshonkwanián꞉kenʼte tiorí꞉wa tsi ne takwaienawá꞉se tsi takwaterennaiénnis. Tsi neniawén꞉ne, iakotiohkowá꞉nen tenhonwanonhwerá꞉ton ne Rawenni꞉io tiorí꞉wa iakotiohkowá꞉nen iakoterennaiéntahkwe nonkwaiaʼtanonhstahtshera ó꞉ni teioterihwaserákwen.

Philippians 1:19

Ne aoríhwa tsi wakatheriéntare neh sewatherenʼnaienthátsera tanon tsi nitkáhas ne kaienawaséhtsera tsi nòkwa neh rahonikónraʼtokentithera ne Kerístos Ié꞉sos neh enwatsiathanónstate.

Philippians 2:24

Ó꞉ni kwá ehthoní꞉ioht tsi katʼthókas ne Roiá꞉ner tsi kwá iosthóre tsi enhakeríhon ne éhtho iahonsáke.

Hebrews 13:19

Tánon kwáh nekén꞉nis sénha wéso tsi ahonteshewahnikonrahkontákwenh tsi aisewahterénnaien ne Rawenni꞉io tsi sénha iostó꞉re tionhá꞉ke iahonshahakathénieʼthe.

Hebrews 13:23

Tewahkatonwenhtió꞉ni nahisewahteriéntarahne nonkwahtatekénha Timothy shohiakén꞉en ne tsi iontatenotónkwah. Tóh꞉ka iostóh꞉re énrahwe, enhiákene nónen enkwáhken.

Ne꞉ne Sák Rohiaton 5:16

Ne káti, tesewatatróri tsi nisewariwáneren tsi natesewáterhe ó꞉ni sewataterenʼnaiénhas tsi natesewáterhe, né꞉ne ahonsehsewakʼkwatáko. Ne rahoterénʼnaient ne tronkwetaiéri kwáh íken tsi kasátsʼte.

2 Sawátis 1:12

É꞉so wakeriwá꞉ien nakwaró꞉ri, nok neh tkerákwas ne tóhsa ne kahiatónhsera tanon ne ieiathónkwa oné꞉ka ahkaste; kek, kaskáneks ne iakwanatarénase kwáh nénhne tentewatháren, kwáh kih tokén꞉en ahionkwatsennonní꞉hake.

3 Sawátis 1:14

Aiá꞉wens kwáh iostó꞉re ahonsakónken, eʼthò꞉ne kwáh iatheteniʼiati tsi entenikará꞉ton.