Philemon 1:10 - Ohiatonhseratokénti

¹⁰ Ii káti wahkonrihwahnón꞉tonhse ne Onesimus raorihwà꞉ke, kwáh tsi ní꞉ioht ne í꞉i riiénha raonhà꞉ke ne Kerístos; tsi nikarì꞉wes ne tsi iontahthenhotónkwa nón꞉we í꞉i ne kaʼní꞉sera wahkáton tsi nokwáh ne karihwiiosthóntshera aorihwà꞉ke.

Philemon 1:10 ပူးပေါင်းရင်းမြစ်များ

2 Samuel 18:5

Ne ronnontí꞉io washakotewenhnatsaníten ne Joab tánon Abishai tánon ne Ittai, ratónhnions, “Tasewatewé꞉ienton ní꞉i akerihwáke tsi nòkwah ne kén nithoiónha Absalom.” Tánon ratikwé꞉kon nonkweʼókons wahakothónhtene nó꞉nen ne ronnontí꞉io shasakotewenhnatianíten ratikwé꞉kon ne ronteriʼioserakweʼní꞉ios ne ne raorihwáke ne Absalom.

St. Mark 9:17

Saiatat tahatati ȣahenron: Kentho riiatte riienha neh notkon rotienni.

Romans 12:1

Éhʼtho káti, tewatenrosónhas, neh tsi nikowánen ne Rawenni꞉io shonkwenténras, kwahnekénnis; kwáh ieʼiokontakwénhak tsi tátʼtsion ne Rawenni꞉io tsi tiónʼnhe ók ó꞉ni nehʼne aihsewárioʼte tsi nikaríwes tionnhétie, kwáh sewariwahtokénhak tsi nòkwa ne rahohioténsera ó꞉ni thaʼtsisewanikonraʼiérit, thókiʼ nikarihóten ne kwáh ahonwasénnaien ne Rawenni꞉io.

1 Corinthians 4:14

Né ki iakonhiátonse, iáh tóhkaʼ ken nahkoniatéhathe, nók ne nahkonnikonrahientáten tsi shíken ní꞉ioht ne kwáh í꞉se koniénha akénhake.

1 Corinthians 4:15

Asèken séhkon ne oiéri tewenniawehetsherásen aiesanikonrárahke tsi nisónnhe tsi sariwiʼióston, énskat khók shanísen. Asèhken tsi nisónnhe tsi tetiateriwahshóntere ne Kerístos Ié꞉sos Í꞉i ne iaʼníha wahkáton tsi tahkonhawíten ne kariwí꞉ios.

Galatians 4:19

Nók oh tekanóron kwaienokónha! Kwáh káti shékon ne teskaieróntare tsi ní꞉ioht ne kanisténsera iakowiraientásere, kwáh thóh ní꞉ioht tsi tewakawehéstha ne sewariwáke tsi nióre ienkáhewe níse naʼtsisewanonteratiéseke ne Kerístos.

Colossians 4:9

Enhiateróhsen ne Onesimus, né꞉tho tekanó꞉ron ó꞉ni rohriwatoken ateroserah, né꞉ne sewentiokwakon nón꞉we nihahiátare. Kwáh orihwakwé꞉kon enieʼtsiró꞉ri tsi niiawensérons nekén꞉en.

1 Timothy 1:2

Ne Timothy, ne kwáh riʼiénha ehʼnónwe ne tewetákwen: Aiáwens ne Ní꞉io Kaníhsera ó꞉ni Kerístos Ié꞉sos Sonkwaiáner nahontáhion ne kenténrat, ataniténron, ó꞉ni skénnon.

Titus 1:4

Í꞉seh Titus iakonhiátonshe, rohriwahtóken riʼiénha tsi nókwa ne tewetákwen né sateionkeníriwahke. Aiáwens ne Rawenni꞉io ne Kanísera ó꞉ni ne Kerístos Ié꞉sos Sonkwaiatákwas nahontáhion kenténrat ó꞉ni skénnon.

Philemon 1:11

Ieiohé꞉ne kwáh iáh thé꞉nen teharihwasthákwe ne tionhake, onk ó꞉nen ki tetiá꞉ronkwe tsi ní꞉ioht tsi rahrihwástha né꞉ne ishé꞉ke ó꞉ni nahkonhá꞉ke.

Philemon 1:13

Kwáh akenonwéhne ne kén꞉en aeʼhiatié꞉nawasthe, tsi nikarí꞉wes kenhó꞉ton ne karihwí꞉ios aorihwà꞉ke, ne káti nahónton aʼaksnié꞉non nishesewanaktáhke.

3 Sawátis 1:4

Iáh sénha nó꞉ia tewakaʼtsennonniaténnis nakáronke ne keienokónha thóh non niʼonnonnhetie ne tkariwaié꞉ri.