Philemon 1:16 - Ohiatonhseratokénti

¹⁶ Tánon nón꞉wa iáh ó꞉nen ne tésken tó꞉ka ken ne tsi rahnáskwa í꞉ken, onk kwáh íken tsi eshinónweh tsi shatésnha nón꞉wa kwáh kanó꞉ron tsi aʼtathekénshera í꞉ken tsi nokwáh ne Kerístos. Tsi niwé꞉so shatènahske nahkerihwá꞉ke! Tánon sénha wé꞉so shatènʼnaske ne sharihwà꞉ke, tetiarónkwen tsi ní꞉ioht tsi rahnáskwah ó꞉ni tsi aʼtathekénshera í꞉ken tsi nokwáh ne Kerístos!

Philemon 1:16 ပူးပေါင်းရင်းမြစ်များ

Matthew 23:8

Tosa tanon nise aietsinatonkȣake: Sonkȣaȣenniio! Aseken Keristos ok raonhaa hetsiseȣarihonnienni nok nise akȣekon tiieseȣatatekenha.

Acts 9:17

Sók kíʼ ne Ananias thóh wárete, hiahatáwehiaʼte tsi nónwe ténteron ne Saul, tánon hiatonʼnisnonsahéraʼse. “Tiathatéken Saul,” wahénron, “Roiá꞉ner rakathoʼrihátie nehne kwáh raónha—Ié꞉sos, tsi nahiathoʼtáshiaʼse nowaháke neh kén꞉en shonʼthesenonhátie. Tahakatóri nehne ahónton sékon ahonsáskenne ó꞉ni nashiàtanaʼne ne Ronikonratokénti.”

1 Corinthians 7:22

Asèhken ne rahnáskwah ne Roiá꞉ner shiahonáton rahonháke kíʼ ne Roiá꞉ner non nishohtatewenniʼióʼon; kwáh né ská꞉ka ne iontathewenní꞉io ne Kerístos ieskakonáton rahónha kíʼ rahonkwéta íken.

Colossians 3:22

Sewahnáskwas, kwak tsi nahorihoʼténhsons tsi ieʼtsiwenhnarákwak ne ronónkwes ne ieʼtsí꞉nas, iáh nek khók nó꞉nen ieʼtsinikónrare tiorì꞉wa tsi í꞉sewehre taisewahténtia ne rahotiriwahniratʼtshera; kwáh sewehriasihióhat tsi nensewá꞉hiere tiorì꞉wah tsi eʼtsisewariwahkweniénstha ne Roiá꞉ner.

1 Timothy 6:2

Neh rohtiriwiʼióstons neh ronnonkwetaʼiénton ne rathináskwas iáh thatehiothonwentióʼon nahonwahtikénron, asèken thonnhetákwen sehnónnehe. Khék, sénha aioianeréhake tsi nahonwahnatiérase, tioríhwa tsi niháti neh꞉ne rohtihiatakénas tsi nihotihiótens ne rathináskwa kwáh nònʼne thoʼnhetákwen ó꞉ni sakotinorónkwa. Ónenk tsi enserihónnien tánon saterihwanóten kíʼ nahorihoténsons

Hebrews 3:1

Tekanóronn Sewahriwiʼióstons onkwahtenrosónha, í꞉se ó꞉ni ne Rawenni꞉io ietsisehwennónkon! Ié꞉sos tsi sewahnonthónnionf, tsi raónha ne Rawenni꞉io thotórion tsi tókthe ratsihenstowáhnen tánon ne tewetákwen tewahriwahnírats.

1 Sawátis 5:1

Ónka nentiakétakwe ne Ié꞉sos rahónha ne Kerístos neh kíʼ tsi Rawenni꞉io sakoiénha; tánon ónka ronwanorónkwa ne kanísera iontatenorónkwa kíʼ nòn꞉ne ne sakoiénha.